1 Timoti 4:8 - UWONBƆR A GBƆNPƆŊ LIKƆƆNL

⁸ Tigbanann a tunim jɔɔ tinyɔɔr ti ba ti ni, amaa nwonjiɛn binben jɔɔ tinyɔɔr niwann biɛn ni, ki ŋmag limɔsiinl lan tun daandaan nan nin iyoo yan la chaan nin.

Uwumbɔr aagbaŋ

⁸ Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.

1 Timoti 4:8 ပူးပေါင်းရင်းမြစ်များ

Matiu 12:32

Wan pag tibɔbir ki tenn Uninfosaal a Big ke, Uwonbɔr li jiɛn per u; amaa wan pag tibɔbir ki tenn Kasi a Naaŋin ke, Uwonbɔr kaa li nyi jiɛn per u daan dulinya nan yaan ni, bee dulinya kan na yin dan nin yaan ni.”

Matiu 19:29

Le wan biɛn jiɛn u niin, bee u kpetiib, bee u watiib, bee u baa, bee u na, bee u buwaab, bee u kpaann, n yinl bu ke, u na li kan nibooli kobig, ki kan limiɛfol lan kaa jɔɔ ndiɛmi.

Matiu 6:33

Amaa ni chinn ban U naamin nin U buchinn binbemin na, le u li ta ni niɛ biɛn ki sei ni.

Tibɔnyaan ti Mak ŋmee ti na 10:30

u na li kan tiwann ke tin jo waah nan jiɛn tiwann tan ni biɛn. U na li kan iniin, nin watiib nin kpetiib, nin ninsiɛb, nin nam, nin nbum, nin tikpaann, a kobig kobig kutingbɔŋ nan yaan, ki biɛ na li kan limugil ki kpiɛ; le n-yonn man chaan nan le un nan kan limiɛfol lan kaa jɔɔ ndiɛm nan.

Tibɔnyaan ti Luk ŋmee ti na 5:38

Aai see u ta ndapɔmin ki ŋuun liboopɔnlin.

Rom Yaab 8:28

Le ti nyi ke niwann biɛn nin, Uwonbɔr tun le ki tenn bininfob ban jiɛ win naah li ŋan ki sei bi man, U jɔɔ nan bu wee U yin bi.

1 Korenti 3:22

Naah ye Pɔɔl, bee Apolosi, bee Piita, bee dulinya nan, bee limiɛfol, bee nkum, bee daandaan nan nin iyoo yan chaan ni, nim le ye ni biɛn,

1 Korenti 8:8

Amaa tijiir kaa li fir che ti mal Uwonbɔr ban ni; taa jin ti ke naa yin kpiɛ ti niba, ti mu ji jin ti ke naa yin war ti niba.

1 Timoti 4:7

Laa nɔɔ ban kaa ye biwonjiɛmin a teeni nin tinaakpabɔri, pɔɔn a ba ki li jɔɔ nwonjiɛn binben.

1 Timoti 6:3

Wan wɔɔn tibɔkar a wɔɔm wee kaa chee nwɔɔm bamɔm man wee ti Yudaau Yisa Masiya wɔɔn nin liwonjiɛnl a wɔɔmin ke,

1 Timoti 6:5

ki far limɔkpel nin bininfob ban tiɛr tipotiɛbir bi sufu-n nin, bi lann bibamɔn le ki nyi ke liwonjiɛnl ye njɔɔm a wan le.

1 Timoti 6:6

Amaa uninfo a num gbee nan wee u jɔɔ liwonjiɛnlin nin ke, ni ye tinyɔɔr le takpem ki sei u.

2 Timoti 3:5

bi na yin jɔɔ nwonjiɛn binben le tigbanann nin, amaa le ki sin yii liwonjiɛnl a pɔɔm. Ni laa che nim nin bi ma jɔɔ nɔɔ nin tabi.

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

Hiibru Yaab 13:9

Ni laa che nwɔɔncham nan a booli biɛn nboon ni. Ni ŋan nin ti sufu n kan npɔɔn Uwonbɔr a nyunyunbasanlin bu, naa ye ikaal a jiir tan kaa ter ban ji ti nni.

1 Jɔnn 2:25

Waah siin ti limɔsiinl lan ye le ke, U li sei ti limiɛfol lan kaa jɔɔ diɛm.

Tibɔkpiirkaan 3:12

Wan nyaŋ ke, n li ŋa udaan Uwonbɔr a diig a jaantelig. Le waa ji li nya niin ni. N li sɔb n Wonbɔru a yinl nin n Wonbɔru a tiŋ kan ye Jerusalam pɔŋin ki paan u bu, kan yin nyan paab n Wonbɔru ban wee ki jiirin nin; le ki ji sɔb n mu a yin pɔnl ki paan u bu.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.