1 Timoti 3:4 - UWONBƆR A GBƆNPƆŊ LIKƆƆNL

⁴ Ni kpaa talar le nin u li ye wan fir ŋmag u niin yaab nbamɔm, wee u buwaab mu li tenn u jilima.

Uwumbɔr aagbaŋ

⁴ Ni ŋan ke u li joo waachiln ni aanib mbamɔm, ki li joo waabim mbamɔm, aan bi li pak u ki kii waamɔb.

1 Timoti 3:4 ပူးပေါင်းရင်းမြစ်များ

Lituln 10:2

Kɔnelu nin u niin yaab biɛn nan ye biwonsam le. U nan ter bilanjiim pam, ki miɛ Uwonbɔr iyoo biɛn.

Efesusi 5:24

Biwonjiɛm a laguŋ kaah ta bi ba sei Masiya man nin, man le ye biniinpiib mu n ta bi ba ki sei bi chiɛb nin niwann biɛn ni.

Filipi 4:8

Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.

1 Timoti 3:12

Ni kpaa le nin utiter li jɔɔ upii uba kpeŋileŋ ki ji li ye wan li fir ŋmag u buwaab nin u niin yaab biɛn nbamɔm.

Taitus 1:6

Naa ŋan nin uninkpel li jɔɔ igalin ni, u li ye wan jɔɔ upii uba kpeŋileŋ, le u buwaab mu li ye ban jɔɔ yada, ki laa ye tukangbirdami.

Taitus 2:2

Wɔɔn bininkpeebin wee bin fir ki ŋmag biba wee ki laa fiin bi ŋu yi, ki li jɔɔ nbinben ŋan nin jilima, ki li fir chor bi ba, ki li nɔɔ ibamɔn a wɔɔm, ki li jɔɔ njiɛm, ki li pɔɔn biba bi fala a jimin.

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.