1 Timoti 5:22 - UWONBƆR A GBƆNPƆŊ LIKƆƆNL

²² Laa jegil ki ta a nɔɔi ki paag bininfob bu, ki laa kpiɛ ban tun tibir bu wee ni tun ni. Li ŋmag a ba kasi.

Uwumbɔr aagbaŋ

²² Unii yaa kaa yunn Uwumbɔr aasan ni kan, taa nyan u ke u tun Uwumbɔr aatuln. Taa cha biken aatunwanbir li ye saataani. Cha saabimbin li bi chain.

1 Timoti 5:22 ပူးပေါင်းရင်းမြစ်များ

Lituln 13:3

Le bi lol imɔɔŋ ki miɛ Uwonbɔr, ni bɔɔn bu le bi ta bi nɔɔi paan bi bu, le ki che bi jon.

Lituln 18:6

Amaa le Juu yaabin kaa chee Pɔɔl a bɔr nmɔn ni, le ki sugir u. Le Pɔɔl gbagbag u wan yeewaŋ, le ki ke, “Ni cham li be ni tɔɔl a yuli bu! N tun maah ye n tun man le. Naah nyan dinan ki chaa, n yin jo ban kaa ye Juu yaabin ban le.”

Lituln 20:26

Mambu le n bei ni dinan ke, nnɔɔ kaa be uninfosaal biɛn a chamin ni.

Lituln 6:6

Le bi ta bi jon itoon nan ban, le bi ta bi nɔɔi ki paan bi bu ki miɛ Uwonbɔr ki sei bi.

Efesusi 5:11

Ni laa che ni nɔɔ be libunbɔnl a toon yan kaa jɔɔ nyɔɔr nmɔn yaan ni, amaa wee ki nyan ti npaan ni na.

1 Timoti 3:10

Ni kpaa le nin bin mag bititerib nmɔn a binbem ki lig, ni ye baa jɔɔ igalin ke, bin jiɛn bi wee bin ŋa bititerib.

1 Timoti 3:2

Ni ma bu naa kpaan nin uwonjiɛn sanliir li jɔɔ igalin ni. Ni kpaan u li jɔɔ upii uba le kpeŋileŋ, ki laa jɔɔ kiŋuufiiŋi ki ye wan li fir ŋmag uba nbamɔm, ki li ye wan wee bininfob tenn u jilima, ki li ye wan gaan bicham, ki li ye wan li fir wɔɔnn,

1 Timoti 3:6

U laa ye wan yɔɔn ta uba sei Yisa, ni ye man ke u na li kpann kalanbaanidaan ki nan kan litudaril ke ulinlarin.

1 Timoti 4:12

Laa che bin lig ki ziɛŋ ŋaah ye kibipɔliŋ nbu, amaa ŋa limagil ki wɔɔn yadadam a pipagirin, a miɛfolin, a bamin, a yada-n nin a kasi a toon yin.

1 Timoti 4:14

Laa che a piin yin ŋa yɔli, nan ye ilinlen leen ki seiŋ n-yonn man wee bininkpeeb nan ta bi nɔɔ-i paan a bu-n.

2 Timoti 1:6

Ni niɛ nan bu le n tiɛriŋ ke a figir Uwonbɔr a piin yan be a ni-n, maah nan ta n nɔɔi ki paan a bu n-yonn man ni.

2 Timoti 2:2

Ta tibɔr tan wee a gbir n pag kuninfogbaluŋ a numin nin, ki wɔɔn bininfob ban si nbamɔm wee ki mu ye ban li fir wɔɔn bi kpiɛtiibin.

Hiibru Yaab 6:2

nin Uwonbɔr a nyunful a wɔɔnim, nin inɔɔ a paanim bininfob bu, nin n kum a fiim, nin litudaril lan kaa jɔɔ diɛmi.

2 Jɔnn 1:11

Wan poor u ke, udaan ye wan kpiɛ u bu le bi tun npooton a toon.

Tibɔkpiirkaan 18:4

Le n ji gbir likukɔl liba nyan paab ki len ke: “Ni nya u ban na, n ninfob, wee u bir nmɔn laa tabin ni, wee u magil liba laa kan ni;