1 Tesalonika 5:13 - UWONBƆR A GBƆNPƆŊ LIKƆƆNL

¹³ Ni li tenn bi jilima takpema, ki li jɔɔ njiɛm nin bi toon yin bu. Ni li be nin nposɔɔn nin taba.

Uwumbɔr aagbaŋ

¹³ Ni li pak bi mbamɔm, ki li gee bi baatuln pu. Ni mɔmɔk li kpaan kimɔbaan man.

1 Tesalonika 5:13 ပူးပေါင်းရင်းမြစ်များ

Matiu 10:40

“Wan gaa ni kuchɔŋ ke, u yaa daan gaa min le, wan mu gaa min kuchɔŋ ke u gaa n Baa Uwonbɔr wan tum min le.

Tibɔnyaan ti Mak ŋmee ti na 9:50

“N-yaam mɔ; amaa n-yaam a mɔm nan sagir ke, a yin ŋa nii wee min ji mɔŋaa? Ni che ni binbem le be ke n-yaamin, wee nmɔn li be nim nin ni tab a sisiigin.”

Jɔnn 15:17

N siim sɔ: Ni li jiɛ taba.

2 Korenti 13:11

Ni joorimin n nabum, n chabir ni le, ni li ban nbinben ŋan na, ni gbirim maah len nan nan, ni li jɔɔ lipotiɛl libau, ki li be nin nposɔɔn, le Uwonbɔr wan jɔɔ njiɛm nin nposɔɔni li be nin ni.

Galantiya 4:14

Hali nin n wiɛn nmɔn kaah nan mugir ni nan biɛn na, amaa naa nan yim yɔli bee ki yii mi, ni gaam le ke Uwonbɔr a malaka-n, ki ji gaam ke Masiya baantɔɔlin.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Galantiya 6:6

Bininfob ban gaa Uwonbɔr a bɔŋann nin a wɔɔmin, ni kpaa le nin bin por baah jɔɔ niwann ŋann nan biɛn ki sei wan wɔɔnn bi.

Efesusi 4:3

Ni pɔɔn niba ki li ŋmag Kinaaŋ a mɔkpaamin nin nposɔɔn.

Kolosiya 3:15

Ni che Masiya a posɔɔmin li ŋmag ni sufu, ke naah ye tigbanann tiba a ninfob wee u yin nposɔɔn ni. Ni li tenn Uwonbɔr kunɔɔpooga.

1 Tesalonika 5:14

Ti balin ni le, n nabum, ni kpaan ban ye bigbanyagdamin na, ki pɔɔg ban san bijawaamin a sufuu, ki ter ban a yada kaa pɔɔ-n, ki li jɔɔ limɔril nin uninfo biɛn na.

2 Tesalonika 3:16

Uyudaan wan ye nposɔɔndaan baan tɔɔl n sei ni nposɔɔn isaŋ biɛn nin niwann biɛn nin. Uyudaan li be nin ni biɛn.

2 Timoti 2:22

Guun nya kuninfopɔŋ a kɔlisa birug n-yaan na, ki li jɔɔ nbuchin binben na, nin njiɛm, nin limɔril nin nposɔɔn, amaa wee ki li lig fin nin ban a sufu ween wee bi yi ti Yudaau ki ban literilin.

Hiibru Yaab 12:14

Ni pɔɔn niba ki li jɔɔ nposɔɔn nin bininfob biɛn wee ki li be kasi; naa jɔɔ kasi a binbem ke uba kaa li fir kan Uyudaan ni.

Jemisi 3:18

Ban jɔɔ limɔril ki bu tibur nin nposɔɔn nin, bi na li chiɛ nin tibuchinn.