2 Korenti 1:22 - UWONBƆR A GBƆNPƆŊ LIKƆƆNL

²² ki daag ti waah ye ti a daagim, ki ta u naaŋin ŋa ti sufu ni, le ni wɔɔn ke u li sei ti nan biɛn wee U siin limɔsiinlin.

Uwumbɔr aagbaŋ

²² U daan timi ke uma le yeh timi, ki di Waafuur Nyaan ŋa tisui ni, ke u mɔk timi waah ga tii timi pu na n‑yoonn mu choo na.

2 Korenti 1:22 ပူးပေါင်းရင်းမြစ်များ

Jɔnn 3:33

Uja wan nan gaa siɛra-n u chee ke Uwonbɔr ye ubamɔndaan le.

Jɔnn 6:27

Ni laa tun ki ban tijiir tan li bii, amaa ni li gbaar ban tijiir tan li che ni kan limiɛfol lan kaa jɔɔ diɛm, tan wee Uninfosaal a Bigin yin sei ni-n. Uwonbɔr wan ye Baa-n le ta u cheem a daagim ki paan u bu.”

Rom Yaab 4:11

U punjiilin nan ye siɛra le ki wɔɔn ke u pii ŋa Uwonbɔr yadau, le Uwonbɔr ta U buchin binbem a daagim ki daag u, u yada bu, n-yonn man wee waah laa nan jii u punlin. Le ki ŋa u yadadam ban kaa jii bi pun biɛn a baa, na li ŋa man wee bin kanh bi kpiɛ ban jɔɔ nbuchin binben nin.

Rom Yaab 8:23

Naa ye ni yaa binba, amaa tim ban wee Uwonbɔr chinn sei ti U Kasi a Naaŋin a looi yin tɔɔl dun le ti sufu ni ki guu n-yonn man wee Uwonbɔr na yin ta ti kpann U tɔɔl a buwaab, ki sei ti nkpenim a manug ti gbanann nin.

Rom Yaab 8:9

Nim, ma ke, tigbanann a bamin kaa ji ŋmag ni amaa Kinaaŋin le ni ŋmag ni, ni ye Uwonbɔr a Naaŋ be ni ni ke. Wan mu kaa jɔɔ Masiya a Naaŋin ke, waa ye Masiya yaa wi.

2 Korenti 5:5

Uwonbɔr le ŋa ti sili ki guun nan be nan paam, ki ta u Naaŋ ki sei ti le ni ye siɛra ke u li sei ti nan biɛn wee U siin limɔsiinlin.

Efesusi 4:30

Ni laa bii Uwonbɔr a Kasi a Naaŋ a sufu, wan wee Uwonbɔr taah daag ni nkpenim a manugin a daal.

1 Tesalonika 4:8

Mambu uninfo wan yii kaa nɔɔ nwɔɔnim nan ke, naa ye uninfosaal le u yii amaa u yii Uwonbɔr wan sei ni U Kasi a Naaŋin le.

2 Timoti 2:19

Nin ni ma biɛn yɔli, Uwonbɔr kaah pii bil lifiɛl lan nin sir nbamɔma, le u daagim a sɔbim paa li bu: “Uyudaan nyi ban ye u yaab,” le “Wan biɛn mu ban un nɔɔ Uyudaan ke, un kpenn u binbema ki nya titoonbir a tumin na.”

Tibɔkpiirkaan 2:17

Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, n li sei u kulɔŋ a boroboro kan woo-n, wee bi yi ke maana-n. N mu ji li sei u litangbag penl lan wee liyinl pɔnl sɔb paan li bu, le wan gaa litangbagil nmɔn a binba le li nyi liyinl nmɔn a taai.”

Tibɔkpiirkaan 7:3

“Ni laa sei kutingbɔŋ bee limɔgil bee isiig kidaŋi, hali nin taah na li ta tiwann tabin wann ki tabin ti Wonbɔru a toontum a yutun bu.”

Tibɔkpiirkaan 9:4

Uwonbɔr nan bei bi ke bi laa sei dulinya nan a mɔɔr bee tiwann bu wan bee isiigi kidaŋi, amaa bin sei bininfob ban kaa jɔɔ Uwonbɔr a daagim bi yutun bu-n a binba.