1 Timoti 4:13 - UWONBƆR A GBƆNPƆŊ LIKƆƆNL

¹³ Hali nin maah na li dan n-yonn man, a li jɔɔ isaŋ ki karin Uwonbɔr a bɔr nmɔn ki tenn bininfoba, wee ki li mɔɔn ti ki li jɔɔ ti wɔɔn ba.

Uwumbɔr aagbaŋ

¹³ Li karni Uwumbɔr aabɔr tii binib, ki mɔk bi taatataa, ki tuk bi baah ga li ŋani pu na. Li ŋani kina linimaln, ki nan saa buyoonn m ga fuu ni na.

1 Timoti 4:13 ပူးပေါင်းရင်းမြစ်များ

Jɔnn 5:39

Ni tinn Uwonbɔr a gbɔŋin le linunmanl ki tiɛr ke nsɔbimin bu ni li kan limiɛfol lan kaa jɔɔ diɛmi. Nsɔbim nan mu li wɔɔn siɛra maah ye wan,

Lituln 17:11

Beriya a tiŋ a ninfob pel Pɔɔl a bɔrin ki jon Tesalonika yaaba, le ki gaa tibɔrin nin njiɛm takpem ki dibir imɔleen nmɔn lidaal biɛn ki lig njee Pɔɔl kaah pag nan nmɔn sin ye ibamɔn naa.

Lituln 6:4

wee tim nta ti tɔɔl a saŋi ki ŋa liwonmiɛlin, nin Uwonbɔr a bɔrin a wɔɔnimin.”

Rom Yaab 12:8

ni ye wan a piin ye u li pɔɔgir u tab a gbanann ke, che u li pɔɔgira; ni ye wan a piin ye u li chaar tijiir ki ter bitab bi bɔr mugkaarin ke, che u li pu man na; ni ye wan a piin ye un ŋa usanliir le ke, che u li jɔɔ nsaliibinben nbamɔm; ni ye wan a piin ye u li san bininfob kunyunyunbaag le ke, che u li ŋaan man nin npopeen na.

1 Korenti 14:26

N nabum, ti ji yin len ke baa? Ni lagin tab ni jiɛn Uwonbɔr ke, uba jɔɔ ilan, bee nwɔɔnim, le utɔ mu jɔɔ tibɔkpiirikaar, le uba mu pag ileen pɔɔn a booli, le uba mu jɔɔ karwɔɔn. Ni niɛ nan biɛn ye nin tun le ki sei biwonjiɛm npɔɔn.

1 Korenti 14:3

Amaa wan pag ilinlen leen ke u pag tenn bininfob le npɔɔn, ki pɔɔgir bi gbanann nin ibalin.

1 Korenti 14:6

N nabum, ni ye n dan ni ban ki nan pag ileen pɔɔn ke, ni ye baa a ŋan ki sei naa, wee naa ye n ta tibɔkpiirikaar dan ni ban bee nbiɛm bee ilinlen leen bee nwɔɔnim a mɔbonl laa?

1 Timoti 4:16

Li nyi a ba bu, ki li ŋmag a wɔɔmin nbamɔm. Li jɔɔ inunman bi bu, nan bu-n ni ye a ŋaan man ke, a li fee a ba nin ban pelig a wɔɔm nmɔn ki jaa.

1 Timoti 4:6

A ta ni niɛ nan ki wɔɔn a nabum ke, a li ŋa usanliiŋan Masiya a toontumin, ŋaah nɔɔ ibamɔn a yada nin nwɔɔn ŋam man wugiriŋin.

2 Timoti 3:15

naah nyan a buwaan nin na, a pii nyi Uwonbɔr a kasi a bɔrin, nan che a jɔɔ nlam ki kan nŋmarim man nyan a yada kan wee a jɔɔ nin Masiya-n.

2 Timoti 4:2

Li mɔɔn tibɔr nmɔn na; ŋaam sili iyoo biɛn, ki li tenn bi ikpaan ki gbeer bi, ki pɔɔgir bi gbanann ki li jɔɔ limɔril nin maaninba a wɔɔnim.

Taitus 2:15

Ni niɛ nan le ye nan wee a li wɔɔn bi. Ki li jɔɔ npɔɔn man wee bi ta seiŋin biɛn ki pɔɔg bi gbanann ki li kpaan bi. Ki laa che uba nlig ziɛŋi.