1 Tesalonika 5:6 - UWONBƆR A GBƆNPƆŊ LIKƆƆNL

⁶ Ni ma bu, ni laa che ti be ke bitab kaah be man ki dɔ jiɛn ni ni, amaa ni che ti li lig ki li chor ti bau.

Uwumbɔr aagbaŋ

⁶ Nima pu na, ti taa li geeni, ke biken aah geeni pu na. Cha ti li kii, ki chuu tibaa man.

1 Tesalonika 5:6 ပူးပေါင်းရင်းမြစ်များ

Matiu 13:25

Amaa le baah nan dɔɔn jiɛn kunyiɛg nan, le u dataam fii ki jon ki tan bun tinaniin ki ŋmarin idibool ŋan nin yaan, le ki fɔr.

Matiu 24:42

“Mambu, ni li nyi man, nan bu-n naa nyi lidaal lan wee ni Yudaau yin dan ni.

Matiu 25:13

“Mambu ni li guu ni ba man, nan bu-n naa nyi lidaal lan bee n-yonn man ni.

Matiu 25:5

Lipiichanil daan nin kaa nan foon weemi, le njiɛm nan choo bisapɔmin biɛn, le bi dɔɔn jiɛn.

Matiu 26:38

Le u bei bi ke, “Lisufubiil lan dan n bu nan yab le ki ban lin kum. Ni li be do ki li guu kpiɛg n buu.”

Tibɔnyaan ti Mak ŋmee ti na 13:37

Mambu, maah bei ni man nan, man le n bei uninfo biɛn, ni li guu man.”

Tibɔnyaan ti Luk ŋmee ti na 12:37

Bitoontum ban wee bi yudaau li foon ki miin bi guu u kunim nan npopeen ye bi yaan le. N bei ni ibamɔn le, u li ŋa sili ni itoon, ki che u toontum nmɔn kal le un yuur tijiir ki nan sei bi, le bin ji.

Tibɔnyaan ti Luk ŋmee ti na 12:39

Amaa ni biɛm ni nan man: Ni ye u niin daan nyi n-yonn man wee unaayig li kɔɔn ki nan su u ke, waa yin chee un kɔɔ; u yin guu le.

Tibɔnyaan ti Luk ŋmee ti na 21:36

Ni li guu nbamɔma, ki sin li miɛ Uwonbɔr wee ni fir guun ŋmar nan biɛn yin ŋa nan, wee ni nan fir ki sir uninfosaal a bija-n a nintogil.”

Tibɔnyaan ti Luk ŋmee ti na 22:46

Le u baan bi ke, “Ba ŋa wee ni dɔ jiɛn naa? Ni fiim ki miɛ Uwonbɔr wee ki laa nan kɔɔ libiginl nan yaan ni.”

Lituln 20:31

Ni bu, ni li guu ni ba! Ki li tiɛr ke ibin itaa sɔ le n le kpaan ni biɛn nan nin tinyinyinn, nween nin kunyiɛg.

1 Korenti 15:34

Ni che ni lam njirin, wee ni li be ke naah bi ye ni li be man ni, wee ki laa ji tun tibiri; nim bibam kaa nyi Uwonbɔr i. N len man le ke n jin ni ifa.

1 Korenti 16:13

Ni li guu niba man, ki che ni yada li pɔɔu, ki li ye bininfob ban jɔɔ lipoobil nin npɔɔn.

Efesusi 2:3

Ti biɛn nan be nsiim a biim nin tibirin nmɔn yaan le, ki tun ti tɔɔl a gbanann a kɔlisa a toon, ki tun nan mɔ ki sei ti gbanann a bam nin ti sufu. A li ke bi ma-n, ti nan ye ban li ji Uwonbɔr a ŋuufiiŋin a fala le.

Efesusi 5:14

nwonween le wonn niwann biɛn bu le ti ga. Mambu le ni sɔb Uwonbɔr a gbɔŋin ke, “Fin wan dɔ jiɛn nan, ligira, fii nkumin na, wee Masiya a wonweem nwonn a bu.”

Efesusi 6:18

Ni li miɛ Uwonbɔr Kinaaŋin ki li miɛ U nan yaan biɛn wee ni be nin liwonmiɛl lan a booli biɛn wee ni ban. Ki che ni niɛ nan li be ni sufu ni, ni li guu ni ba wee ki li miɛ ki tenn Uwonbɔr a ninfogannkaabin biɛn na.

Filipi 4:5

Ni ta ni binbenŋamin ki che ni li ye siɛra ki sei bininfob biɛn na. Ke Uyudaan malin na.

Kolosiya 4:2

Ni li ta ni ba ki sei liwonmiɛl, ki li guu ni ba ki tenn Uwonbɔr kunɔɔpooga.

1 Tesalonika 4:13

N nabum, taa ban ni li be ki laa nyi ban dɔɔn jiɛn nin bu, bee ki jɔɔ npoobiin ke bininfob ban gur kaa jɔɔ tama-n kaah be man nni.

1 Tesalonika 5:10

U kpo tim bu le, a lig le bee a jiɛn le ke ni, ti na li lagin ki be nin U.

1 Tesalonika 5:8

Amaa tim kaah ye nweehn a ninfobin, ni che ti li chor ti bau, ki li jɔɔ yada nin njiɛm man li guu ti gbanann, ki li jɔɔ nŋmarim a tama man wee ti li ta chig ti yul bu ke kijabig.

1 Timoti 2:15

Amaa bipiib li kan feegab, nin baah le maa nbuwaab nan biɛn na, ni ye bi le la si bi yada bu ki jɔɔ njiɛm nin kasi a binbem ke.

1 Timoti 2:9

N mu ji ban bipiib n yee tiwann yɔɔr tan ŋan ki nɔɔn bi le, tan kaa jɔɔ igalin, bee ifa a yukper loli, bee salima bee nlanbim bee tiwann yɔɔr tan jɔɔ kudaapɔɔrugi,

1 Timoti 3:11

Ni ye man le ki sei bititerib nmɔn a piib mu, bi li ye ban jɔɔ jilima, ki laa ye bibɔɔnsubi, amaa wee ki laa ye ban jɔɔ kiŋuufiiŋi ki li be soon ki ye ban wee bininfob ŋa bi yada.

1 Timoti 3:2

Ni ma bu naa kpaan nin uwonjiɛn sanliir li jɔɔ igalin ni. Ni kpaan u li jɔɔ upii uba le kpeŋileŋ, ki laa jɔɔ kiŋuufiiŋi ki ye wan li fir ŋmag uba nbamɔm, ki li ye wan wee bininfob tenn u jilima, ki li ye wan gaan bicham, ki li ye wan li fir wɔɔnn,

2 Timoti 4:5

Amaa fin ma, li ŋmag a ba n-yonn biɛn, ki li pɔɔn a ba a fala a jimin; ki wɔɔn bininfob tibɔŋann nan, ki li tun litoonl lan wee Uwonbɔr ta seiŋin biɛn na.

Taitus 2:12

U nyunyunbasanl nmɔn wɔɔn ti ke ti yiim nan kaa ye nwonjiɛn binben nin dulinya nan a kɔlisa birug biɛn, wee ki li chor ti ba ki li ye ban jɔɔ lasaab, ki li jɔɔ nwonjiɛn binben n-yonn man wee ti be nan yaan.

Taitus 2:6

Man mu jigin, pɔɔg binaachipɔm mu a gbanann wee bi li chor bi ba.

1 Piita 1:13

Mambu, ni ŋaam ni potiɛl sili ki tun itoon; ni choom niba; ki ta ni tama biɛn ki ŋa linyunyunbasanl lan wee bi na li sei nin, n-yonn man wee Yisa Masiya na yin kpiirin nin.

1 Piita 4:7

Tiwann biɛn a diɛm mala. Mambu ni che ni potiɛri li ween na wee ki li chor ni ba wee ni li fir miɛ Uwonbɔr.

1 Piita 5:8

Ni choom niba ki li nyi niba bu. Ni dataag ulinlaril le choon le jin ke ugbegin wan ŋuun ki ban uninfo un choo niɛ-n.

Tibɔkpiirkaan 16:15

“Lig! N li dan ke unaayigin! Tikaar be wan kaa dɔɔ jiɛn, wee ki ŋmag u wann yeewann, wee u laa nan choon gaan wee u yul nkpo.”

Tibɔkpiirkaan 3:2

Ni fii paaba! Wee ki pɔɔg nan gur ki ban nin kpe-n, nan bu-n maa kan ni ŋaar tan ŋan ki gbee Uwonbɔr a numi.