1 Timoti 1:9 - UWONBƆR A GBƆNPƆŊ LIKƆƆNL

⁹ Ti ji nyi nsiimin kaah kaa siin sei ban ye bibuchimi, amaa ban ye tukangbirdam, nin ban kaa san Uwonbɔr, nin tibirdam, nin tijagindam nin ban galin Uwonbɔr, nin ban ku bi baam, nin ban ku bi nam nin bininfokub,

Uwumbɔr aagbaŋ

⁹ Ti yaa nyi ke nkaal aa bi bininyaam pu kan, nkaal ngbaan ŋan la. Mu bi tiniwanbir le pu, ni binib bi kaa gee bi ŋun tibɔr na, ni binib bi kaa dii Uwumbɔr aasan na, ni titunwanbirdam, ni binib bi yii Uwumbɔr kaa pak u na, ni binib bi ku bitetiib ni binatiib na, ni binib bi ku biken na,

1 Timoti 1:9 ပူးပေါင်းရင်းမြစ်များ

Matiu 10:21

“Uninfo na li gbii u na big bu le bin ku u; le baam na li gbii bi buwaab bu; le nbuwaab na li kɔnn bi dam ki ku bi.

Rom Yaab 1:30

nin bitingbiib, ki nan Uwonbɔr, ki sugir tab, ki jɔɔ kalanbaani, ki far igbingban; ki tiɛr baah li ŋa man ki mann tun titoonbir; ki yiin bi baam nin bi nam a mɔɔŋi;

Rom Yaab 4:13

Naa nan ye nsiimin a ŋmagim bu le Uwonbɔr nan siin limɔsiinl ki sei Abiraham nin u yaabili ke bi li ji dulinya nan a faalin ni, amaa nbuchin binben man nyan yada-n nin bu.

Rom Yaab 5:20

Nsiimin nan kpiɛ le ki che titoonbir pɔr. Amaa le titoonbir kaah pɔr man nmɔn linyunyunbasanlin pɔr jon man na,

Rom Yaab 6:14

Tibir kaa ji yin ye a yudaau wi, nan bu-n, nsiim kaa ŋmag ŋi, amaa Uwonbɔr a nyunyunbasanlin bu le a be.

Galantiya 3:19

Ke babu wee Uwonbɔr nan siin nsiim nmɔn naa? Nsiim a biim bu le Uwonbɔr nan ta nsiim nan ki sei bininfob ki kpiɛ U mɔsiinl bu, ki ban nsiim nmɔn li ŋmag bi hali nin n-yonn man wee Abiraham a yaabil lan wee U ma Uwonbɔr nan siin limɔsiinl ki sei-n kaah na li foon. Le malakam ta nsiim nmɔn ŋubin usandanfaar a nɔɔn.

Galantiya 5:18

Amaa ni ye kinaaŋin lii ni sam ke, nsiim kaa ŋmag ni.

Galantiya 5:21

nin linunchɔril, lidanyugbeel, nin lidanyugbeel a toonbir, nin ban tun man a booli. N bei ni le ke maah pii nan bei ni man nin, ban tun man nmɔn kaa na li kɔɔ Uwonbɔr a naamin ni.

Galantiya 5:23

nin jiininba, ki kpiɛ choonba. Nsiim nba kaa ji be wee ki li bii ban tun nan ni.

2 Tesalonika 2:8

Le limɔyiildaan nmɔn n nin kpiirin, wan wee Uyudaan Yisa na yin foor u mɔb a faam ki ku u, u dan daal nmɔn u na li bii limɔyiildaan nmɔn.

1 Timoti 4:7

Laa nɔɔ ban kaa ye biwonjiɛmin a teeni nin tinaakpabɔri, pɔɔn a ba ki li jɔɔ nwonjiɛn binben.

1 Timoti 6:20

Timoti, li mann ŋmag nan wee Uwonbɔr ta ŋa a nɔɔn ke a li ŋmagin nbamɔma. Jiɛn tijɔrbɔr tan ye limɔkpel wee kaa jɔɔ nyɔɔr kaa biɛ ji ye Uwonbɔr yaar wee bibam yin ni nlamin na,

2 Timoti 2:16

Nyam a ba tibɔr tan kaa kpaan nin uwonjiɛn li pag n-yaan, nan bu-n bininfob ban be man nmɔn a bol mann fɔbig le nin Uwonbɔr.

2 Timoti 3:2

Bininfob na yin jiɛ bi ba le, ki ye ban ban ilig, nin ligbingbanfaal, nin kalanbaani, ki sugir bininfob, kaa ji li gbir sei bi baam nin bi nami, ki li ye ban kaa jɔɔ linungbeeli nin ban kaa jɔɔ kasi a binbem,

Taitus 1:10

Nan bu-n, limɔyiil a ninfob yaba, ban pag yɔli yɔli nin kularug a ninfob, nin ban jann nɔɔ lipunjiil a kaalin.

Taitus 1:16

Bi len ke bi nyi Uwonbɔr, amaa le bi toon yin wɔɔn ke bi yii wa. Uwonbɔr nan bi binbem nmɔn. Bi ye tukangbirdam le kaa li fir tun litoon ŋanli.

Taitus 1:6

Naa ŋan nin uninkpel li jɔɔ igalin ni, u li ye wan jɔɔ upii uba kpeŋileŋ, le u buwaab mu li ye ban jɔɔ yada, ki laa ye tukangbirdami.

Taitus 3:3

Isaŋ iba ti mu nan ye tijɔri le nin tukangbirdam, le ni lar ti ki ta ti ŋa tiyomir, ki jɔɔ kɔlisa birug nin dulinya nan a wan ŋan. Le ti jɔɔ kininaŋ nin linunchɔril, le bi nan ti le ti mu nan bitab.

Hiibru Yaab 11:31

Yada bu baah nan ku ban ye limɔyiildamin, baa nan ku Rahab wan nan ye lipiijagɔɔrilin ki kpiɛ bi bu, nan bu-n waah gaa Iziral a ninfob ban jon bin pigir kitiŋin ki ligin ki woon u niin nin bu.

Hiibru Yaab 12:16

Ni laa che ni ni uba n tun iwanchɔgin toon upiibanlin bee ujabanlin ni, bee kaa jɔɔ nwonjiɛn binben ke Esɔɔ, wan nan kɔɔr u ninkper a faal kisaayiig kiba bu nni.

1 Piita 2:7

Ki ta jiin nim ban ŋa yada-n paam, litangbagil nmɔn jɔɔ linungbeel. Amaa ban kaa ŋa yada ma ban, “Litangbagil lan bitanmaab yii lin nan labir litangbagil lan ŋmag nmaan nni le,”

1 Piita 3:20

ban nan jɔɔ limɔyiil iyaayoo yan nan jon nin wee Uwonbɔr nan jin limɔril ki guu bi Nowa a yonn, wee Nowa nan be kpee kuŋaluŋin. Kuŋaluŋ nmɔn yaan bininfob wama le nan kɔɔ ki ye bininfob biniin, bi man nan kan nŋmarim nnyum nmɔn yaan,

1 Piita 4:18

Le, “Ni ye ni pɔɔ ki sei nin bibuchim nkan nŋmarim ke, ke ban kaa jɔɔ nween nin tibirdam yaal na li be nii?”

Juud 1:15

ke un ji uninfo biɛn tibɔr, ki choo ban kaa ye biwonjiɛm biɛn baah nɔɔ nan kaa ye liwonjiɛnl a sam ki ŋaan tiŋaar tan kaa ye Liwonjiɛnl a ŋaarin bu, nin titintann a mɔleen yan wee tibirdam ban kaa ye biwonjiɛm pag ki galin Uwonbɔr nan.”

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”

Tibɔkpiirkaan 22:15

Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.