1 Timoti 4:2 - UWONBƆR A GBƆNPƆŊ LIKƆƆNL

² Nwɔɔm nmɔn nya bitingbiib ban larin ban le, ban a potiɛl denn ke bi ta kukurug toŋ le tabin nin.

Uwumbɔr aagbaŋ

² Bipɔnib ngbaan ga cha binib bibaa ŋmann ke bi mɔk binib Uwumbɔr aasan. Bi ye binyamɔndam la. Baalandak aa ki muk bi baatunwanbir pu.

1 Timoti 4:2 ပူးပေါင်းရင်းမြစ်များ

Matiu 24:24

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Matiu 7:15

“Ni li nyi tibɔkar a linlem nan bu, ban chaan ni ban ki nann ipee, wee ki sin ye igbingbel bamɔn nan.

Lituln 20:30

N-yonn chaan le ni ni biba mu na li nya ni tɔɔl a gbanann nin, ki por tibɔkar ki jiin ibamɔn a wɔɔnimin paam, ki lar biwonjiɛm ki che bin nɔɔ bi.

Rom Yaab 1:28

Nan kpiɛ, baah yii kaa ban bi li nyi Uwonbɔr a bamɔn yin bu le U nyan U num ki jiɛn bi per bi potiɛkpiinn nin, le bi tun nan kaa kpaan nin bin tun ni.

Rom Yaab 16:18

Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

Efesusi 4:14

Taa ji yin ye nbuwaab tirimi, wee bilinlarib a wɔɔnimin li jɔɔ ti ki yeŋ ke kubulunkpoŋ kan wee kunyungbɔŋ daar ki yeŋ chaa kaah ban nan paami.

Efesusi 4:19

Baa san niba a fai, le ki choon tun kɔlisa birug nin tijaginn a toon, ki la jɔɔ kɔlisa ke bin tun man ki kpiɛ.

2 Timoti 3:5

bi na yin jɔɔ nwonjiɛn binben le tigbanann nin, amaa le ki sin yii liwonjiɛnl a pɔɔm. Ni laa che nim nin bi ma jɔɔ nɔɔ nin tabi.

Tibɔkpiirkaan 16:14

Bi ye npɔniim a naam ban ŋaan ligaril a siɛra, le bi chaa dulinya munl nan biɛn a bɔrtiib ban, ki lagin bi ke bin to bitɔb Uwonbɔr Npɔɔn biɛn daan a datakpenl daal.