1 Timoti 4:6 - UWONBƆR A GBƆNPƆŊ LIKƆƆNL

⁶ A ta ni niɛ nan ki wɔɔn a nabum ke, a li ŋa usanliiŋan Masiya a toontumin, ŋaah nɔɔ ibamɔn a yada nin nwɔɔn ŋam man wugiriŋin.

Uwumbɔr aagbaŋ

⁶ Aa yaa teer Yesu aanib tibɔr timina kan, aa ye Yesu Kristo aatutunn bamɔnn la. Saah bae Yesu aabɔr ki dii nsanyaan pu na, nima le cha saabimbin bi mbamɔm.

1 Timoti 4:6 ပူးပေါင်းရင်းမြစ်များ

Matiu 13:52

Le u bei bi ke, “Mambu, ban wɔɔn Uwonbɔr a siim biɛn wee bi wɔɔn bi ki jiin paab a naamin paam nbamɔm ke, bi nann uniindaan wan nyan u wan kpegir nin u wan pɔnn biɛn u naapɔɔgin le.”

Tibɔnyaan ti Luk ŋmee ti na 1:3

Mambu, Min Lug, n baantɔɔl kaah biɛ tibɔr nan a piinim a bamɔn, ki tan kpaa ti diɛmin ni. Ni ma le n tiɛr ke ni ŋan n mu n sɔb ti taah piin ki tan sir man, ki sei fin, n ninkpelu Teofilu,

Lituln 1:15

Iyaayoo nmɔn le Piita nan fii sir biwonjiɛm ban nan lagin a sisiigin, (bi na li foo bininfob kobig nin pilee paam)

Lituln 20:31

Ni bu, ni li guu ni ba! Ki li tiɛr ke ibin itaa sɔ le n le kpaan ni biɛn nan nin tinyinyinn, nween nin kunyiɛg.

Lituln 20:35

Maah tun man nmɔn n wɔɔn ni le ke see ke ti tun takpem wee ki ter bilanjiim, ni li tiɛr Uyudaan Yisa kaah nan len ke: ‘Tikaar be wan pu bu ki jon wan gaan na.’ ”

Rom Yaab 15:15

Maah nan sɔb lipoobil a bɔr tan ki sei ni-n nann le ke n ji tiɛr ni le-n, nan bu-n Uwonbɔr kaah sam kunyunyunbaagin bu,

1 Korenti 4:17

Mambu le n tun Timoti, n bija wan wee n ban wee u si ibamɔn Uyudaan a samin ni. U li tiɛr ni maah jɔɔ nbinben man Masiya-n wee ni nɔɔ nan wee n wɔɔn nan yaan biɛn wee n be nin ni tiwonjiɛndirin.

2 Korenti 11:23

Bi ye Masiya a toontum lee? (N nann uwaar le maah pag man nin nbu.) Min jon ba, ki kɔɔ tiloondirin ke naa jɔɔ tarigi, le bi boom inaanbaan te-n, le n kan kininbɔŋ kan mal nkum jigin.

2 Korenti 3:6

U che ti ye bitoontunŋam ban fir mɔɔn tipoopɔnn ni le, naa ye nan sɔb dɔ, amaa ti nyan Kinaaŋin le; nan sɔb dɔ-n ma ku le amaa le Kinaaŋ ma tenn limiɛfol.

2 Korenti 6:4

Ti ga fala nin limugil nin tibɔr, amaa le ki jɔɔ limɔril takpenl ki ta tiba ki sei itoon nin nin ni wan biɛn ni, taah ye Uwonbɔr a toontumin nbu,

Efesusi 6:21

Ti nabig jiɛkaag Tachikusi wan ye ti Yudaau a toon tun bamɔndaau nan li wɔɔn ni n bɔr biɛn, wee ni mu nbiɛ maah ye wan nin maah tun nan.

Filipi 2:20

Maa ji jɔɔ uba ki kpiɛ u bu, wee u baga sin be ni ni ibamɔn nin.

Filipi 2:22

Amaa ni tɔɔl nyi Timoti kaah pɔɔn u ba man, nan bu-n u be ke kibijag kaah be u baa a nintogil man nin le, u terim le tibɔŋann nmɔn a mɔɔnimin.

Filipi 3:16

Ni le yin che ti li be nin taah nan kan nan nin.

Kolosiya 2:19

Waa ji tug nin Masiya wan ye ni yulin ni, wan bu wee tigbanann biɛn tugin, uma ŋmag tigbanann le ti ŋmag tab nin tijiin, le ti yabirig ke Uwonbɔr kaah ban ti li yabirig man.

Kolosiya 3:16

Ni che Masiya a bɔŋann nin li be nin ni nbamɔma, wee ni li wɔɔn ni tab, ki gbeer tab nin nlamgɔrikaam, ki li gaah ilan, liwonpagil a lan, nin Kinaaŋ a lan nin linungbeel ni sufu ni ki sei Uwonbɔr.

Kolosiya 4:7

Tachikusi li bei ni n bɔr biɛn, u ye ki na big jiɛkaag le wan si bogil liba u toon yin ki ye ti toontunn kpiɛg Uyudaan a toon yin,

1 Tesalonika 3:2

Ti tun Timoti wan ye ti toon tun kpiɛg Uwonbɔr a toon n-yaan wee ki mɔɔn Masiya a bɔŋann nle ni ban, ke un nan pɔɔg ni gbanann nin ni yada-n,

1 Timoti 1:10

nin ban tun iwanjaab toon, nin ban yii bi piib wee ki dɔ nin bijab tabin, nin ban jɔɔ biyom kpeŋ nin ban ye tibɔkardam, nin ban ji tibɔkar a siɛra, nin ban biɛn kaa nɔɔ ibamɔn a wɔɔnimin,

1 Timoti 4:16

Li nyi a ba bu, ki li ŋmag a wɔɔmin nbamɔm. Li jɔɔ inunman bi bu, nan bu-n ni ye a ŋaan man ke, a li fee a ba nin ban pelig a wɔɔm nmɔn ki jaa.

1 Timoti 6:3

Wan wɔɔn tibɔkar a wɔɔm wee kaa chee nwɔɔm bamɔm man wee ti Yudaau Yisa Masiya wɔɔn nin liwonjiɛnl a wɔɔmin ke,

2 Timoti 1:6

Ni niɛ nan bu le n tiɛriŋ ke a figir Uwonbɔr a piin yan be a ni-n, maah nan ta n nɔɔi ki paan a bu n-yonn man ni.

2 Timoti 3:10

Amaa fin Timoti, a nyi n wɔɔnimin kaah ye man, nin n binbem, nin n lol, nin n yada, nin n mɔril, nin n bam nin maah pɔɔn nba man,

2 Timoti 4:3

Iyoo chaan le bininfob kaa ji na yin pelig ibamɔn a wɔɔmi. Amaa le ki nɔɔ bi sufu a bam, bi na li lagin ban wɔɔnn takpem ke bin pag bi tuli kaah saag ki ban bin gbir nan ni.

Taitus 2:1

Ni kpaa le nin fin Tatusi n wɔɔn bi ibamɔn a wɔɔm.

1 Piita 2:2

Ni li be ke nbiliɛmin, ki li jiɛ Kinaaŋ a biim man be kasi-n na, wee nin che ni yabig ni feegabin,

2 Jɔnn 1:9

Uninfo wan paa lagir wee kaa gbaa be Masiya a wɔɔmin yaan ke, waa jɔɔ Uwonbɔr i; wan gbaa be nwɔɔmin yaan ke, u jɔɔ Baa nin Bija-n le.

Juud 1:5

Hali naah le pii nyi ni niɛ nan biɛn bu-n, n ban n tiɛr ni le ke Uyudaan nan nyan U ninfob Ijibir a tiŋin na, amaa ni bɔɔn bu U nan bii ban kaa nan ŋa U yada-n na.