1 Timoti 3:16 - UWONBƆR A GBƆNPƆŊ LIKƆƆNL

¹⁶ Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

Uwumbɔr aagbaŋ

¹⁶ Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

1 Timoti 3:16 ပူးပေါင်းရင်းမြစ်များ

Matiu 1:23

“Lig! Usapɔɔn wan kaa nyi uja na li choo lipool ki maa kibijag, le bi na li yin u yinl ke Imanuel.” Ni taai le ye, “Uwonbɔr be nin ti.”

Matiu 13:11

Le u bei bi ke, “Nim ma, Uwonbɔr ta paab a naamin a bɔr woon kaar ki sei na. Amaa bi ma, waa che bi biɛ.

Matiu 28:2

Libol nmɔn, kitiŋ nan dam takpem le, nan bu-n Uwonbɔr a malaka le nan nyan paab ki jiirin, ki jon kukaag n-yaan ki tan binn likalool, ki kal li bu.

Matiu 3:16

Waah fun Yisa Uwonbɔr a nyunful diɛ-n, le Yisa nyan nnyumin weem. Libol nmɔn le kitilangbɔŋ loor, le u kan Uwonbɔr a Naaŋ kaah jiirin u bu ki nann ulanjel, ki nan wonn u bu.

Matiu 4:11

Le ulinlaril fɔr ki sin jiɛn u, le malakam dan ki nan ter u.

Tibɔnyaan ti Mak ŋmee ti na 1:13

u nan be kukunkɔɔg nmɔn bu ki tan kpaa iweehn pina, le Sintani nan bigin u. Yisa nin kulɔŋ a wankor le nan lagin be; le Uwonbɔr a malakam jiirin ki nan ŋaa u tiŋann.

Tibɔnyaan ti Mak ŋmee ti na 16:19

Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam.

Tibɔnyaan ti Mak ŋmee ti na 16:5

Le bi kɔɔ kukaag nmɔn yaan, ki kan unaachipɔɔn ka nnɔɔjiin paam ki yee daala peŋ fufɔbig. Le ni gar bi takpem.

Tibɔnyaan ti Luk ŋmee ti na 2:32

U li ye nwonween ki kpiir a samin ki wɔɔn ban kaa ye Iziral yaab nan, Ki ji ta kupag ki sei a tɔɔl a ninfob Iziral yaab.”

Tibɔnyaan ti Luk ŋmee ti na 20:44

Defid yin u ke ‘Uyudaan.’ Ke niin wee u ji ye u yaabil aa?”

Tibɔnyaan ti Luk ŋmee ti na 22:43

Le malaka nan nyan paab ki jiirin u bu ki pɔɔg u gbanann.

Tibɔnyaan ti Luk ŋmee ti na 24:4

Baah nan si kaa ji nyi baah tiɛr man nin, le libol nmɔn yaan bijab bilee ban nan yee tiwanpenn tan nyagin nan sir bi ban.

Tibɔnyaan ti Luk ŋmee ti na 24:51

Waah nan be kaab ki jaar bi bu-n, le u nan fɔr ki jiɛn bi le Uwonbɔr nan yuur u ki don paab.

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 13:3

Yisa kaah nan nyi ke Baa-n ta niwann biɛn ki ŋa u nɔɔn nin, le ki ke u nan nyann Uwonbɔr ban le ki ji yin jir Uwonbɔr ban;

Jɔnn 15:26

“Utiter, wan wee n yin tun u wee un nyann Baa-n ban nin, ki ye ibamɔn a naaŋ kan nyann Baa-n ban nin dan ke, u li ji n siɛra.

Jɔnn 16:28

N nyann Baa-n ban le ki kɔɔn dulinya ni; daandaan nan n nya dulinya ni le ki chaa jir Baa-n ban.”

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Jɔnn 20:12

le ki kan malakam bilee kaah yee tiwann penn, ki ka nan yaan wee Yisa a gbanann nan dɔ-n, le uba ka u yul paam, le uba mu ka u taai paam.

Jɔnn 6:62

Ke ni ye ke ni kan uninfosaal a bija-n kaah don waah nan nyan nan yaan nin ke!

Lituln 1:19

Jerusalam yaab biɛn nan gbir tibɔr nmɔn na, le ki yin bukpaab nmɔn bi leen yin ke, Akelidama, ni taai le ye, Ncham a Kpaab.)

Lituln 10:34

Le Piita piin ki bei bi ke, “N nin biɛ ke ni ye nbamɔm le ke Uwonbɔr kaa gann ni,

Lituln 14:27

Baah nan foo Antiɛg nan, le bi bei biwonjiɛm a laguŋin Uwonbɔr kaah ta bi tun man, nin waah loor nsan man ki sei ban kaa ye Juu yaab wee bi ŋa yada man.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Rom Yaab 10:12

Juu yaab nin ban kaa ye Juu yaab kaa jɔɔ nbɔgirimi, uyudaan uba nmɔn le ye bi biɛn nan a yudaau le u kaar takpem be ban biɛn yi win nbu,

Rom Yaab 10:18

Amaa le n baan ke, “Baa gbiraa? Ibamɔn bi gbira: “Bininfob gbir bi kukɔl kutingbɔŋ nan a gbanann biɛn na, bi bɔr foo dulinya nan a tariga.”

Rom Yaab 16:25

Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

Rom Yaab 16:26

amaa daandaan nan ti kpiir ki dɔ npaan nin le, ilinlen leen a sɔbimin yaan, le Uwonbɔr wan kaa jɔɔ diɛm nan a siimin bu, wee ibol biɛn nŋa U yada ki chee U mɔb,

Rom Yaab 3:4

Naa ye man ni! Che Uwonbɔr ma le ye ubamɔndaan na, wee uninfosaal biɛn mu le ye tibɔkardaan na. Ke naah sɔb Uwonbɔr a gbɔŋin man nin: “Na li ŋa man wee bin ke fin Uwonbɔr a bɔr ŋan ni ye a pag ke le uba mu kaa yin fir faaŋ limɔkpel a bɔr a jimin ni.”

Rom Yaab 8:3

Uwonbɔr tun nan wee nsiimin kaa fir tun nna nan bu-n uninfosaal a gbanann kaa nan fir ŋmag nsiim nmɔn ni, le U tun U tɔɔl a big le ki nann uninfosaal wan ye tibirdaan nin ke un nan mann tibir a manug. Le ki bii tibir tan be uninfosaal a gbanann nin ni-n,

Rom Yaab 9:5

Bi yaab le ye ti yaajam ninkpeebin, ban nyan ti yaajamin a bolin nin Masiya tɔɔl nyan niin le u ninforin nin bu, U ma ye Uwonbɔr wan jon niwann biɛn, U ma kpaan npagim man kaa jɔɔ diɛm! Ibamɔn.

1 Korenti 15:47

Chinchinn a ninfo win nan nyan titann nin le, le uninfo wan kpiɛ milee n mu nyan paab.

1 Korenti 2:7

Aai, ti pag Uwonbɔr a lam man woo n-yaa bɔr le, amaa le Uwonbɔr pii nan chinn ŋa nlam man li sei ti jilima nmɔn a sili ki guun ti le mi saŋi nin foo.

2 Korenti 1:19

Amaa Uwonbɔr a bija Yisa Masiya wan wee min nin Silasi nin Timoti nan mɔɔn u bɔr ki sei nin, waa ye “Nn” nin “Aai,” amaa u ma bu ke iyoo biɛn u “Nn” le ye “Nn” le.

Galantiya 2:8

Uwonbɔr wan nan tun nin Piita wee u nan ye ntoon ki sei Juu yaabin, Uwonbɔr nmɔn le tun nin n mu le n ye ntoon ki sei ban kaa ye Juu yaabi.

Galantiya 4:4

N-yonn nmɔn kaah nan nan foon biɛn nin, le Uwonbɔr tun U tɔɔl a bija, wan wee upii ma u, wee nsiim ŋmag u,

Efesusi 1:9

Le U kpiir wɔɔn ti nan wee U nan woon lol U bamin ke un tun nin Masiya, U nungbeel a ŋamin nin,

Efesusi 6:19

Ki li miɛ ki tenn n mu ni, wee ni ye n-yonn man n nan yaar n mɔb ke, n fir kan tibɔr ki mɔɔn tibɔwoonkaar nan ki laa san bijawaami,

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

Kolosiya 1:6

wee ki dan ni ban nin. Tibɔŋann nmɔn lo iloon le ki yabirig dulinya nan yaan biɛn, ke naah nan ti tun man ni sisiigin lidaal lan wee ni nan gbir ti, ki biɛ Uwonbɔr a nyunyunbasanlin nin libamɔn yan be ipoolin nin biɛn.

Kolosiya 2:2

N lol ye n che bi sufu le npɔɔg, wee bi lagin tab nin njiɛm, wee bi li jɔɔ nbiɛm man yab, wee ki li fir biɛ Uwonbɔr a bɔwoonkaar ti ma ye Masiya,

2 Tesalonika 1:10

lidaal lan wee u nan dan un nan gaa u pag kasi a ninfob nin u jilima ban biɛn ŋa u yada-n ban nin. Ni tɔɔl kpiɛ niin na, ni ŋa tibɔr tan wee ti pag sei nin yadau.

2 Tesalonika 2:7

Npɔɔn man woo limɔyiildaan nmɔn a bɔɔn nin pii piin itoon na; amaa wan la ŋmag mi wee maa tun nin, le la ŋmag man le, hali nin Uwonbɔr kaah na li nyan nan ŋmag mi nmɔn.

1 Timoti 3:9

Ni kpaa le nin bi li ŋmag yada a bɔwoonkaar tan ye ibamɔn nin, wee bi sufu li ween.

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 12:2

Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.

Hiibru Yaab 7:7

Naa jɔɔ nbiɛnimi, wan kaab tikaar jon wan wee u kaab jaar u bu nan na.

Hiibru Yaab 8:1

Nan bu wee ti len ni niɛ nan ye nan le: Ti jɔɔ biminmanib a yudaau, wan kal paab a naamin a naangbɔŋ nbu Jilimadaan a nɔɔjiim paamin,

1 Piita 1:12

Ni nan kpiir ki wɔɔn bi ke baa nan tun tenn biba le, amaa nim. Bilinlemin kaah nan pag tiwann tan wee ni gbirin wee ban mɔɔn tibɔŋann nin mɔɔn ti sei ni Kasi a Naaŋ kan nyan paabin a pɔɔm bu-n. Hali malakam ban bin biɛ tiwann nmɔn le.

1 Piita 1:20

Uwonbɔr nan gann u le ki nin naan dulinya, amaa le ki nan kpiir u wɔɔn idajoorikaa nan yaan nim bu.

1 Piita 1:21

Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.

1 Jɔnn 1:2

Limiɛfol nmɔn degirin na; ti kan limiɛfol nmɔn ki jin li siɛrau, limiɛfol lan kaa jɔɔ diɛm nmɔn a bɔr le ti pag ki tenn ni nan, lan nan be Baa-n ban nin, li degirin ti buu.

1 Jɔnn 3:5

Amaa ni nyi ke u nan degirin un nan ta ti yaa bir le. Le u ni tibir kaa be.

1 Jɔnn 3:8

Wan tun nan bir ke u ye ulinlaril a ninfou le, nan bu-n ulinlaril pii ye wan tun tibir le npiinimin na. Nan bu wee Uwonbɔr a Bija nan degirin ni, nan ye un bii ulinlaril a toon le.

Tibɔkpiirkaan 17:5

Liyinl le nan sɔb paa u yutunl bu ke, TIBƆWOONKAAR BABILƆNN KITINTAKPEŊIN IPIIJAGƆƆR BIƐN A NA KUTINGBƆŊ NAN A WANBIR BIƐN A NA

Tibɔkpiirkaan 17:7

Le malaka nmɔn baanim ke, “Ba ŋa wee a che ni gariŋaa? N li wɔɔniŋ tibɔwoonkaar ki jiin upii-n nin waah nan jig kuwanbiig kan nin paam kan nan jɔɔ iyul ilile nin iyinh piigin.

Tibɔkpiirkaan 7:9

Ni bɔɔn bu le n lig ki kan kuninfogbaluŋ n nintogil ban wee uba kaa li fir kan bi kanli, bi nan nyan ininfobool, nin imaal, nin bininfob, nin ileen biɛn nin le, ki si kunaangbɔŋin ban Kipeebigin a nintogil. Bi nan yee tiwanpenn le ki ŋmag tikpikpagbann bi nɔɔn.