1 Timoti 6:4 - UWONBƆR A GBƆNPƆŊ LIKƆƆNL

⁴ u ye kalanbaanidaan wan donn uba le kaa sin nyi niba. Ki ji ye wan a mɔsanyum sɔɔn, nin wan a sufu be limɔkpel a famin nin tibɔyɔɔr a pagimin, nin lipiiponl lan jɔɔ nbɔgirim chaan ki che taa nyi ki biɛn tab,

Uwumbɔr aagbaŋ

⁴ u ye kalmbaanidaan la, kaa nyi nibaa. U gee ke u kpak kinikpakpak ibɔliin aatataa pu. Nima le cha lipiipoln, ni tibɔr, ni ŋisiibil bi, ki cha binib dak ilandak i kaa ŋan na tɔb pu.

1 Timoti 6:4 ပူးပေါင်းရင်းမြစ်များ

Lituln 15:2

Le Pɔɔl nin Banabasi fa bi limɔkpel nin kinimaŋ. Le bi gann Pɔɔl nin Banabasi nin biwonjiɛm bibam, ke bin jo Jerusalam, ki tan kan itoon nin nin bisanliibin ki jiin nbinbaan nmɔn paam.

Lituln 18:15

Amaa naah ye ibinbaan ki jiin ni tɔɔl a mɔleen, nin ni yin, nin ni tɔɔl a siim paam nan ma, ni tɔɔl nmann tibɔr nmɔn na, maa li fir ji tibɔr nmɔn ni.”

Lituln 8:9

Le uja u ba mu nan be kitiŋ nmɔn yaan, ki ye unyɔgdaan, le u yinl ye Simɔnn, u nan tun ligaril a toonl le ni gar Samariya yaab biɛn. U nan far u gbingbanl ke u ye uninfoja le,

Rom Yaab 12:16

Ni li be nin tab nin nmɔn na. Ni laa jɔɔ kalanbaani; amaa ni chee ki li be nin bilanjiima. Ni laa wɔɔn ni biɛmi.

Rom Yaab 13:13

Ni che ti binbem li ween na, a li ke ti be nweehn le-n, ki laa ye ban nyu ndaam a booli biɛn bee bidanyugbeebi, ki laa tun iwanchɔgin toon ti piibanlin bee ti jabanlin nin iwanjaab toon a boolin yi, ki laa jɔɔ imɔkpel nin lipiiponli.

Rom Yaab 14:1

Ni gaam wan a yada kaa pɔɔ-n na, wee ki laa ji tab tibɔr tan ye limɔkpel a bɔri.

Rom Yaab 2:8

Amaa ban ban niwann biɛn li ye bi yaan, wee ki yii ibamɔn wee ki nɔɔ titoonbir a samin, Uwonbɔr a ŋuul yin fii bi bu le.

1 Korenti 11:16

Amaa ni ye uba ban un fa limɔkpel ki jiin tibɔr nan bu ke, tim nin tiwonjiɛn tab kaa jɔɔ nan wee ti li tun ki kpiɛ ni niɛ bu.

1 Korenti 11:18

Chinchinn n gbir ke ni ye ni lagin tab biwonjiɛm a laguŋ ke, nbɔgirim be ni sisiigin le, le n sin kan ke ni ye ibamɔn le.

1 Korenti 3:18

Ni laa lar niba. Ni ye uba tiɛr ke u ye ulandaan le dulinya nan yaan ke, un ŋaam u ba “kujɔrug” wee ki fir ŋa ulandaan.

1 Korenti 3:3

Ni le la be le ke dulinya yaabin, ni la jɔɔ lipiiponl le nin limɔkpel ni sisiigin, ni toon kaa be le ke dulinya yaab a toon yaa?

2 Korenti 11:20

Ni jɔɔ limɔril nin uba kaah ta ni ki ŋa u yomi, bee ki pen ni bee ki ŋalig ni, bee ki yin ni yɔli, bee ki pebir ni ntapam!

Galantiya 5:15

Ni ye ni gbaa boo tab ki tenn tab ndam ke, ni li nyi ke ni li bii tab.

Galantiya 5:26

Ni laa che ti li jɔɔ kalanbaani nin tab, bee ki fiin tab a ŋuui, bee ki li jɔɔ linunchɔril nin tabi.

Galantiya 6:3

Ni ye uninfo tiɛr ke u ye niba, wee kaah sin ye niba ke, u lar u ba le.

Filipi 1:15

Ni ye ibamɔn le ke, biba mɔɔn Masiya a bɔr nmɔn ki jɔɔ linunchɔril le nin lipiiponl, amaa le biba mu mɔɔn ti nin ti ŋam bu.

Filipi 2:14

Ni li tun niwann biɛn na ki laa ŋulin ni bee ki far limɔkpel nin tab bi,

Filipi 2:3

Ni laa jɔɔ npooton a bam bee ki far igbingban ni, amaa ni li jɔɔ jiininba ki li tenn ni kpiɛtiib jilima ki jo ni ba.

Kolosiya 2:18

Ni laa che uba n ta tibɔkar a jiininba nin malakam a jiɛnim ki lar ni wee ni lann ni yɔri. U yaa daan nɔɔ waah ga nan biɛn tininforin nin le, naa ye kinaaŋin ni, u donn uba u potiɛlin le naa jɔɔ bu.

2 Tesalonika 2:4

Waa yin chee sei iween yan wee bi jiɛn nni, le ki sin yuur uba paab ki jo iween nmɔn, le ki ta uba ki siin Uwonbɔr a binbebol ki ke u ye Uwonbɔr le.

1 Timoti 1:4

ki che bin nyan biba bi yaajam a bɔkpegir tan ye tibɔkar a teeni ki nyan bi yaajam a yiin npaamin. Ni ma che limɔkpel forin kaa ye Uwonbɔr a niin a toonl lan ye yada nbu.

1 Timoti 1:7

Bi ban bi li ye ban wɔɔnn nsiim le, amaa baa nyi baah pag nan nmɔn ni bee nan wee bi pag nin tidindann nmɔn ni.

1 Timoti 3:6

U laa ye wan yɔɔn ta uba sei Yisa, ni ye man ke u na li kpann kalanbaanidaan ki nan kan litudaril ke ulinlarin.

2 Timoti 2:14

Li gbaa tiɛri bi tiwann nan biɛn na, kpaan bi Uwonbɔr buu, ke bin nyam tibɔyɔɔr a pagimin, taa jɔɔ nyɔɔri, amaa ni bii ban pelig nle.

2 Timoti 2:23

Nyam a nɔɔ ijɔrig nin nlinliim a mɔkpel faalin na, nan bu-n a nyi ke ni jɔɔ ikɔn le chaan.

2 Timoti 3:4

bi na li nya tab a bɔɔn, ki ye ban kaa tiɛri, ki donn biba, bi na yin ban dulinya nan a wann ŋann le ki jon Uwonbɔr,

Taitus 3:9

Amaa ni nyam ijɔrig nin nmaal a ninkpeeb a yin a bɔrin nin imɔkpel a famin nin ikɔn ki ta jiin Uwonbɔr a siim paam, nan bu-n ni ye yɔli le kaa jɔɔ tinyɔɔri.

Jemisi 1:19

N nabum ni li nyi ni niɛ nan bu: Ni ŋan nin uninfo li gbir weenweem, ki li pag soonsoon, wee u ŋuul mu n laa fii weenweemi.

2 Piita 2:12

Amaa bilinlarib nan, bi wɔɔn biba le ki sugir tibɔr tan biɛn wee baa nyi ti taai. Bi nann kulɔŋ a wankor le, tiwann naan wann tan kaa nyi niba, tan be wee bi nan chor tan kɔr, bi na li kpo ke tiwankorin.

2 Piita 2:18

Bi mɔɔŋi kaa jɔɔ nyɔɔri, kalanbaani a mɔleen le bi jɔɔ, ki lar ban ban bin nya tigbanann a kɔlisa a toon yin ni, le bi jir kuŋmaruŋ a toon yin.

Juud 1:10

Amaa bininfob nan ma sugir niwann nan biɛn wee baa biɛ le nin tiwann tan wee bi nyi wee kaa jɔɔ nlamgɔrikaami, ke tiwankor tan kaa jɔɔ potiɛlin, tiwann nmɔn le bii bi.

Juud 1:16

Bininfob nmɔn ŋulin le ki ban bitab a galin; bi nɔɔ bi baantɔɔl a gbanann a kɔlisa; ki far bi tɔɔl a gbingban ki jɔɔ nmɔmɔn nin bininfob bi tɔɔl a nyɔɔr bu.

Tibɔkpiirkaan 3:17

Nim len le ke, ‘N ye uwandaan le; N ye wan jɔɔ le kaa ji ban niba.’ Amaa le kaa biɛ ke ni ye tikpachar le, ki jɔɔ kunyunyunbaag nin faladam ki ye bijɔɔm ban gaan nin ijakpalon.