2 Korenti 1:1 - UWONBƆR A GBƆNPƆŊ LIKƆƆNL

¹ Min Pɔɔl wan wee Uwonbɔr a bam bu wee n ŋa Masiya a toom nan, min nin ti na a big Timoti, le sɔb kugbɔŋ nan ki tenn Uwonbɔr a ninfob ban be Korenti, nin u ninfob gannkaab ban biɛn be Akaya a tingbɔŋin biɛn.

Uwumbɔr aagbaŋ

¹ Min Pɔɔl u ye Yesu aakpambal Uwumbɔr aageehn pu na, m ni tina aabo Timoti le ŋmee kigbaŋ kee tii nimi Uwumbɔr aanib bi bi Korint aatiŋ ni na, ni waanib bimɔk bi Griis aatim mɔmɔk ni na.

2 Korenti 1:1 ပူးပေါင်းရင်းမြစ်များ

Lituln 16:1

Le Pɔɔl foon Deba, le ki jon foo Lisitira, nan yaan wee u kan ubɔɔnɔɔr wan wee bi yi u ke Timoti. Wan a na nan ye Juu a ninfou ki ye yada daan ni, amaa le u baa ye Girig a ninfou.

Rom Yaab 15:26

Nan bu-n Masedoniya nin Akaya yaab nan jɔɔ nmɔn ke bin chaar ki sei biwonjiɛm ban nan ye faladam ki be Jerusalam.

Rom Yaab 16:21

Timoti, wan ye n toon tun kpiɛgin, poor ni, le Lusiɛsi, nin Jasonn, nin Sosipata ban ye n bol yaabin mu poor ni.

Rom Yaab 16:5

Poor biwonjiɛm a laguŋ ban lagin tab bi niin yin nin mu. Poor n jɔ kpaarimɔɔn Epenetusi, wan nan chinn ŋa Masiya yada Asiya a yerin nin.

1 Korenti 10:32

Ni laa che uba nlu waah ye Juu a ninfou, bee Girig a ninfou, bee uwonjiɛn ni.

1 Korenti 16:10

Timoti nan dan ni ban ke, ni che u li be ni ban na wee ki laa che u lam yugiri, nan bu-n, u tun ti Yudaau a toon yin le ke maah tun man ni.

1 Korenti 16:15

Ni nyi Sitefanasi nin u niin yaab le nan ye chinchinn a ninfob ban kpenn bi binbem ki ŋa biwonjiɛm Akaya a tiŋin, bi ta biba le ki sei itoon nin ki tun ki tenn Uwonbɔr a ninfob. N nabum, n balin ni le,

1 Korenti 16:24

N ban ni biɛn Masiya a yinl bu. Ibamɔn.

1 Korenti 6:11

Nim bibam nan ye man le. Amaa le Uwonbɔr ŋunn ni bir, ki ŋa ni kasi, ki ke ni bɔr ŋan Uyudaan Yisa Masiya a yinlin nin Uwonbɔr a Kasi a Naaŋin bu.

2 Korenti 1:19

Amaa Uwonbɔr a bija Yisa Masiya wan wee min nin Silasi nin Timoti nan mɔɔn u bɔr ki sei nin, waa ye “Nn” nin “Aai,” amaa u ma bu ke iyoo biɛn u “Nn” le ye “Nn” le.

2 Korenti 1:23

Uwonbɔr le ye n siɛradaan ke nin nan ŋan nin n ŋmiɛ ni maah kaa ji nan jirin Korenti a tiŋin ni.

2 Korenti 11:10

Ni ye ibamɔn le ke Masiya a bɔŋann nin a bamɔn kaah be n ban ni bu, uba kaa be Akaya a tingbɔŋ nan yaan ki che n ta n gbingbanfaalin ki jiɛn ni!

2 Korenti 9:2

N nyi naah ban ni ter bi. N gbaa far ligbingbanl le ni bu Masedoniya yaab ban, ki bei bi ke nim ban be Akaya a timin ni, jirib n-yaan ni nan ŋa sili le nin ni ter, ni yaa nunmanl bu che Masedoniya yaab mu ban bin ter le.

Galantiya 1:1

Min Pɔɔl wan ye Masiya a toom nan, maa nyann bininfob ban ni bee naa ye uninfo le tunimi, amaa Yisa Masiya nin ti Baa Uwonbɔr, wan fiin u nkumin nin,

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Efesusi 1:1

Min Pɔɔl wan ye Masiya a toom Uwonbɔr a bamin nin, N sɔb kugbɔŋ nan ki tenn Uwonbɔr a ninfogann kaab ban be Efesusi, ki si bi yada-n Masiya ban nin:

Filipi 1:1

Min Pɔɔl nin Timoti, tim ban ye Masiya a yomi, Le sɔb kugbɔŋ nan ki tenn Uwonbɔr a ninfob gannkaab ban be Masiya nin ki be Filipi a tiŋin, ki kpiɛ ban ye biwonjiɛn sanliib nin bititeribin:

1 Tesalonika 1:1

Min Pɔɔl nin Silasi nin Timoti; Le sɔb kugbɔŋ nan ki tenn Tesalonika a wonjiɛm a laguŋ kan wee ti Baa Uwonbɔr nin ti yudaau Yisa Masiya ye-n; Uwonbɔr a kaar nin nposɔɔn li be nin ni.

1 Tesalonika 3:2

Ti tun Timoti wan ye ti toon tun kpiɛg Uwonbɔr a toon n-yaan wee ki mɔɔn Masiya a bɔŋann nle ni ban, ke un nan pɔɔg ni gbanann nin ni yada-n,

2 Tesalonika 1:1

Min Pɔɔl nin Silasi nin Timoti, Le sɔb kugbɔŋ nan ki tenn biwonjiɛm a laguŋ kan be Tesalonika ki be nin ti Baa Uwonbɔr nin ti Yudaau Yisa Masiya bu:

1 Timoti 1:1

Min Pɔɔl wan wee Uwonbɔr ŋaam Masiya a toomin, wan ye ti feeru nin Masiya wan bu wee ti jɔɔ tama-n,

2 Timoti 1:1

Min Pɔɔl wan ye Masiya a toom Uwonbɔr a bam bu-n, le u ke n mɔɔn limiɛfol a bɔr tan wee Uwonbɔr nan siin limɔsiinl Masiya bu-n,

Taitus 1:1

Min Pɔɔl wan ye Uwonbɔr a yomu nin Yisa Masiya a toomin, le Uwonbɔr tum u ninfo gannkaab ban, ke n ter bi bi yada-n wee bin biɛ ibamɔn a bɔr tan wɔɔn nwonjiɛn binben nin,

Filemonn 1:1

Min Pɔɔl, wan ye uloondiikɔɔr Masiya bu-n, nin ti na a big Timoti le sɔb kugbɔŋ nan, Ki tenn ti jɔ kpaarimɔɔn, Filemɔɔn wan ye ti toontunn kpiɛgin,

Hiibru Yaab 13:23

N ban ni li nyi ke bi loor ti nabig Timoti kuloondiigin ki jaau. Ni ye u foon weem ke, n li ta u ki dan wee ti nan kan ni.