1 Timoti 5:17 - UWONBƆR A GBƆNPƆŊ LIKƆƆNL

¹⁷ Bininkpeeb ban wɔɔnn biwonjiɛm a toon nbamɔmin kpaan nin bin kan jilima nkerim milee, naah jann tɔɔ ban bu le ye ban a toonl ye bi li mɔɔn ti ki wɔɔn nin.

Uwumbɔr aagbaŋ

¹⁷ Tɔ, ni ŋan ke Yesu aanib pa baaninkpiib bi joo bi mbamɔm na lipal li wiir na. Yesu aanib aaninkpiib bi tun lituln linimaln, ki mooni tibɔnyaan tee, ki mɔk binib taatataa na, ni ŋan ke bima le aapar li wiir jer biken yaan.

1 Timoti 5:17 ပူးပေါင်းရင်းမြစ်များ

Matiu 24:25

A kan na, n chinn bei ni le, ke ni yonn kaa laa foo.

Tibɔnyaan ti Luk ŋmee ti na 10:7

Ni kɔɔ iniin nmɔn ke, ni li ji ki nyu nan biɛn wee bi li sei na. U toontunn ŋan nin un gaa u yɔr. Ni laa lɔɔl iniin ki dɔɔ.

Tibɔnyaan ti Luk ŋmee ti na 12:42

Le Uyudaan jiin ke, “Utoontunn u la baa jɔɔ nlam ki tun ke u baa kaah ke u tum man naa? U ma ye wan wee u baa yin che u ŋa bitoontum nmɔn a ninkpelu, wee ki li lig u toontum ban biɛn be u niin nmɔn, ki li tenn bi tijiir n-yonn man kpaan nin bin ji.

Jɔnn 4:38

N tuŋ a tan chiɛ idi yan wee ŋaa kon a baantɔɔl le. Biba li nan tun itoon pɔɔr, le fin nan jin bi tuntoŋin a nyɔɔr.”

Lituln 11:30

Le bi sin nan ŋa man, ki ta bi teril nmɔn tun Banabasi nin Sɔɔl, ke bin ta tan sei biwonjiɛn sanliib n na.

Lituln 20:35

Maah tun man nmɔn n wɔɔn ni le ke see ke ti tun takpem wee ki ter bilanjiim, ni li tiɛr Uyudaan Yisa kaah nan len ke: ‘Tikaar be wan pu bu ki jon wan gaan na.’ ”

Lituln 28:10

Bi nan pu ti ipiin takpema, le taah ji nan nan be ŋaan sili nin ti fii kɔɔ kuŋaluŋin n-yonn man nin, le bi ji nan ta nan biɛn wee ti li ban nsann bu-n, ki kɔɔn kuŋaluŋin yaan ki sei ti.

Rom Yaab 12:8

ni ye wan a piin ye u li pɔɔgir u tab a gbanann ke, che u li pɔɔgira; ni ye wan a piin ye u li chaar tijiir ki ter bitab bi bɔr mugkaarin ke, che u li pu man na; ni ye wan a piin ye un ŋa usanliir le ke, che u li jɔɔ nsaliibinben nbamɔm; ni ye wan a piin ye u li san bininfob kunyunyunbaag le ke, che u li ŋaan man nin npopeen na.

Rom Yaab 15:27

Ni nan mɔ bi le ke bin tun man, le ibamɔn ni sin kpaan nin bin chaar man ki sei bi. Ni ma bu ni ye ban kaa ye Juu yaabin lagin por nin Juu yaabin Kinaaŋ a kaarin ke, ni kpaan nin bin ji lagin por nin Juu yaab bi wann yɔɔr a kaar.

Rom Yaab 16:12

Poor Tirafena nin Tirafosa, bipiib ban tun itoon nin linunmanl ki sei Uyudaan nin na. Poor n jɔ kpaarimɔɔn Perisi, upii wan mu ji nan tun itoon nin linunmanl ki sei Uyudaan nin na.

1 Korenti 15:10

Amaa Uwonbɔr a nyunyunbasanl bu le n ye maah ye wan nan, le u nyunyunbasanl lan be n ni nmɔn kaa ye yɔli. Nan bu-n n tun ki jon itoon nin biɛn na, amaa naa ye min le tun ni Uwonbɔr nyunyunbasanl lan nan be n ban ni-n le tun.

1 Korenti 16:16

ni chee sei bininfob nmɔn a bosuu, nin bi toontunn nunman damin.

1 Korenti 3:9

Tim le ye Uwonbɔr a toon tun tab; nim le ye Uwonbɔr a kpaab ki ji ye Uwonbɔr a diig.

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

Galantiya 6:6

Bininfob ban gaa Uwonbɔr a bɔŋann nin a wɔɔmin, ni kpaa le nin bin por baah jɔɔ niwann ŋann nan biɛn ki sei wan wɔɔnn bi.

Filipi 2:16

ke naah ta limiɛfol a bɔr wɔɔn bi man nin, naah li ŋa man wee n li fir fa ligbingbanl Masiya a jirin daal ke n taguunl nin n baginn kaa gab yɔli.

Filipi 2:29

Ni gaam u nin nmɔn takpen uyudaan a yinl bu, ki sei bininfob ban be ke u ma nan jilimau,

Filipi 4:3

Ni ye ibamɔn le n bei nim ban ye n naajadaag tug tab bamɔm nan, ni ter bipiib ban pɔɔn biba ki kpiɛ n bu wee ti mɔɔn tibɔŋann nan na, nin Kilɛmenn nin ban biɛn ye n toontunn tabin, wee bi yin be limiɛfol a gbɔŋin yaan nin.

1 Timoti 3:5

(Ni ye wan kaa nyi waah li ŋa man ki ŋmag u niin yaab ke, u yin ŋa nii wee ki ŋmag Uwonbɔr a ninfobaa?)

1 Timoti 4:10

(Mambu le ti tun nin linunmanl) nan bu-n ti jɔɔ tama Uwonbɔr wan fo-n ban, wan ye bininfob biɛn a feeru win, naah jann tɔɔ ban bu ye ban ŋa u yada n le.

1 Timoti 4:14

Laa che a piin yin ŋa yɔli, nan ye ilinlen leen ki seiŋ n-yonn man wee bininkpeeb nan ta bi nɔɔ-i paan a bu-n.

1 Timoti 4:16

Li nyi a ba bu, ki li ŋmag a wɔɔmin nbamɔm. Li jɔɔ inunman bi bu, nan bu-n ni ye a ŋaan man ke, a li fee a ba nin ban pelig a wɔɔm nmɔn ki jaa.

1 Timoti 4:6

A ta ni niɛ nan ki wɔɔn a nabum ke, a li ŋa usanliiŋan Masiya a toontumin, ŋaah nɔɔ ibamɔn a yada nin nwɔɔn ŋam man wugiriŋin.

1 Timoti 5:19

Laa chee ki ke uninkpel galin ni, see ke bininfob bilee bee bita le lagin tab ki jin siɛra.

1 Timoti 5:3

Li lig ipukɔɔ yan sin ban literilin nbamɔm nin jilima.

2 Timoti 2:6

Ukpaar wan a num man le ye wan yin chinn kan u tol tikpajiirin.

2 Timoti 4:2

Li mɔɔn tibɔr nmɔn na; ŋaam sili iyoo biɛn, ki li tenn bi ikpaan ki gbeer bi, ki pɔɔgir bi gbanann ki li jɔɔ limɔril nin maaninba a wɔɔnim.

Hiibru Yaab 13:17

Ni li jɔɔ limɔcheel nin ni sanliib wee ki chee sei bi ninkper a pɔɔma. Bi baga be nin ni, ki ye bininfob ban na li wɔɔn baah tun nan. Ni chee sei ba wee bi toon li ye nmɔn, ki laa ye litugili, naa ye man ke naa na yin ŋan sei ni.

Hiibru Yaab 13:24

Ni poor ni sanliib nin Uwonbɔr a ninfobin nan. Itali yaab poor ni.

Hiibru Yaab 13:7

Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.