1 Timoti 1:4 - UWONBƆR A GBƆNPƆŊ LIKƆƆNL

⁴ ki che bin nyan biba bi yaajam a bɔkpegir tan ye tibɔkar a teeni ki nyan bi yaajam a yiin npaamin. Ni ma che limɔkpel forin kaa ye Uwonbɔr a niin a toonl lan ye yada nbu.

Uwumbɔr aagbaŋ

⁴ ki taa ki joo ŋiyimbil ŋi bi Uwumbɔr Aagbaŋ ni na tiini itiin baah nan ŋani pu na. Nimina le cha binib baa mbaan. Naa ter bi ke bi gaa Yesu ki kii aan ki dii waasan mbamɔm.

1 Timoti 1:4 ပူးပေါင်းရင်းမြစ်များ

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

Efesusi 3:2

N nyi ke ni pii gbir ke Uwonbɔr a nyunyunbasanl a toon bu, le U nan ta litoonl nan seim ke n tun nim bu,

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

1 Timoti 4:7

Laa nɔɔ ban kaa ye biwonjiɛmin a teeni nin tinaakpabɔri, pɔɔn a ba ki li jɔɔ nwonjiɛn binben.

1 Timoti 6:11

Amaa fin, wan ye Uwonbɔr a ninfo nan, guun ki nya ni niɛ nan yaan biɛn na, pɔɔn a ba ki li jɔɔ nbuchin binben, nin nwonjiɛn binben, nin yada, nin njiɛm, ki li jɔɔ lipoobil ki li be soon.

1 Timoti 6:20

Timoti, li mann ŋmag nan wee Uwonbɔr ta ŋa a nɔɔn ke a li ŋmagin nbamɔma. Jiɛn tijɔrbɔr tan ye limɔkpel wee kaa jɔɔ nyɔɔr kaa biɛ ji ye Uwonbɔr yaar wee bibam yin ni nlamin na,

2 Timoti 2:14

Li gbaa tiɛri bi tiwann nan biɛn na, kpaan bi Uwonbɔr buu, ke bin nyam tibɔyɔɔr a pagimin, taa jɔɔ nyɔɔri, amaa ni bii ban pelig nle.

2 Timoti 2:22

Guun nya kuninfopɔŋ a kɔlisa birug n-yaan na, ki li jɔɔ nbuchin binben na, nin njiɛm, nin limɔril nin nposɔɔn, amaa wee ki li lig fin nin ban a sufu ween wee bi yi ti Yudaau ki ban literilin.

2 Timoti 2:23

Nyam a nɔɔ ijɔrig nin nlinliim a mɔkpel faalin na, nan bu-n a nyi ke ni jɔɔ ikɔn le chaan.

2 Timoti 4:4

Bi na yin ŋal bi tuli le ki yii ibamɔn a gbirim, amaa le ki sin pelig nwɔɔm man kaa ye ibamɔn nin.

Taitus 1:1

Min Pɔɔl wan ye Uwonbɔr a yomu nin Yisa Masiya a toomin, le Uwonbɔr tum u ninfo gannkaab ban, ke n ter bi bi yada-n wee bin biɛ ibamɔn a bɔr tan wɔɔn nwonjiɛn binben nin,

Taitus 1:14

ki laa pelig Juu yaab a wɔɔnim man kaa ye ibamɔn nin bee bininfob ban yii ibamɔn a siimin ni.

Taitus 3:9

Amaa ni nyam ijɔrig nin nmaal a ninkpeeb a yin a bɔrin nin imɔkpel a famin nin ikɔn ki ta jiin Uwonbɔr a siim paam, nan bu-n ni ye yɔli le kaa jɔɔ tinyɔɔri.

Hiibru Yaab 13:9

Ni laa che nwɔɔncham nan a booli biɛn nboon ni. Ni ŋan nin ti sufu n kan npɔɔn Uwonbɔr a nyunyunbasanlin bu, naa ye ikaal a jiir tan kaa ter ban ji ti nni.

2 Piita 1:16

Taa nɔɔ nlam a teeni isaŋ yan wee ti nan taah wɔɔn ni ti Yudaau Yisa Masiya a pɔɔm nin u dam a bɔrin ni, amaa ti ye siɛra jib le ban a num nan kan u jilima-n.