2 Korenti 11:23 - UWONBƆR A GBƆNPƆŊ LIKƆƆNL

²³ Bi ye Masiya a toontum lee? (N nann uwaar le maah pag man nin nbu.) Min jon ba, ki kɔɔ tiloondirin ke naa jɔɔ tarigi, le bi boom inaanbaan te-n, le n kan kininbɔŋ kan mal nkum jigin.

Uwumbɔr aagbaŋ

²³ Bi ye Kristo aatutum la aa? M mu ye ki jer bi. M ŋa nimi gafara la, m len ke ujɔr na la. M nan tun Kristo aatuln ki jer bi, ki koo tiyondir ponn ni ki jer bi. Kristo pu, binib nan gbaa mi ŋinaalab ki ti chaar jer. M nan kani linimaln, naa nan pɔɔ ke m kpo.

2 Korenti 11:23 ပူးပေါင်းရင်းမြစ်များ

Lituln 14:19

Le Juu yaab biba nyan Antiɛg kan be Pisidiya a tiŋin, nin Ikoniɛm a tiŋin, ki dan ki nan pag ki sei kuninfogbaluŋin ki bii Pɔɔl nin Banabasi. Le bi gabir Pɔɔl itangbag ki fuul u nyan kitiŋ nmɔn a gbaam, ki tan gab ki nyi ke u kpo le.

Lituln 20:23

Amaa maah choon ntim man biɛn nin, Kasi a Naaŋ ti chinn beim le ke kuloondiig nin fala be n nintogil ki guum.

Lituln 21:11

Le ki nan ta Pɔɔl a changbam, ki lol u tɔɔl a taai nin u nɔɔi, le ki len ke, “Kasi a Naaŋ len ke, Juu yaab ban be Jerusalam yin lol nchangban nan daan man le ki ta u ŋubin ban kaa ye Juu yaab a nɔɔn.”

Lituln 25:14

Baah nan be niin idaa takpem nmɔn nan che Fetusi nan wɔɔn ubɔr Agiripa Pɔɔl a bɔr kaah ye man na, ki ke: “Uja uba be do le Fɛlisi nan jiɛn u ŋa kuloondiigin.

Lituln 27:1

Baah nan nan bei ke ti kɔɔ kuŋaluŋ ki jo Itali nan, le bi nan ta Pɔɔl ki kpiɛ biloondiikɔɔb biba bu ki sei bitɔtogib a sanliiru wan a yinl ye Juliɛsi nan, wee u be bibɔrtiib a yudaau a paabim n yaan nin.

Lituln 28:16

Taah foo Rom n-yonn man nin, le bi jaa Pɔɔl le u be iniin le utɔtogir guu u.

Lituln 28:30

Pɔɔl nan be kudiig nmɔn yaan ibin ilee le ki yɔ ku bu. Le uninfo wan biɛn dan u ban ke un gaa u nbamɔm.

Lituln 9:16

N li wɔɔn u naah kpaa talar nin un ji fala N yinlin bu man.”

Rom Yaab 8:36

A li ke naah sɔb Uwonbɔr a gbɔŋin ke: “Fin bu le ti be nkum a daŋin lidaal biɛn; ki nann upee wan wee bi ŋa sili bin kɔrin.”

1 Korenti 15:10

Amaa Uwonbɔr a nyunyunbasanl bu le n ye maah ye wan nan, le u nyunyunbasanl lan be n ni nmɔn kaa ye yɔli. Nan bu-n n tun ki jon itoon nin biɛn na, amaa naa ye min le tun ni Uwonbɔr nyunyunbasanl lan nan be n ban ni-n le tun.

1 Korenti 3:5

Nin ni ma biɛn nan a bɔɔn, ŋma ye Apolosi? Ke ŋma ye Pɔɔl aa? Ti le ye bitoontum le, ban wee Uyudaan nan ta itoon ki ŋa uninfo uba biɛn a nɔɔn wee ni ŋa yada-n.

1 Korenti 4:1

Man bu ni ŋan bininfob li nyi ke ti ye Masiya a toontum le, Uwonbɔr ta U bɔwoonkaar ki ŋa ti nɔɔn ke ti ta pag ki bei bininfob.

1 Korenti 4:11

Ki nan kpaa iniɛ a yoo nkom nin nnyunyum jɔɔ ti le, ti yee tiwanchar le, le bi boo ti, le ti choon yelin kaa jɔɔ binbeboli.

1 Korenti 4:9

Min ban ke, n tiɛr ke Uwonbɔr gann tim ban ye itoon nan le ki jiin ti bɔɔn ke taa kpaa talar le liwonjiɛnlin ni. Ki nann bininfob ban wee bi li ku ti npaan ni ki ŋa ti ligaril a ninfob ban wee bi pag ki galin ti wee dulinya nan a ninfob nin Malakam ligin.

2 Korenti 10:7

Nim lig nan wee uninfo fir ga nin u numbim a binba nle. Ni ye uba jɔɔ tidindann ke u ye Masiya yaau ke, u li nyi ke ti mu ye Masiya yaab le, ke waah ye man ni.

2 Korenti 11:5

Amaa maa tiɛr ke ban ke bi ye itoon ki ye bipɔɔndamin a ni uba jomi.

2 Korenti 3:6

U che ti ye bitoontunŋam ban fir mɔɔn tipoopɔnn ni le, naa ye nan sɔb dɔ, amaa ti nyan Kinaaŋin le; nan sɔb dɔ-n ma ku le amaa le Kinaaŋ ma tenn limiɛfol.

2 Korenti 4:11

Tim ban fo nan, ti be nkum a nɔɔn le Yisa bu, naah li ŋa man wee u miɛfol n kpiir ti gbanann nin.

2 Korenti 6:9

bi nyi ti, amaa le ti be ke baa nyi ti le-n; ti kpeg le amaa le ki sin fo, bi boo ti le amaa le kaa ku ti;

Galantiya 6:17

N bɔjoor kaar ye nan le, uba laa ji mugirimi, n pii jɔɔ Yisa a daagim n gbanann nin.

Efesusi 3:1

Ni niɛ nan bu, le min Pɔɔl wan ye uloondiikɔɔr Masiya nin ban kaa ye Juu yaabin bu-n.

Efesusi 4:1

Min wan ye uloondiikɔɔr Uyudaan a toon yin bu-n, n balin ni le ke ni che ni binbem nkpaan ni yim man wee ni nan ga-n.

Efesusi 6:20

tibɔwoonkaar nmɔn bu le n ye ntoon le bi lolim tikulor nan, ni li miɛ Uwonbɔr ki tenn ma, wee n fir ki mɔɔn tibɔŋann nmɔn naah kpaan nin n mɔɔn ti man ki laa san bijawaami.

Filipi 1:13

Ni ma nan che bitɔtogib ban guu ibɔr niin nin, nin ibɔrniin a ninfob biɛn nan biɛ ke Masiya bu le n be libaalin.

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Kolosiya 1:24

Daandaan nan ni mɔm, nin maah jin fala kan nim bu-n, le n la gbee nin fala nmɔn le n gbanann nin ki jin nan la paar Masiya a fala a jimin paam, u gbanann nmɔn le ye biwonjiɛm a laguŋ.

Kolosiya 1:29

Ni niɛ nan bu le n tun ki gbaar nin u pɔɔm biɛn man pɔɔ lagir ki be nni ki tun nin.

1 Tesalonika 3:2

Ti tun Timoti wan ye ti toon tun kpiɛg Uwonbɔr a toon n-yaan wee ki mɔɔn Masiya a bɔŋann nle ni ban, ke un nan pɔɔg ni gbanann nin ni yada-n,

1 Timoti 4:6

A ta ni niɛ nan ki wɔɔn a nabum ke, a li ŋa usanliiŋan Masiya a toontumin, ŋaah nɔɔ ibamɔn a yada nin nwɔɔn ŋam man wugiriŋin.

2 Timoti 1:16

N miɛ Uwonbɔr le ke un san Onesiforusi a niin yaab kunyunyunbaag, nan bu-n u ye wan nan pɔɔgir n sufu le, le ifa kaa nan jɔɔ wi nin tikulor tan nan lolim nbu.

2 Timoti 1:8

Mambu laa san ifa nin a ji ti Yudaau a siɛra bee min wan ye u loondikɔɔru win a siɛra, amaa Uwonbɔr a pɔɔm bu che min nin fin nlagin ki ji fala tibɔŋann nan bu,

2 Timoti 2:9

tan bu wee n ji fala hali ke bi nan lolim tikulor a li ke tukangbirdaan nin. Amaa uba kaa li fir lol Uwonbɔr a bɔri.

2 Timoti 3:11

nin baah mugirim man, nin n fala a jim, nin tiwann tan biɛn nan kam Antiɛg, nin Ikoniɛm nin Lisitira, nin maah nan pɔɔn nba ki kan limugil lan. Nin ni ma biɛn Uyudaan nan nyan ma.

Filemonn 1:9

amaa n baliŋ le njiɛm bu. Min Pɔɔl, wan ye uninkpel wee daandaan nan ki ye uloondiikɔɔr Yisa Masiya bu-n,

Hiibru Yaab 10:34

Ni nan jogir biloondiikɔɔbin le, le ki chee sei ban yug ni wan yɔɔrin nin nmɔn, nan bu-n ni tɔɔl nyi naah jɔɔ nan nin kaah ŋan kaa jɔɔ diɛmi.