1 Timoti 2:8 - UWONBƆR A GBƆNPƆŊ LIKƆƆNL

⁸ N ban bijab kaah be nan yaan biɛn ndon bi kasi a nɔɔi ki miɛ Uwonbɔr, wee ni laa jɔɔ sufu fiiŋ bee limɔkpeli.

Uwumbɔr aagbaŋ

⁸ M ban ke bijab bi bi ŋipepel mɔmɔk na mee Uwumbɔr, ki yoor iŋaal paacham. Bi li ye binib bi bi chain na, ki taa li kpa liŋuul, ki taa li kpa kinikpakpak.

1 Timoti 2:8 ပူးပေါင်းရင်းမြစ်များ

Matiu 21:21

Le Yisa jiin ke, “N bei ni ibamɔn le, ni ye ni ŋa Uwonbɔr yada nin ibamɔn wee kaa biɛn u ke, ni biɛn yin tun le ke maah tun kisiig nan man nan, amaa naa ye man a binba le ni yin tun ni, ni ye ni bei lijɔɔl takpenl nan gbaa ke lin fii ki tan lu limɔgil nan yaan ke, li li fii.

Matiu 5:44

Amaa n bei ni le, ni li jiɛ ni dataama, ki li miɛ Nween ki tenn ban mugir ni nan na,

Matiu 6:12

Jiɛn ti bir ki per ta. Ke ti mu kaah jiɛn per ti pɔndam man ni.

Tibɔnyaan ti Luk ŋmee ti na 23:34

Le Yisa ke, “N Baa, jiɛn bi bir ki per ba, nan bu-n baa nyi baah tun nan ni.” Le bi nan tɔn inaa ki por u wan yɔɔr.

Tibɔnyaan ti Luk ŋmee ti na 24:50

Waah nan ta bi ki nyan kitiŋ nmɔn yaan ki tan mal Betani, le u nan don u nɔɔi paab ki kaab jaa bi bu.

Jɔnn 4:21

Le Yisa pag npaan ni ke, “Ŋa maah len man nin yadau, upii, n-yonn chaan le naa nan yin jiɛn Baa-n lijɔɔl nan a paab bee Jerusalami.

Lituln 10:2

Kɔnelu nin u niin yaab biɛn nan ye biwonsam le. U nan ter bilanjiim pam, ki miɛ Uwonbɔr iyoo biɛn.

Lituln 10:31

ki len ke, ‘Kɔnelu, Uwonbɔr gbir a miɛm ma, ki li tiɛr a piini yan wee a pu bilanjiimin.

Lituln 10:4

Kɔnelu kaah kan malaka nmɔn nin, le bijawaam choo u, le u baan u ke, “Uyudaan baa yen naa?” Le malaka nmɔn jiin ke, “A miɛm nin a teril lan wee a jɔɔ ter bilanjiimin ye litiɛril a piin le Uwonbɔr ban.

Lituln 21:5

Amaa le ti chaam a yonn nan foo, le biwonjiɛmin nin bipiib nin bi buwaab chiɛn ti ki tan nyan kitiŋ n yaan. Le ti biɛn gbaan limɔgilin a gbaam ki miɛ Uwonbɔr.

Lituln 7:60

Le ki gbaan le ki yin nkukɔpɔɔn ke, “Uyudaan, jiɛn bi bir ki per ba.” U len man le ki sin kpo.

1 Korenti 1:2

le sɔb ki poor nim biwonjiɛm a laginn ban be Korenti a tiŋin, nin ban wee Uwonbɔr ŋa bi u yaab Masiya bu-n, le u yin bi ki ŋa bi kasi nin ban biɛn be nan yaan biɛn ki yi ti Yudaau Yisa Masiya a yinl ke bi yudaau nin ti mu a yudaau win.

1 Korenti 7:7

Min bi ban ke uninfo biɛn li be ke maah be man nan le, amaa Uwonbɔr sei uninfo biɛn nin u piini le, uba a piin be iba ki jiɛn utɔyaan.

2 Korenti 2:14

Amaa Uwonbɔr le ye kunɔɔpoog, nan bu-n iyoo biɛn U lii ti sam ki pee nnyaŋim a naatuŋ Masiya a pɔɔm bu. U bɔr mɔ le ke tulaali a baam kaah mɔ man ni, le u che ti mɔɔn ti ilog biɛn.

Filipi 1:12

N nabum, n ban ni biɛ ke niwann nan ŋaam nan bu le che tibɔŋann nmɔn fir mɔɔn.

1 Tesalonika 1:8

Ti yudaau a bɔŋann nmɔn kaa nan nyan ni ban ki kɔɔ Masedoniya nin Akaya a binba le, amaa naah ŋa Uwonbɔr yada kan nin pii kɔɔ ilog nan biɛn na. Ni ma bu naa ji kpaan ti pag ni ki kpiɛ,

1 Timoti 5:14

Ni bu n kpaan bipiisapɔm ban ye ipukɔɔ nbiɛn le ke bin kum bijab, ki maa nbuwaab, ki li lig bi niin nbamɔm wee ki laa che kidataagin n kan npaan ki ŋa kutingbiigin.

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

Hiibru Yaab 10:22

ni che ti fɔɔr mal Uwonbɔr nin sufu ŋaŋ nin yada kan gbee nin ibamɔn na, waah jɔgin ki ŋunn ti sufu nyan kasi, wee ti nyan igalin ti potiɛlin ni, wee ki fun tigbanann mu nnyum ŋami.

Jemisi 4:8

Ni fɔɔr mal Uwonbɔr a, wee Uwonbɔr mu nfɔɔr ki mal ni. Nir ni nɔɔi ya, nim tibirdam nan, ki ŋa ni sufu kasiu, nim ipotiɛ ilelee dam nan.

1 Piita 3:7

Nim bipiidam, man mu le ye ni, ni mu li cheel tenn ni piiba, ki li nyi ke bi ye bilanjiim le ni ban, ki li tenn bi jilima ke nim nin bi ma biɛn na li gaa Uwonbɔr a piinŋan yan ye limiɛfolin, wee niba laa li fir legin ni wonmiɛli.