2 Jɔnn 1:2 - UWONBƆR A GBƆNPƆŊ LIKƆƆNL

² nan bu-n ibamɔn yan be ti ban ki yin gbaa be ti ban chaan bu.

Uwumbɔr aagbaŋ

² Mbamɔn pu, le ti gee nimi. Mbamɔn ngbaan bi tisui ni, ki ga li bi ti chee n‑yoonn mu kaa kpa ndoon na.

2 Jɔnn 1:2 ပူးပေါင်းရင်းမြစ်များ

Jɔnn 14:16

Le n li baan Baa-n, wee un ji sei ni utiter uba wan na li gbaa be nin ni n-yonn biɛn.

Jɔnn 15:7

Ni ye ke ni be nin min wee n mɔleen be nin ni ke, ni baan naah ban nan biɛn bu ke, ni li kan ni.

1 Korenti 9:23

Tibɔŋann nbu le n tun ni niɛ nan biɛn, ke n nan ji ni nyɔɔr.

2 Korenti 4:5

Naa ye ti mɔɔn ti baantɔɔl a bɔr le, amaa ti mɔɔn Yisa Masiya a bɔr le, ke u ma ye ti Yudaau, le tim ye ni toontum, Yisa bu.

Kolosiya 3:16

Ni che Masiya a bɔŋann nin li be nin ni nbamɔma, wee ni li wɔɔn ni tab, ki gbeer tab nin nlamgɔrikaam, ki li gaah ilan, liwonpagil a lan, nin Kinaaŋ a lan nin linungbeel ni sufu ni ki sei Uwonbɔr.

2 Timoti 1:5

N tiɛr yada bamɔŋ kan wee a jɔɔ-n bu, ki ye yada kan wee a yaa Lɔsi nin a na Yunisi nan jɔɔ n-yaa booli le, le n nyi ke a tɔɔl jɔɔ yada nmɔn.

2 Piita 1:12

Mambu, n le yin gbaa tiɛr ni le tiwann nmɔn bu, hali naah pii nyi ki si kenken ki baa ibamɔn yan wee ni jɔɔ daandaan nan ni.

1 Jɔnn 1:8

Ni ye ti ke taa jɔɔ tibir ke, ti lar ti ba le, le ibamɔn kaa be ti ban ni.

1 Jɔnn 2:14

N sɔb le ki tenn nim ban ye baam, nan bu-n ni nyi wan nan be npiinimin. N sɔb le ki tenn nim ban ye iwanpɔlin, nan bu-n ni jɔɔ npɔɔn, le Uwonbɔr a mɔleen be nin ni, le ni nyaŋ tibirdaan nin na.

1 Jɔnn 2:17

Dulinya nin ki kɔlisa li jo, amaa wan tun Uwonbɔr kaah ban man ke, udaan yin gbaa be le ki chaa.