2 Korenti 10:7 - UWONBƆR A GBƆNPƆŊ LIKƆƆNL

⁷ Nim lig nan wee uninfo fir ga nin u numbim a binba nle. Ni ye uba jɔɔ tidindann ke u ye Masiya yaau ke, u li nyi ke ti mu ye Masiya yaab le, ke waah ye man ni.

Uwumbɔr aagbaŋ

⁷ Tɔ, ni lik binib paacham la aa? Ubaa yaa bi ni ponn ni ki len ke u ye Kristo aanii kan, cha u teer ke ti mu ye Kristo aanib ke waah ye pu na la.

2 Korenti 10:7 ပူးပေါင်းရင်းမြစ်များ

Matiu 23:5

“Bi tun man biɛn ki ban bininfob le nkan: Lig baah ta Uwonbɔr a siim ki sɔb tabin bi yutun bu, ki ŋa bi daalam a mɔgbai fɔg ki ban bininfobin kan;

Tibɔnyaan ti Luk ŋmee ti na 16:15

Le u bei bi ke, “Nim ban wɔɔnn ni ba ke ni ye bibuchim bininfob ban nan, amaa Uwonbɔr nyi ni sufu ni. Nan wee uninfosaal tiɛr u sufu ni ke ni ye niwann ŋann tan kagin, amaa Uwonbɔr ban ni ye yɔli le.

Jɔnn 7:24

Ni jiɛn kununaŋ a bɔjila, wee ki li jɔɔ ibamɔn a bɔjil.”

1 Korenti 1:12

Nan wee n pag nmɔn ye nan le: Ni ni uba ke “Min nɔɔ Pɔɔl le”, le uba mu ke “Min nɔɔ Apolosi le”; le uba mu ji ke “Min nɔɔ Piita le”; le utɔ mu ke “Min nɔɔ Masiya le.”

1 Korenti 14:37

Ni ye uba tiɛr ke u ye ulinlenn bee u jɔɔ Kinaaŋ a piini ke, ni ŋan nin u yaadaan n biɛ ke nan wee n sɔb ki sei ni nan ni ye Uyudaan a siim le.

1 Korenti 15:23

Uninfo biɛn nin u kum a fii yoo, Masiya le chinn fii, le ban ye u ninfob mu na li fii u jirin daal.

1 Korenti 3:23

Masiya le ye ni, le Uwonbɔr mu ye Masiya.

1 Korenti 9:1

Maa ye n baa? Maa ye ntoon naa? Maa kan ti Yudaau Yisa nmɔn naa? Naa ye nim le ye n toon nmɔn a nyɔɔr ti Yudaau nnaa?

2 Korenti 10:1

Min Pɔɔl wan jɔɔ jiininba nin nbinben ŋan Masiya ban ni, le tenn ni bimɔb nan, min wan wee ni ke n be ni ban ke n san bijawaamin amaa wee n nyan ngbaan ke n jɔɔ lipoobilin!

2 Korenti 11:18

Bininfob takpem kaah far igbingban ke dulinya yaab kaah ŋaan man ni, n mu li fa n gbingbanl.

2 Korenti 11:23

Bi ye Masiya a toontum lee? (N nann uwaar le maah pag man nin nbu.) Min jon ba, ki kɔɔ tiloondirin ke naa jɔɔ tarigi, le bi boom inaanbaan te-n, le n kan kininbɔŋ kan mal nkum jigin.

2 Korenti 11:4

Ni ye uba dan ni ban ki nan bei ni Yisa uba a bɔr wee naa ye Yisa wan a bɔr wee ti nan pagin ke, bee kinaaŋ kan kaa ye Kasi a Naaŋ nke, bee tibɔr tan kaa ye Yisa a bɔŋanni ke, ti ma le ni gaan nbamɔm weem.

2 Korenti 12:11

N ŋa nba le kujɔrug, amaa nim le che n ŋa man. Nim le bi li pagim, nan bu-n hali maa le ye niba ke, amaa ban lar ke bi ye “itoon pɔɔndamin,” kaa jomi.

2 Korenti 13:3

naah ban ni biɛ ke Masiya le sin jɔɔm ki pagi. Waa ye kidaburig le ni sisiigin ni, u jɔɔ npɔɔn ni ban.

2 Korenti 5:12

Naa ye ti pagir tiba le ni ban jigin ni, amaa ti tenn ni nsan le, wee ni fir faa igbingban ti bu, naah li ŋa man wee ni fir kan njiim ki sei ban far igbingban baah ga nan nbu ki jon nan be sufu nin bu.

Galantiya 3:29

Ni ye Masiya le ye ni ke, man ke ni ye Abiraham a yaabili le, ki li ji u faal ke Uwonbɔr a mɔsiinlin kaah wɔɔn man nin.

1 Jɔnn 4:6

Tim nyan Uwonbɔr ban le, le uninfo wan biɛn nyi Uwonbɔr pelig ti bɔr, amaa wan kaa nyan Uwonbɔr ban kaa pelig ti bɔri. Taah ŋaan man ki biɛr ibamɔn a Naaŋ nin tibɔkar a naaŋ le yen.