1 Timoti 3:8 - UWONBƆR A GBƆNPƆŊ LIKƆƆNL

⁸ Ni li ye man ki sei bititerib mu, ni kpaa talar le nin bi li jɔɔ nbinben ŋan wee bininfob li tenn bi jilima, ki li ye bibamɔndam, ki laa nyuu ndaam takpemi, ki laa ban bin kan tiyɔr tibɔkar bu.

Uwumbɔr aagbaŋ

⁸ Tɔ, ki joo cha Yesu aanib aateterb wɔb na, ni ŋan ke bi mu li kpa laasaab. Bi taa len fam fam. Bi li ŋani baah len pu na. Bi taa li ye bidagbiib. Binimbil taa li man ŋimombil pu.

1 Timoti 3:8 ပူးပေါင်းရင်းမြစ်များ

Rom Yaab 3:13

“Bi mɔɔŋi yaa le ke tikar tan logir ki yaa-n; le bi lanbili pag nan kaa ye ibamɔn ni.” “Le bi mɔgbai gbee nin liwaataal a labir.”

Filipi 1:1

Min Pɔɔl nin Timoti, tim ban ye Masiya a yomi, Le sɔb kugbɔŋ nan ki tenn Uwonbɔr a ninfob gannkaab ban be Masiya nin ki be Filipi a tiŋin, ki kpiɛ ban ye biwonjiɛn sanliib nin bititeribin:

1 Timoti 3:12

Ni kpaa le nin utiter li jɔɔ upii uba kpeŋileŋ ki ji li ye wan li fir ŋmag u buwaab nin u niin yaab biɛn nbamɔm.

1 Timoti 3:2

Ni ma bu naa kpaan nin uwonjiɛn sanliir li jɔɔ igalin ni. Ni kpaan u li jɔɔ upii uba le kpeŋileŋ, ki laa jɔɔ kiŋuufiiŋi ki ye wan li fir ŋmag uba nbamɔm, ki li ye wan wee bininfob tenn u jilima, ki li ye wan gaan bicham, ki li ye wan li fir wɔɔnn,

1 Timoti 3:3

ki laa ye udanyugbeer, ki laa ye ukɔnban ni, amaa ki li ye wan be soon, ki laa ye umɔkpefari bee ulig ban ni.

1 Timoti 5:23

Laa nyu nnyum a binba, amaa ki li nyu ndaam wama wamau a powiɛn nin ŋaah buŋir iyoo biɛn nbu.

Taitus 1:7

Nibu, uwonjiɛn sanliir kaah ŋmag Uwonbɔr a toon yin ni, naa ŋan nin u li jɔɔ igalin bee ki mugir u tabi, ki laa ye wan a ŋuul fii yɔli yɔli, ki laa ye udanyugbeeri, ki laa ye ukɔnban bee ki laa ban tinyɔɔr tan kaa jɔɔ jilima.

Taitus 2:3

Man mu jigin, wɔɔn bipiininkpeeb wee bi li jɔɔ jilima bi binbemin, ki laa ye bitingbiibi, ki laa ye bidanyubi, amaa wee ki li wɔɔn nan ŋan.

Jemisi 3:10

Bimɔb biba nmɔn le tibɔŋann nin tibɔbir nya. N nabum, naa kpaan ke ni li ye man ni.

1 Piita 5:2

Ni li kpaa Uwonbɔr a peei yan wee u taa ŋa ni nɔɔn nin na, ki li tun ke uwonjiɛn sanliira wee ni laa ye bi mug ni le amaa ni tɔɔl a bam bu, ke Uwonbɔr kaah ban ni li be man nin; kaa ye ilig a bam bu, amaa ki li ye ban ŋa sili nin ni tun;