1 Timoti 3:11 - UWONBƆR A GBƆNPƆŊ LIKƆƆNL

¹¹ Ni ye man le ki sei bititerib nmɔn a piib mu, bi li ye ban jɔɔ jilima, ki laa ye bibɔɔnsubi, amaa wee ki laa ye ban jɔɔ kiŋuufiiŋi ki li be soon ki ye ban wee bininfob ŋa bi yada.

Uwumbɔr aagbaŋ

¹¹ Ni ŋan ke bipuutiib mu li kpa laasaab, ki li chur bibaa, ki li ŋani tiwan mɔmɔk mbamɔm, ki taa li ye binibiinib.

1 Timoti 3:11 ပူးပေါင်းရင်းမြစ်များ

Matiu 4:1

Le Kinaaŋ che Yisa don kukunkɔɔg bu ke ulinlaril ntan bigin u.

Jɔnn 6:70

Le Yisa jiin ke, “Maa nan gann ni Piig nin bilee lee? Nin ni ma biɛn nin, ni ni uba ye ulinlaril le!”

Rom Yaab 1:29

Bi sufu gbee nin npooton a booli le, nin titoonbir nin kujaŋuuŋ nin nan kaa jɔɔ bu. Bi gbee nin linunchɔril le, nin lininfo kul, ki kɔnn nin tab, ki lar tab, ki nan tab. Bi ye bi bɔɔn sub le,

1 Timoti 1:12

N poor ti Yudaau Masiya, nin waah seim npɔɔn, ki ŋaam yada daan, ki taam ŋa u toon yin.

1 Timoti 3:2

Ni ma bu naa kpaan nin uwonjiɛn sanliir li jɔɔ igalin ni. Ni kpaan u li jɔɔ upii uba le kpeŋileŋ, ki laa jɔɔ kiŋuufiiŋi ki ye wan li fir ŋmag uba nbamɔm, ki li ye wan wee bininfob tenn u jilima, ki li ye wan gaan bicham, ki li ye wan li fir wɔɔnn,

1 Timoti 6:2

Biyom ban a yudam ye biwonjiɛmin n laa ziɛn bi, nan bu-n bi ye nnabum le nin tab. Amaa ni ye bin mann ter bi le nbamɔm, nan bu-n ban ji bi toon nmɔn a nyɔɔr ye biwonjiɛm le, ban wee biyudamin jiɛ. Ni niɛ le ye nan wee ni li jɔɔ wɔɔn ki pɔɔgir bi gbanann.

2 Timoti 3:3

kaa li jɔɔ njiɛm nin tabi, kaa li jiɛn tab a bir per bi, nin kutingbiig, kaa li fir ŋmag biba, ki ye ban jɔɔ npooton nin ban kaa jiɛ nan ŋan ni,

2 Timoti 4:5

Amaa fin ma, li ŋmag a ba n-yonn biɛn, ki li pɔɔn a ba a fala a jimin; ki wɔɔn bininfob tibɔŋann nan, ki li tun litoonl lan wee Uwonbɔr ta seiŋin biɛn na.

Taitus 2:3

Man mu jigin, wɔɔn bipiininkpeeb wee bi li jɔɔ jilima bi binbemin, ki laa ye bitingbiibi, ki laa ye bidanyubi, amaa wee ki li wɔɔn nan ŋan.

Taitus 3:2

bi laa jɔɔ kutingbiig u ba bu, ki li be nin nposɔɔn, ki li jɔɔ nbinben ŋan, ki li tenn bininfob biɛn ibamɔn a jilima.

1 Piita 5:8

Ni choom niba ki li nyi niba bu. Ni dataag ulinlaril le choon le jin ke ugbegin wan ŋuun ki ban uninfo un choo niɛ-n.