1 Timoti 6:9 - UWONBƆR A GBƆNPƆŊ LIKƆƆNL

⁹ Bininfob ban ban bin ŋa bijɔɔndamin, bi ma kɔɔ nbigimin, nin kupeŋin nin ijɔrig takpem a wann nin kɔlisa kan ye kidaŋ ki bii bininfob wee bi lurin.

Uwumbɔr aagbaŋ

⁹ Binib bi aanimbil man liwankpal pu na ga kan ntɔŋ, ki lir. Binimbil ga li man kijɔrk aawan sakpenn le pu. Ni ye fam la, ki ga bii bi. Tiwan ngbaan aaboln le cha binib bee fam ki kan ntafadaan mu kaa kpa ndoon na.

1 Timoti 6:9 ပူးပေါင်းရင်းမြစ်များ

Matiu 13:22

Ndibim man lu ikunkon nin nan mu le ye wan gbir Uwonbɔr a bɔr, amaa le dulinya nan a mugil nin njɔɔm a bam lu ki nyagin i bu, le taa li fir naan ni.

Matiu 19:22

Unaachipɔɔn nmɔn kaah gbir man n-yonn man ni, le u fɔr nin npoobiin, nan bu-n u jɔɔmin nan yab le takpem.

Matiu 26:15

ki tan baan bi ke, “Ni yin seim baa wee n che Yisa nkɔɔ ni nɔɔn naa?” Le bi kan tikur a ligibim pita ki sei u.

Matiu 6:19

“Laa jɔɔ a jɔɔm ki woog dulinya nan yaan ni, nan yaan wee ikootug nin gamlali nin ndundum li mɔɔ ki bii mi; bee binaayigib na li kɔɔ ki su.

Tibɔnyaan ti Mak ŋmee ti na 4:19

le dulinya nan a bɔr nin njɔɔm a bam nin tiwann ban kaar a booli a booli n kɔɔ ki nyagin tibɔr nbu bi sufu ni, ki ku ti le taa yin fir ki naan ni.

Tibɔnyaan ti Luk ŋmee ti na 12:21

“Wan lagin njɔɔm ki tenn uba, wee kaa sin jɔɔ njɔɔm Uwonbɔr ban ke, u mu nann kujajɔrug nan le.”

Tibɔnyaan ti Luk ŋmee ti na 21:35

Nan bu-n lidaal nmɔn li dan ban biɛn be kutingbɔŋ nan biɛn bu.

Lituln 8:20

Amaa le Piita jiin u ke, “A tug ke a li fir ta ilig ki daa Uwonbɔr a piin yaa? Fin nin a ligi nmɔn n gabim yɔli!

Efesusi 4:22

Bi nan wɔɔn ni, ki jiin ni binben kpegimin paam ke, ni nya ni binben kpegimin yaan na, mi ye kɔlisa birug kan lar ni le;

1 Timoti 1:9

Ti ji nyi nsiimin kaah kaa siin sei ban ye bibuchimi, amaa ban ye tukangbirdam, nin ban kaa san Uwonbɔr, nin tibirdam, nin tijagindam nin ban galin Uwonbɔr, nin ban ku bi baam, nin ban ku bi nam nin bininfokub,

1 Timoti 3:7

Ni kpaa le nin u li ye wan jɔɔ jilima ban kaa ye biwonjiɛmin ban, wee ki laa ji ifa ki lu ulinlarin a kurug n-yaan ni.

1 Timoti 6:10

Lilig banl ye titoonbir biɛn a sibonl le. Bininfob ban ban ilig ki tan lagir nmɔn a yada bora, le bi sufu nin gbee nin npoobiin takpem.

1 Timoti 6:17

Kpaan ban ye bijɔɔndam dulinya kan yaan wee ti be nan ke bi laa jɔɔ kalanbaani bee ki ta bi tama ki ŋa njɔɔm man kaa si bogiliba nan yaan ni, amaa bin che bi tama li be Uwonbɔr ban, wan tenn ti njɔɔm man biɛn wee ti jɔɔ ter tiba-n.

2 Timoti 2:26

wee bi lam n jirin, wee bin ŋmar ki nya ulinlaril a peŋ kan wee u ta pen choo bi wee bi tun u bamin.

Taitus 2:12

U nyunyunbasanl nmɔn wɔɔn ti ke ti yiim nan kaa ye nwonjiɛn binben nin dulinya nan a kɔlisa birug biɛn, wee ki li chor ti ba ki li ye ban jɔɔ lasaab, ki li jɔɔ nwonjiɛn binben n-yonn man wee ti be nan yaan.

2 Piita 2:3

Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.

Juud 1:11

Bi woo tibɔbir be bi bu! Bi gaa Kenn a toon le, bi ban tinyɔɔr le weem weem le ki kɔɔ Balaam kaah kɔnn nin bininkpeeb; le ni bii bi Kɔra mɔyiilin bu.