1 Timoti 1:12 - UWONBƆR A GBƆNPƆŊ LIKƆƆNL

¹² N poor ti Yudaau Masiya, nin waah seim npɔɔn, ki ŋaam yada daan, ki taam ŋa u toon yin.

Uwumbɔr aagbaŋ

¹² M dooni Tidindaan Yesu Kristo u tii mi mpɔɔn ke m tun lituln ngbaan na la. U len ke m ye mbamɔndaan, ki lee mi ke m tun waatuln.

1 Timoti 1:12 ပူးပေါင်းရင်းမြစ်များ

Matiu 20:4

Le u bei bi ke, ‘Ni li chaa n kpaabin ki ta li kou, wee n yɔ ni nan kpaan ni.’

Jɔnn 5:23

ke bininfob biɛn li tenn Bija-n jilima ke baah tenn Baa-n jilima nan nin. Wan kaa sei Bija-n jilima ke waa sei Baa wan nan tun win, jilima.

Lituln 16:15

Taah nan fun u ma nin u niin yaab Uwonbɔr a nyunfulin, le u gɔɔ ti ke ti jo u niin. Le ki ke, “Ni ye ni sin nyi ke n ŋa ti Yudaau yada ke, ni li chaan ki nan be n niin.” Le u balin ti le ti jon.

Lituln 9:15

Amaa le Uyudaan bei u ke, “Fin li chaau, uma ye wan wee N gann u ke un mɔɔn N yinl ki bei ban kaa ye Juu yaab nin bi bɔrtiib nin Juu yaab.

Lituln 9:22

Le Sɔɔl a mɔɔni nmɔn nan mann ki kpiɛ nin Uwonbɔr a pɔɔm, le u bɔr nmɔn wɔɔn ke Yisa sin ye Masiya le, le Juu yaab ban be Damasiko nan a potiɛl nan ŋmarin.

1 Korenti 15:10

Amaa Uwonbɔr a nyunyunbasanl bu le n ye maah ye wan nan, le u nyunyunbasanl lan be n ni nmɔn kaa ye yɔli. Nan bu-n n tun ki jon itoon nin biɛn na, amaa naa ye min le tun ni Uwonbɔr nyunyunbasanl lan nan be n ban ni-n le tun.

1 Korenti 3:5

Nin ni ma biɛn nan a bɔɔn, ŋma ye Apolosi? Ke ŋma ye Pɔɔl aa? Ti le ye bitoontum le, ban wee Uyudaan nan ta itoon ki ŋa uninfo uba biɛn a nɔɔn wee ni ŋa yada-n.

1 Korenti 7:25

Daandaan nan, nim ban kaa la nyi bipiib nin ban kaa la nyi bijab nan man, Uyudaan kaa seim nsan ke n bei ni niba, amaa Uyudaan a nyunyunbasanl bu le n ji ni bɔr ke uninfobamɔn nin.

2 Korenti 4:1

Naah ye Uwonbɔr a nyunyunbasanl bu le u ta itoon nan ki ŋa ti nɔɔn ni, nibu che naa gbɔɔ ti gbanann ni.

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Filipi 2:11

le lilanbil biɛn na li pag npaan ni ke Yisa Masiya le ye Uyudaan, wee Uwonbɔr wan ye ti Baa n kan kupag.

Filipi 4:13

N li fir tun niwann biɛn Masiya kaah seim ngbananpɔɔn man nin bu.

Kolosiya 1:25

N nin kpann biwonjiɛm a laguŋin a toontunnu le, litoonl lan wee Uwonbɔr ta seimin, ke n ta U mɔleen yin biɛn ki sei ni,

1 Timoti 1:1

Min Pɔɔl wan wee Uwonbɔr ŋaam Masiya a toomin, wan ye ti feeru nin Masiya wan bu wee ti jɔɔ tama-n,

1 Timoti 1:11

ni niɛ nan le ye jilima a bɔŋann tan nyan tikaar a Wonbɔru ban, le u ta ŋa n nɔɔn ke n li mɔɔn na.

1 Timoti 1:2

N sɔb tenn Timoti wan ye n big bamɔŋ yada bu nle: Ti Baa Uwonbɔr nin ti Yudaau Masiya a linyunyunbasanl nin nposɔɔn li be a bu.

1 Timoti 6:13

Uwonbɔr a nintogil, wan tenn niwann biɛn limiɛfol nin Masiya, wan nan sir Pontiɛ Palati a nintogil ki ŋa siɛra ŋaŋ n bu, n kpaaniŋ le

2 Timoti 2:2

Ta tibɔr tan wee a gbir n pag kuninfogbaluŋ a numin nin, ki wɔɔn bininfob ban si nbamɔm wee ki mu ye ban li fir wɔɔn bi kpiɛtiibin.

2 Timoti 4:17

Amaa le Uyudaan sir n bɔɔn ki seim npɔɔn, wee min bu U bɔrin n fir mɔɔn nbamɔm wee ban kaa ye Juu yaabin ngbir ti. Le u nan nyam ugbegin a mɔn.

Taitus 1:4

N sɔb kugbɔŋ nan ki tenn fin Tatusi wan ye n big bamɔŋin, nin taah lagin ki jɔɔ yada kiba kan nin bu. Ti ba Uwonbɔr nin Masiya wan ye ti feeru win a nyunyunbasanl nin nposɔɔn li be niŋ.

Filemonn 1:9

amaa n baliŋ le njiɛm bu. Min Pɔɔl, wan ye uninkpel wee daandaan nan ki ye uloondiikɔɔr Yisa Masiya bu-n,