1 Timoti 3:2 - UWONBƆR A GBƆNPƆŊ LIKƆƆNL

² Ni ma bu naa kpaan nin uwonjiɛn sanliir li jɔɔ igalin ni. Ni kpaan u li jɔɔ upii uba le kpeŋileŋ, ki laa jɔɔ kiŋuufiiŋi ki ye wan li fir ŋmag uba nbamɔm, ki li ye wan wee bininfob tenn u jilima, ki li ye wan gaan bicham, ki li ye wan li fir wɔɔnn,

Uwumbɔr aagbaŋ

² Ni ŋan ke Yesu aanib aaninkpel taa li kpa taani ubaa. Ni ŋan u li joo upiibaab, ki li chur ubaa tiwan mɔmɔk ni, ki li kpa laasaab, ki li bi mbamɔm, ki li channi bicham tichann, ki li ye unii u ga ŋmaa tuk binib Uwumbɔr aabɔr mbamɔm na.

1 Timoti 3:2 ပူးပေါင်းရင်းမြစ်များ

Tibɔnyaan ti Luk ŋmee ti na 1:6

Zakariya nin u poo biɛn nan ye bininfoŋam le Uwonbɔr ban, ki nɔɔ u kaal nin u siim biɛn.

Tibɔnyaan ti Luk ŋmee ti na 2:36

Le upiininkpel uba nan be niin ki ye Uwonbɔr a linlenu, le bi yi u ke Ana, u nan ye Faniɛl a bisa le, ki ye Aser a bol a ninfou, u nan por takpema, ki be u chal ban ibin ilile a bɔɔn,

Rom Yaab 12:13

Ni li por naah jɔɔ nan ki tenn Uwonbɔr a ninfob ban ye bilanjiimin na. Ki li ŋaan bininfob tiŋann na.

Filipi 2:15

wee ki laa jɔɔ igalin ni ki li be kasi, ke Uwonbɔr a buwaab ban kaa jɔɔ igalin, naah be dulinya biig kan yaan nin titoonbirdam a sisiigin nin bu, wee ni li nyagin ke iŋmabil yan be kutingbɔŋ nan yaan nin,

1 Timoti 3:12

Ni kpaa le nin utiter li jɔɔ upii uba kpeŋileŋ ki ji li ye wan li fir ŋmag u buwaab nin u niin yaab biɛn nbamɔm.

1 Timoti 3:8

Ni li ye man ki sei bititerib mu, ni kpaa talar le nin bi li jɔɔ nbinben ŋan wee bininfob li tenn bi jilima, ki li ye bibamɔndam, ki laa nyuu ndaam takpemi, ki laa ban bin kan tiyɔr tibɔkar bu.

1 Timoti 4:3

Bi kɔɔg bininfob le lipiikɔɔnl nin lijakunl, nin tijiir tibam a jim, tan wee Uwonbɔr naan ki ta sei tim ban ŋa u yada ki nyi ibamɔn nin, ke ti ga wee ki sei U kunɔɔpoogin.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

1 Timoti 5:22

Laa jegil ki ta a nɔɔi ki paag bininfob bu, ki laa kpiɛ ban tun tibir bu wee ni tun ni. Li ŋmag a ba kasi.

1 Timoti 5:9

Lipukɔɔl lan kaa la foo ibin piloob kaa kpiɛ ipukɔɔ a kanlin ni, see wan jon ibin piloob, ki ye wan wee u chal ŋa u yada,

2 Timoti 2:24

Naa ŋan nin Uyudaan a toontunnu li ban ikɔn ni, amaa u li jɔɔ nbinben ŋan nin bininfob biɛn, ki li ye wan li fir wɔɔn, ki li jɔɔ limɔril.

Taitus 2:2

Wɔɔn bininkpeebin wee bin fir ki ŋmag biba wee ki laa fiin bi ŋu yi, ki li jɔɔ nbinben ŋan nin jilima, ki li fir chor bi ba, ki li nɔɔ ibamɔn a wɔɔm, ki li jɔɔ njiɛm, ki li pɔɔn biba bi fala a jimin.

Hiibru Yaab 13:2

Ni laa tami wee ki li gaan bichama, nan bu-n ni ŋaan man ke, bibam gaan malakam le kaa nyi.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

1 Piita 4:7

Tiwann biɛn a diɛm mala. Mambu ni che ni potiɛri li ween na wee ki li chor ni ba wee ni li fir miɛ Uwonbɔr.

1 Piita 4:9

Ni li gaan tab kuchɔŋa ki laa ŋulin tab bu.

1 Piita 5:8

Ni choom niba ki li nyi niba bu. Ni dataag ulinlaril le choon le jin ke ugbegin wan ŋuun ki ban uninfo un choo niɛ-n.