1 Timoti 1:17 - UWONBƆR A GBƆNPƆŊ LIKƆƆNL

¹⁷ Daandaan nan, Ubɔr wan kaa jɔɔ ndiɛm, wan kaa kpegi, wan wee baa ga, Uwonbɔr uba, Uma ŋan nin jilima nin kupag hali nin iyoo yan kaa jɔɔ ndiɛmi. Ibamɔn.

Uwumbɔr aagbaŋ

¹⁷ Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

1 Timoti 1:17 ပူးပေါင်းရင်းမြစ်များ

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 28:20

ki wɔɔn bi wee bin chee nan wee n pii wɔɔn nimin n biɛn. Ibamɔn bu n yin be ni ban le hali nin dulinya a diɛm.”

Matiu 6:13

Ki laa liin ti ki kɔɔn libiginlin ni, amaa wee ki nyan ti titoonbirdaan a nɔɔn.’

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 5:44

Ni ye ke ni ban tab a pagim ke, ni yin ŋa niin ki ŋa yadaa, wee kaa sin pɔɔg ni ba ke ni kan kupag kan nyan Uwonbɔr uba-n ban naa?

Rom Yaab 1:20

Uwonbɔr kaah nan naan dulinya n-yonn man nin, le bininfob kan Uwonbɔr wan kaa ga-n a binbem, nin U Pɔɔm man kaa jɔɔ diɛmin, le U wonaaŋin ji che bininfob biɛ U, ni bu baa jɔɔ nan wee bi li ta pag ke baa nyi.

Rom Yaab 1:23

ni ma che bi kpenn Uwonbɔr wan kaa kpegin a jilima ki ta sei tiwann mann wan tan wee bi mann wee ti nann uninfo wan kpeg nin nnɔɔm nin tiwankor nin tiwann tan fuul.

Rom Yaab 11:36

Nan bu-n niwann biɛn nyan U ma ban le; le niwann biɛn be U bu le U ye niwann biɛn. U ma kpaan npagim hali n-yonn man kaa jɔɔ ndiɛmi! Ibamɔn.

Rom Yaab 16:27

ni pagim Uwonbɔr wan a binba ye ulandaan nan, hali nin n-yonn man kaa jɔɔ diɛm! Ibamɔn.

Rom Yaab 2:10

amaa kupag nin jilima nin nposɔɔn le Uwonbɔr yin ta sei ban tun nan ŋan nin: Chinchinn ni na yin foon Juu yaab ban le wee ki nin foo ban kaa ye Juu yaabin ban.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

Kolosiya 1:15

Masiya le ye Uwonbɔr wan wee taa ga win a nunaŋ, uma ye kibininkpeeg kan yab jon kuwonaaŋ biɛn.

Hiibru Yaab 11:27

Yada bu Moziz nan nyan Ijibir, kaa san bijawaam ubɔr a ŋuul bu; u nan jɔɔ limɔril le, nan bu-n u nan kan Uwonbɔr wan wee baa ga-n le.

Hiibru Yaab 2:7

A nan ŋa u le ki che u jilima waar kaa foo malakam yaali; le a sei u jilima nin kupag a yuchigirig

1 Piita 5:11

Uma kpaan nin npɔɔn n-yonn yan kaa jɔɔ diɛmi. Ibamɔn.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.

1 Jɔnn 4:12

Uba kaa la nyi kan Uwonbɔr i; amaa ni ye ti jiɛ tab ke, Uwonbɔr li be nin ti, le U jiɛm n ŋa dede ti ban.

Juud 1:25

Ti sei Uwonbɔr wan be U binba wan ye ti feeru ki jɔɔ kupag, nin jilima, nin npɔɔn, nin tininkper a pɔɔm, ti Yudaau Yisa Masiya a yinlin, iyoo yan nan jon nin, nin daandaan nan nin iyoo yan kaa jɔɔ diɛm! Ibamɔn.

Tibɔkpiirkaan 15:3

le ki gaa Moziz a Wonbɔru a toontunnu nin Kipeebigin a lai-n: “A ŋaar ye tiŋaar gbingbem le nin ligaril, Uyudaan Uwonbɔr Npɔɔn biɛn daan. A sam ŋan le ki ye ibamɔn, Fin le ye iyaayoo a bɔru

Tibɔkpiirkaan 17:14

Bi na li to Kipeebigin bitɔb, amaa Kipeebigin na li nyaŋ bi, nan bu-n kipeebig nmɔn le ye biyudam a yudaau nin bibɔrtiib a bɔru, le ban na li be u ban ye ban wee u yin ki gann bi, wee bi ye yadadam ki nɔɔ win.”

Tibɔkpiirkaan 19:1

Ni bɔɔn bu le n gbir niba a mɔr, le ni nann ke kuninfogbaluŋ a kukɔlin ki nyan paab ki tann ke: “Ti don Uwonbɔr a yinl! Feegab nin kupag nin npɔɔn ye ti Wonbɔru yaan le,

Tibɔkpiirkaan 19:16

U wann yeewann nin u panl bu, le liyinl liba nan sɔb paa ke: BIBƆRTIIB BIƐN A BƆRU NIN BIYUDAM BIƐN A YUDAAU.

Tibɔkpiirkaan 19:6

Iyaayoo le n ji gbir nan nann kuninfogbaluŋ a fur, le ki nann nnyum puukaam a fur bee utaal kaah tann a fur ki len ke, “Ti don Uwonbɔr a yinl! Nan bu-n ti Yudaau Uwonbɔr wan ye Npɔɔn biɛn daan nin le ŋmag ti.

Tibɔkpiirkaan 7:12

ki ke: “Ibamɔn! Ndom nin kupag, nin nlamgɔrikaam nin kunɔɔpoog nin jilima nin npɔɔn nin ngbananpɔɔn ye ti Wonbɔru yaan le hali nin iyoo yan kaa jɔɔ diɛmi. Ibamɔn!”