1 Timoti 2:1 - UWONBƆR A GBƆNPƆŊ LIKƆƆNL

¹ Chinchinn, n bei ni le ke, ni li miɛ Uwonbɔr ki tenn ni ba, ki li miɛ u ki tenn ni kpiɛtiib, ki li tenn Uwonbɔr kunɔɔpoog bininfob biɛn buu,

Uwumbɔr aagbaŋ

¹ Tɔ, tibɔr ti ye tibɔkpaan na le ye ke m ban ke ni li mee Uwumbɔr ki tii binib mɔmɔk, ki li gaŋni u ke u san bi kinimbaak, ki li dooni u bi pu.

1 Timoti 2:1 ပူးပေါင်းရင်းမြစ်များ

Lituln 17:30

Iyoo yan nan jon nin, wee bininfob kaa nan nyi Uwonbɔr nan, waa nan gar bi bir bu. Amaa daandaan nan, u ke uninfo biɛn nkpenn u binbema.

Rom Yaab 1:8

Chinchinn, Yisa Masiya bu le n poor n Wonbɔru ni biɛn nan bu, nan bu-n dulinya nan yaan biɛn bi pag ni yada buu.

Rom Yaab 6:17

Amaa n tenn Uwonbɔr kunɔɔpoog, nin nim ban nan ye titoonbir a yomi wee ki nan nɔɔ nwɔɔnim man wee ni nan gaa nin ni sufu biɛn nin bu.

1 Korenti 15:3

Nan wee n gaa-n ni ma le n mu ta sei ni le ni ye nan kpaa talar chinchinn: Ke Masiya kpo ti yaa bir bu le ke naah sɔb Uwonbɔr a gbɔŋ man ni,

2 Korenti 8:6

Mambu le ti nan kpaan Tatusi ke taa pii nan piin ki tun man ni, u li tun man na ki diɛ linyunyunbasanl a toonl nan ni tɔɔl ban na.

Efesusi 3:13

Ni ma bu, n balin ni le, ni laa che ni gbanann ngbɔɔ maah ji fala wan ni bu nni, ni ye kupag le sei ni.

Efesusi 5:20

ni li pagir ti Baa Uwonbɔr iyoo biɛn nin niwann biɛn nin na ti Yudaau Yisa Masiya a yinl bu.

Efesusi 6:18

Ni li miɛ Uwonbɔr Kinaaŋin ki li miɛ U nan yaan biɛn wee ni be nin liwonmiɛl lan a booli biɛn wee ni ban. Ki che ni niɛ nan li be ni sufu ni, ni li guu ni ba wee ki li miɛ ki tenn Uwonbɔr a ninfogannkaabin biɛn na.

Filipi 1:3

N tenn Uwonbɔr kunɔɔpoog n-yonn man biɛn wee n tiɛr ni bu.

Filipi 4:6

Ni laa jɔɔ npotiɛ bii-n ni niwann niba bu, amaa ki li miɛ Uwonbɔr naah ban nan bu, ki li tenn U kunɔɔpoog, ki bei U naah ban nan.

1 Tesalonika 3:12

Uyudaan n che njiɛm man wee ni jɔɔ ban ni tabin n mann tann ki pii uninfo biɛn, ke ti yaa bamin kaah be nin ni man nin.

2 Tesalonika 1:3

N nabum, ni ye ti poor Uwonbɔr le ni bu, ni ŋan nin ti ŋa man, nan bu-n ni yada-n le mann yabirig le takpem, le njiɛm man wee ni jiɛ tabin mann kpiɛg le.

1 Timoti 2:4

wan ban bininfob biɛn n kan feegab wee ki biɛ nbamɔmin.

1 Timoti 5:5

Lipukɔɔl lan sin ban nterimin wee kaa jɔɔ wan li ter win, u tama be Uwonbɔr ban le, le u miɛ Uwonbɔr ki ban nterim nween nin kunyiɛg.

2 Timoti 2:24

Naa ŋan nin Uyudaan a toontunnu li ban ikɔn ni, amaa u li jɔɔ nbinben ŋan nin bininfob biɛn, ki li ye wan li fir wɔɔn, ki li jɔɔ limɔril.

Taitus 2:11

Uwonbɔr a nyunyunbasanl lan ta feegab dan ni, kpiir uninfo biɛn bu-u.

Taitus 3:2

bi laa jɔɔ kutingbiig u ba bu, ki li be nin nposɔɔn, ki li jɔɔ nbinben ŋan, ki li tenn bininfob biɛn ibamɔn a jilima.

Hiibru Yaab 6:11

Ti ban ni biɛn li jɔɔ inunman le hali nin ndiɛm, wee nin che naah jɔɔ tama nan bu-n nin sin ŋa ibamɔn.

Jemisi 5:16

Mambu, ni kpiir ni bir ki wɔɔn taba, ki li miɛ Uwonbɔr ki tenn taba wee ni kan kutebug. Ubuchinn a wonmiɛl jɔɔ npɔɔn le mitoon yin.