1 Timoti 4:3 - UWONBƆR A GBƆNPƆŊ LIKƆƆNL

³ Bi kɔɔg bininfob le lipiikɔɔnl nin lijakunl, nin tijiir tibam a jim, tan wee Uwonbɔr naan ki ta sei tim ban ŋa u yada ki nyi ibamɔn nin, ke ti ga wee ki sei U kunɔɔpoogin.

Uwumbɔr aagbaŋ

³ Bi ga len ke bijab taa din bipiib, bipiib mu taa mɔn bijab. Bi ga li kɔ tijikaar tibaa. Uwumbɔr le naan tijikaar ngbaan. U ban ke binib bi gaa u ki kii ki nyi mbamɔn na le ji ti, ki doon u ti pu.

1 Timoti 4:3 ပူးပေါင်းရင်းမြစ်များ

Matiu 14:19

le ki sin bei bininfobin ke bin kalim timɔɔr bu. Le u yuur boroboro kon iŋmu-n nin njanbum milee-n, ki waan lig paab, ki sei Uwonbɔr kunɔɔpoog tijiir n bu, le ki war war boroboro-n ki sei u bɔɔnɔɔb, le bi tol tol bininfobin.

Matiu 15:11

Nan kɔɔ uninfosaal a mɔnn kaa ŋa u ‘tijaginn’ ni; amaa nan nya u mɔnn ni, ni ma ŋaan u ‘tijaginn.’ ”

Matiu 15:36

Le ki yuur boroboro kon ilile nin njanbumin, ki sei Uwonbɔr kunɔɔpoog i bu, le ki war war sei u bɔɔnɔɔb, le bi ta tol bininfob nmɔn.

Tibɔnyaan ti Luk ŋmee ti na 24:30

Waah nan kal un ji bi ban nin, le u yuur boroboro ki sei Uwonbɔr kunɔɔpoog, le ki nan piin ki war tenn bi.

Jɔnn 6:23

Tɔ le tiŋalin tiba nyan Tiberiya ki nan sir ki mal nan yaan wee Uyudaan nin nan poor Uwonbɔr ki sei boroboro-n wee bininfobin nan jin nin.

Lituln 27:35

Waah len man nmɔn a bɔɔn, le u yuur boroboro ki poor Uwonbɔr bi biɛn nan a numin. Le ki choo war war ki piin nŋmam.

Rom Yaab 14:17

Nan bu-n Uwonbɔr a naamin kaa ye tijikaar nin tiwann nyuwann a bɔri, amaa mi ye nbuchin binben le, nin nposɔɔn, nin nmɔn Kasi a Naaŋin yaan,

Rom Yaab 14:3

Wan ji tijiir a booli biɛn nin laa yin wan kaa ji tijiir biɛn nin yɔli, wan mu kaa ji tijiir biɛn nin mu laa galin wan ji tijiir a booli biɛn nin ni, nan bu-n Uwonbɔr gaa u daan na.

Rom Yaab 14:6

Wan ŋa lidaal liba kasi ki tiɛr ke li ŋan jon idaa yan gurin, u ŋaan man ki tenn Uyudaan le jilima. Uninfo wan kaa kɔ tijiir tiba nan, u ji ti ki tenn Uyudaan le jilima, ni ma bu u poor Uwonbɔr le ki nin ji; wan mu kɔ tijiir tibam nan, u kɔ ti ki tenn Uyudaan le jilima, le ki poor Uwonbɔr.

1 Korenti 6:13

“Tijiir ye lipool yaal le, le lipool ye tijiir yaan.” Ni ye ibamɔn le, amaa Uwonbɔr li bii niwann nilee nmɔn biɛn. Tigbanann kaa ye nan wee ti li jɔɔ tun iwanjaab toon ni, amaa ti ye Uyudaan yaan le, le Uyudaan mu ye tigbanann.

1 Korenti 7:28

Amaa ni ye a kɔɔn upii ke naa ye tibiri, usapɔɔn wan kaa la nyi uja mu kun uja ke, naa ye tibiri, amaa ban jɔɔ bipiib bee chiɛb li kan tibɔmugkaar bi binbemin, le n ban nnyan bi tibɔmugkaar nmɔn yaan.

1 Korenti 8:8

Amaa tijiir kaa li fir che ti mal Uwonbɔr ban ni; taa jin ti ke naa yin kpiɛ ti niba, ti mu ji jin ti ke naa yin war ti niba.

Kolosiya 2:16

Mambu, ni laa che uba n ji ni tibɔr naah ji tijiir tan bee naah nyu nan bu bee ki jiin liwonjiɛnl a chiig paam bee uŋmapɔɔn a chiig bee likpakɔɔl daal a chiig bu.

Kolosiya 3:17

Mambu ni ŋaan nan biɛn ke, naah ye ni mɔleen bee ni toon ke, ni ŋa ni biɛn Uyudaan Yisa a yinl bu, ki li tenn Uwonbɔr wan ye Baa-n kunɔɔpoog u bu.

1 Timoti 2:4

wan ban bininfob biɛn n kan feegab wee ki biɛ nbamɔmin.

1 Timoti 4:4

Nan wee Uwonbɔr naan nin biɛn ŋan, ti laa yii niba ni ye ti gaa ni nin kunɔɔpoog ke,

1 Timoti 5:14

Ni bu n kpaan bipiisapɔm ban ye ipukɔɔ nbiɛn le ke bin kum bijab, ki maa nbuwaab, ki li lig bi niin nbamɔm wee ki laa che kidataagin n kan npaan ki ŋa kutingbiigin.

Hiibru Yaab 13:4

Lipiikɔɔnl nin lijakunl ye ti biɛn li tenn li jilima le, lipiikɔɔnl nin lijakunl a didɔɔbol ye ni li be kasi le, nan bu-n Uwonbɔr na li ji ban tun iwanchɔgin toon nin tibɔr bipiib banlin nin bija banlin.

Hiibru Yaab 13:9

Ni laa che nwɔɔncham nan a booli biɛn nboon ni. Ni ŋan nin ti sufu n kan npɔɔn Uwonbɔr a nyunyunbasanlin bu, naa ye ikaal a jiir tan kaa ter ban ji ti nni.