1 Timoti 6:2 - UWONBƆR A GBƆNPƆŊ LIKƆƆNL

² Biyom ban a yudam ye biwonjiɛmin n laa ziɛn bi, nan bu-n bi ye nnabum le nin tab. Amaa ni ye bin mann ter bi le nbamɔm, nan bu-n ban ji bi toon nmɔn a nyɔɔr ye biwonjiɛm le, ban wee biyudamin jiɛ. Ni niɛ le ye nan wee ni li jɔɔ wɔɔn ki pɔɔgir bi gbanann.

Uwumbɔr aagbaŋ

² Binaagbiib bi kpa dindatiib bi gaa Yesu ki kii na taa lik bidindatiib fam, ke bi ye binaabitiib. Bi li moo tun lituln tii bidindatiib ngbaan ki jer baah ba ga tun pu na; ba pu? dindatiib bi kan tinyoor baatuln ponn ni na ye binib bi gaa Yesu ki kii na la, le bi gee bi. Tuk bi ki sur bi ke bi li ŋani kina.

1 Timoti 6:2 ပူးပေါင်းရင်းမြစ်များ

Matiu 23:8

“Amaa nim kaa ye bin yin ni ‘ban wɔɔnn’ ni. Nan bu-n wan wɔɔnn ni ye uba le kpeŋileŋ le ni mu ye nnabum nin tab.

Matiu 25:40

“Le ubɔrin mu na li jiin ke, ‘N bei ni ibamɔn le, naah nan tun man ki tenn n nabum ban waarin, ni nan ye min le ni nan tun ki tenn.’

Matiu 6:24

“Uba kaa li fir ki tun ki tenn biyudam bilee. U yin nan uba le ki sin jiɛ uba; bee u baga yin be uba ni le kaa sin gar uba paami. Naa li fir jiɛn Uwonbɔr nin iligi.

Lituln 1:15

Iyaayoo nmɔn le Piita nan fii sir biwonjiɛm ban nan lagin a sisiigin, (bi na li foo bininfob kobig nin pilee paam)

Rom Yaab 11:17

Ni ye Uwonbɔr gaa kisiig nmɔn a bon iba par ke, wee nim ban ye olif a siigin yan pan itɔɔl wee bi gaa isiig iba ki nan tugin ni wee ni nyu ni pɔɔm nya olif a siigin yaan nin,

Rom Yaab 8:29

Ban wee Uwonbɔr pii nan nyi ki bon ke bi na li chee ki kpenn ki li be ke u bija-n kaah be man nin, wee nin che U bija nmɔn nŋa kibininkpeeg u nabum takpem a sisiigin.

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Efesusi 1:1

Min Pɔɔl wan ye Masiya a toom Uwonbɔr a bamin nin, N sɔb kugbɔŋ nan ki tenn Uwonbɔr a ninfogann kaab ban be Efesusi, ki si bi yada-n Masiya ban nin:

Efesusi 1:15

Mambu n-yonn man wee n nan gbir naah ŋa ti Yudaau Yisa yada nin naah jiɛ Uwonbɔr a ninfogannkaab a bɔr man nin,

Efesusi 3:6

U bɔwoonkaar nmɔn ye nan le, tibɔŋann nmɔn bu le ban kaa ye Juu yaabin fir ki lagin jin lifaal nin Iziral yaab, ki lagin ye gbanann tiba a ninfob, ki jɔɔ waah nan siin limɔsiinl lan Masiya bu-n ki por nin tab.

Kolosiya 1:2

Le sɔb kugbɔŋ nan ki tenn nim ban ye ti nabum ban be kasi ki si bogil liba Masiya ni Kolosiya a tiŋin ni. Ti Baa Uwonbɔr a nyunyunbasanl nin u posɔɔm li be nin ni.

Kolosiya 1:4

nan bu-n ti gbir naah ŋa Yisa yada man, nin naah jiɛ Uwonbɔr a ninfo gannkaabin man na,

Kolosiya 4:1

Biyudam, ni li ŋaan ni yomi tiŋann nin nan kpaan na, nan bu-n, ni nyi ke ni tɔɔl jɔɔ Uyudaan wan be paab.

2 Tesalonika 1:3

N nabum, ni ye ti poor Uwonbɔr le ni bu, ni ŋan nin ti ŋa man, nan bu-n ni yada-n le mann yabirig le takpem, le njiɛm man wee ni jiɛ tabin mann kpiɛg le.

1 Timoti 4:11

Siin nsiim wee ki wɔɔn ni niɛ nan.

1 Timoti 5:1

Laa fuun wan joŋ bu, amaa pag u nin nniɛn diin ke a baa-n. Li ŋmag nnachipɔnbum ke a na bumin,

Taitus 2:1

Ni kpaa le nin fin Tatusi n wɔɔn bi ibamɔn a wɔɔm.

Taitus 2:15

Ni niɛ nan le ye nan wee a li wɔɔn bi. Ki li jɔɔ npɔɔn man wee bi ta seiŋin biɛn ki pɔɔg bi gbanann ki li kpaan bi. Ki laa che uba nlig ziɛŋi.

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

1 Piita 5:1

Nim ban ye bininkpeeb ni sisiigin ni, n balin ni le maah ye ni ninkpekpiɛgin, wan jin siɛra Masiya a fala a jim nin min wan na li kan n tol u pag a kpiirimin nin:

2 Piita 2:10

Ni niɛ nan sin ye ibamɔn le ki jann tɔɔ ban nɔɔ kuŋmaruŋ kan ye bi gbanann a bamin ziɛn tininkper a pɔɔma. Bi ye ban jɔɔ ipoobil le nin ban jɔɔ kalanbaani, baa san bijawaam nin bin ŋa kutingbiig nin paab a wann naan wann tan fo;

Juud 1:8

Man mu jigin, ban dɔgin man nmɔn bii bi baantɔɔl a gbanann le, le ki yiin tininkper a pɔɔm, ki jɔɔ kutingbiig ki tenn paab a wann naan wann tan fo.