1 Timoti 1:20 - UWONBƆR A GBƆNPƆŊ LIKƆƆNL

²⁰ Bi ma ye Hamenasi nin Alɛgzanda, ban wee n ta bi ŋubin Sintani a nɔɔn ke un dar bi tul wee bin jiɛn Uwonbɔr a sugir.

Uwumbɔr aagbaŋ

²⁰ Bi ponn ni binib bilee ye Haimeneus ni Aleksanda. Le m di bi ŋa kinimbɔŋ aaŋaal ni ke ki daa bitafal, aan bi bee ke naa ŋan bi ki sii Uwumbɔr.

1 Timoti 1:20 ပူးပေါင်းရင်းမြစ်များ

Matiu 18:17

Ni ye ke waa chee un gbir ki sei bi ke, a wɔɔn biwonjiɛm a laguŋ; ni ye ke waa ji chee un gbir ki sei biwonjiɛm a laguŋin ke, ni nin jiɛn waah wee u li be ke naah bi li be nin ban kaa ye Juu yaab man ni, bee ulanpogaarin.

Lituln 13:45

Juu yaab kaah nan kan kuninfogbaluŋin le ni ŋa bi lipiiponl, le bi pag bii Pɔɔl a wɔɔmin.

Lituln 19:33

Le Juu yaab nyan uja uba le bi yi u ke Alɛgzanda, ki siin u bi nintogil ke un pag bi bu, le Alɛgzanda don u nɔɔi papaab, ki ban un pag ki sei kuninfogbaluŋin, ki nyan bi limɔkpel nmɔn yaan.

1 Korenti 11:32

Amaa ni ye Uyudaan jin ti tibɔr ke, ti ga litudaril le na li ŋa man wee ti laa won nan kpo nin dulinya yaabi.

2 Korenti 10:6

Ni ye ni jɔɔ limɔcheel ke, ni bɔɔn bu ti mu li ŋa sili ki dar tukangbirdam biɛn a tuli.

2 Korenti 13:10

Mambu le n sɔb kugbɔŋ nan ki tenn ni, ni ye maa be ni ban ke, wee ki nan dan ni ban n-yonn man ke n laa fiin n ŋuul npɔɔm bu. Ti yudaau nan seim npɔɔn nmɔn ke n ter ni le, naa ye n bii ni.

2 Tesalonika 3:15

Nin ni ma biɛn ni, laa ta man a ninfobol kpann a dataagi, amaa kpaan mu ke a nabigin.

1 Timoti 5:15

Biba pii fɔra ki labir bi bɔɔn kpaa ki nin nɔɔ Sintani le.

2 Timoti 2:14

Li gbaa tiɛri bi tiwann nan biɛn na, kpaan bi Uwonbɔr buu, ke bin nyam tibɔyɔɔr a pagimin, taa jɔɔ nyɔɔri, amaa ni bii ban pelig nle.

2 Timoti 2:17

Bi wɔɔm nmɔn li yann ke libiɛl kaah pɔr tigbanann nin man nin. Bi ni bibam le ye Hamenasi nin Filetusi,

2 Timoti 3:2

Bininfob na yin jiɛ bi ba le, ki ye ban ban ilig, nin ligbingbanfaal, nin kalanbaani, ki sugir bininfob, kaa ji li gbir sei bi baam nin bi nami, ki li ye ban kaa jɔɔ linungbeeli nin ban kaa jɔɔ kasi a binbem,

Hiibru Yaab 12:5

Ni tam imɔleen yan wee Uwonbɔr ta pɔɔg ni gbanann ki yin ni u buwaab ki ke: “N big, Uyudaan dar a tul ke, laa yin li yɔli, ni ye U fuun a bu ke, laa che a gbanann ngbɔɔ,

Tibɔkpiirkaan 13:1

Le kutunwiɛŋ nan sir limɔgil a dool. Le n kan kuwanbiig kaah chaa nyan limɔgilin. Ku nan jɔɔ iyinh piig le nin iyul ilile, ki chig nnaam a yuchigirim piig u yin bu, le iyin yan sugir Uwonbɔr nan sɔb paa u yuli nmɔn biɛn bu.

Tibɔkpiirkaan 3:19

Ban wee n jiɛ-n, bi ma le n fu bi bu ki dar bi tuli. Mambu ni ŋaam kinunmaŋ ki kpenn ni binbema.