2 Korenti 11:13 - UWONBƆR A GBƆNPƆŊ LIKƆƆNL

¹³ Bi yaa ninfobol ye tibɔkar a tooi le, ki lar ke bi ye bitoontum le, ki ta biba kpann Masiya a tooi.

Uwumbɔr aagbaŋ

¹³ Binib ngbaan ŋmanni nimi la. Baa ye Kristo aakpambalb. Bi ŋmanni nimi ke bi tun waatuln, ki mu aa tun.

2 Korenti 11:13 ပူးပေါင်းရင်းမြစ်များ

Matiu 25:24

“Le wan nan gaa kiba nan ma kɔɔ u yudaau ban ki bei u ke, ‘N yudaau, n nyi a bɔr kaah pɔɔ, ŋaah kaa bu nan ni a chiɛ ni ma le. Ŋaah kaa yaal tijiir tan ni, ti ma le a pii.

Lituln 15:1

Bijab biba le nan nyan Judiya, ki dan Antiɛg, le ki nan wɔɔn biwonjiɛmin ke: “See ke ni jii ni pun, ke Moziz a siimin kaah wɔɔn man nin, naa ye man ke, naa li kan nŋmarimi.”

Lituln 15:24

Ti gbir ke ti ni biba dan ni ban le naa ye tim le tun bi, ki jɔɔ tibɔr ti ba ki pag ni, le ni mugir ni ki ŋmarin ni potiɛl.

Lituln 20:30

N-yonn chaan le ni ni biba mu na li nya ni tɔɔl a gbanann nin, ki por tibɔkar ki jiin ibamɔn a wɔɔnimin paam, ki lar biwonjiɛm ki che bin nɔɔ bi.

Rom Yaab 16:18

Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

2 Korenti 11:15

Naa ye ligaril li, ni ye Sintani a toontum ta biba kpann bitoontun buchim ke. Bi joorimin le bi na li kan bi toon nmɔn kaah kpaan bi man.

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

Galantiya 1:7

taa le ye tibɔŋann ma kolibi. Ibamɔn buu bininfob biba li yin ta kuŋmaruŋ ki ŋa ni sufu ni ki degin ni Masiya a bɔŋann nmɔn.

Galantiya 2:4

Tibɔr nmɔn nan nyan nnabum man por tibɔkar tenn bi ba ke bi mu ye Yisa a bɔɔnɔɔbin le, bi nan be ti sisiigin le ki pigir ti ki ban bin biɛ taah gaa ti ba Masiya bu man wee ki ŋa ti nsiim a yomi.

Galantiya 4:17

Bininfob biba jɔɔ inunman ki ban ni ta ni baga ŋa bi ni, amaa naa ye ni ŋam bu le bi ŋaan nmɔn ni. Bi ban bin ta ni ŋa bicham ti ban, naah li ŋa man wee ni li jɔɔ inunman ki ta ni baga ŋa bi ni.

Galantiya 6:12

Bininfob ban ban bin wɔɔn biba a ŋam npaan ni nin bi ma mugir ni ke ni jii ni pun. Nan bu che bi ŋaan man ye baa ban biba nmugir bi Masiya a dapunpunlin bu.

Efesusi 4:14

Taa ji yin ye nbuwaab tirimi, wee bilinlarib a wɔɔnimin li jɔɔ ti ki yeŋ ke kubulunkpoŋ kan wee kunyungbɔŋ daar ki yeŋ chaa kaah ban nan paami.

Filipi 3:18

A li ke maah pii gbaa bei ni man nin, hali ki nin bei ni nin tinyinyinn ke, bininfob biba a binbem ŋa Masiya a dapunpunlin a dataag le.

Filipi 3:2

Ni li nyi bininfob ban ye ibɔ nan, ki ye titoonbirdam wee ki jiil bi gbanann chɔr nan bu.

Kolosiya 2:4

N bei ni ni niɛ le, ni laa che uba n ta limɔkpel lan nann ibamɔn nin ki lar ni.

Kolosiya 2:8

Ni laa che uba n ta uninfosaal a biɛm man kaa jɔɔ nyɔɔrin ki lar ni kɔɔn tiyomirin ni, ni ma nyan bininfob a kaalin le nin kutingbɔŋ nan a maabiyiɛrugin, naa nyan Yisa ban ni.

1 Jɔnn 2:18

N bijiɛkaam, iyoo yan joor sɔ, ke naah pii gbir ke Masiya a dataag chaan nin, hali daandaan nan gbaa Yisa a dataam takpem dan na. Mambu le ti biɛ ke ni ye iyoo joor kaa le.

1 Jɔnn 4:1

N jɔtiib ni laa ŋa kinaaŋ biɛn yada, amaa ni mag kinaaŋ biɛn njee ki nyan Uwonbɔr ban na, nan bu-n tibɔkar a linlem takpem dan dulinya nan yaan na.

Juud 1:4

Ni ma bu bininfob bibam woon ki kɔɔ ni sisiigin na, ban wee bi nan sɔb bi bɔr ke bi li bii bin. Bi ye ban kaa jiɛn Nween le, bi ye ban labir ti Wonbɔru a nyunyunbasanl a bɔrin le, ki nɔɔ iwanchɔgin toon, ki yii Yisa Masiya wan ye ti bɔru nin ti yudaau win.

Tibɔkpiirkaan 19:20

Amaa bi nan choo kuwanbiig nmɔn na nin tibɔkar a linlenu wan nan sir u taalin wee ki tun ligaril a siɛra-n. Siɛram nan le u nan ta bii ban nan gaa kuwanbiigin a daagim a potiɛl le bi jiɛn u nunaŋin. Bi bilee nmɔn la nan fo le bi ta bi jaa lichibil a ŋmiim a mɔgilin yaan.

Tibɔkpiirkaan 2:2

N nyi ni ŋaar, ni nunman nin ni mɔril man. Ki ji nyi naah kaa ban bininfob ban a pooi to, mambu le ni nan mag ban nan ke bi ye itoon wee kaa sin ye-n ki biɛ baah ye tibɔkardam man.

Tibɔkpiirkaan 2:20

Ni biɛn yɔli, Nan wee n jɔɔ ki galin ni sɔ: Ni cheel tenn upii wan wee bi yi u ke Jezebiɛl, wee u yi uba ke ulinlenn nin. Upii nmɔn a wɔɔm che n toontum kɔɔ iwanchɔgin toon nin lipiibanlin nin lijabanlin nin tibawojiir a jimin.

Tibɔkpiirkaan 2:9

N nyi ni fala a jim bu nin naah ye faladam, amaa ni ye bijɔɔndam le! Ki nyi biba kaah jɔɔ kutingbiig ki bei ni ke bi ye Juu yaab le amaa kaa sin ye; amaa bi ye Sintani a wonjiɛndiig a ninfob le.