1 Tesalonika 5:12 - UWONBƆR A GBƆNPƆŊ LIKƆƆNL

¹² N nabum, ti balin ni le, ni li tenn ban pɔɔn biba ni sisiigin ki ye ni sanliib Uyudaan a samin ki wɔɔn ni nwonjiɛn binben nin jilimau.

Uwumbɔr aagbaŋ

¹² Tinaabitiib, ti gaŋ nimi, ke ni li pak nimi aaninkpiib bi tun Tidindaan aatuln nikaasisik ni, ki sur nimi waasan ni na.

1 Tesalonika 5:12 ပူးပေါင်းရင်းမြစ်များ

Tibɔnyaan ti Luk ŋmee ti na 10:7

Ni kɔɔ iniin nmɔn ke, ni li ji ki nyu nan biɛn wee bi li sei na. U toontunn ŋan nin un gaa u yɔr. Ni laa lɔɔl iniin ki dɔɔ.

Jɔnn 4:38

N tuŋ a tan chiɛ idi yan wee ŋaa kon a baantɔɔl le. Biba li nan tun itoon pɔɔr, le fin nan jin bi tuntoŋin a nyɔɔr.”

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Lituln 20:35

Maah tun man nmɔn n wɔɔn ni le ke see ke ti tun takpem wee ki ter bilanjiim, ni li tiɛr Uyudaan Yisa kaah nan len ke: ‘Tikaar be wan pu bu ki jon wan gaan na.’ ”

Rom Yaab 16:12

Poor Tirafena nin Tirafosa, bipiib ban tun itoon nin linunmanl ki sei Uyudaan nin na. Poor n jɔ kpaarimɔɔn Perisi, upii wan mu ji nan tun itoon nin linunmanl ki sei Uyudaan nin na.

Rom Yaab 16:6

Poor Meri wan nan tun itoon takpem ki ter ni-n.

1 Korenti 12:28

Biwonjiɛmin, Uwonbɔr nan gann itoon le chinchinn, le ki paan bilinlem, ban kpiɛ mitaa le u gann ban wɔɔnn, le ki nin paan ban tun ligaril a toon, le ki ji paan ban jɔɔ kutebug a piini, nin ban li fir ter bitab, le ki gann bitoontum sanliib, nin ban pag ileen pɔɔn a booli.

1 Korenti 15:10

Amaa Uwonbɔr a nyunyunbasanl bu le n ye maah ye wan nan, le u nyunyunbasanl lan be n ni nmɔn kaa ye yɔli. Nan bu-n n tun ki jon itoon nin biɛn na, amaa naa ye min le tun ni Uwonbɔr nyunyunbasanl lan nan be n ban ni-n le tun.

1 Korenti 16:16

ni chee sei bininfob nmɔn a bosuu, nin bi toontunn nunman damin.

1 Korenti 16:18

Bi pɔɔg min nin nim a sufuu. Man a ninfob kpaan nin ni gaa ba.

1 Korenti 3:9

Tim le ye Uwonbɔr a toon tun tab; nim le ye Uwonbɔr a kpaab ki ji ye Uwonbɔr a diig.

2 Korenti 11:23

Bi ye Masiya a toontum lee? (N nann uwaar le maah pag man nin nbu.) Min jon ba, ki kɔɔ tiloondirin ke naa jɔɔ tarigi, le bi boom inaanbaan te-n, le n kan kininbɔŋ kan mal nkum jigin.

2 Korenti 5:9

Nibu, ti num man le nin ti penn u sufu, taah be tigbanann a niin nan yaan, bee taah kaa be ti yaan ni.

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

Galantiya 4:11

N san ni bijawaam le, maah tun nan ki jiin ni paamin nan gab yɔli bu.

Filipi 2:16

ke naah ta limiɛfol a bɔr wɔɔn bi man nin, naah li ŋa man wee n li fir fa ligbingbanl Masiya a jirin daal ke n taguunl nin n baginn kaa gab yɔli.

Filipi 2:19

N jɔɔ tama ke ni ye Uyudaan Yisa chee ke n li tun Timoti wee un dan ni ban weem, n mu bi li kan ngbananpɔɔn ni ye n gbir ni bu ke.

Kolosiya 1:29

Ni niɛ nan bu le n tun ki gbaar nin u pɔɔm biɛn man pɔɔ lagir ki be nni ki tun nin.

1 Tesalonika 2:9

Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

1 Tesalonika 4:1

N nabum, ni joorimin, ti wɔɔn ni na li ŋa man wee ni binbem li gbeeg Uwonbɔr a num, ke naah pii be man nin. Daandaan nan ti balin ni le ki bei ni ke ni le li gbaa be man na Uyudaan Yisa a yinlin.

1 Tesalonika 5:14

Ti balin ni le, n nabum, ni kpaan ban ye bigbanyagdamin na, ki pɔɔg ban san bijawaamin a sufuu, ki ter ban a yada kaa pɔɔ-n, ki li jɔɔ limɔril nin uninfo biɛn na.

1 Timoti 5:1

Laa fuun wan joŋ bu, amaa pag u nin nniɛn diin ke a baa-n. Li ŋmag nnachipɔnbum ke a na bumin,

1 Timoti 5:20

Ban tun tibir ke, a fuun bi bu kubabugin na, wee ban gurin n kan ikpaan.

2 Timoti 2:6

Ukpaar wan a num man le ye wan yin chinn kan u tol tikpajiirin.

Taitus 1:3

le iyoo kaah nan nan foo-n le u nyan tibɔr nmɔn nween ni ke Uma Uwonbɔr wan ye ti feeru win kaah wɔɔnim ke n mɔɔn ti man nin,

Taitus 1:5

Nan bu wee n nan jiɛn niŋ Kereti a tiŋin nin nan ye nan le, n nan ban a gbaar itoon yan nan gur kaa diɛ n le ki sin gann bininkpeeb ntim biɛn nin ke maah nan wɔɔniŋ man nin.

Taitus 2:15

Ni niɛ nan le ye nan wee a li wɔɔn bi. Ki li jɔɔ npɔɔn man wee bi ta seiŋin biɛn ki pɔɔg bi gbanann ki li kpaan bi. Ki laa che uba nlig ziɛŋi.

Hiibru Yaab 13:17

Ni li jɔɔ limɔcheel nin ni sanliib wee ki chee sei bi ninkper a pɔɔma. Bi baga be nin ni, ki ye bininfob ban na li wɔɔn baah tun nan. Ni chee sei ba wee bi toon li ye nmɔn, ki laa ye litugili, naa ye man ke naa na yin ŋan sei ni.

Hiibru Yaab 13:7

Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.

Tibɔkpiirkaan 1:20

Ŋaah kan iŋmabil ilile yan n nɔɔjiim paamin nin salima a filaam a tutɔɔnbol ilile liwoolin nin a taai ye nan le: Iŋmabil ilile-n ye biwonjiɛm a laginn tilile-n a malakam le, le salima a filaam a tutɔɔnbol ilile-n mu ye biwonjiɛm a laginn tilile-n.

Tibɔkpiirkaan 2:12

Ki ji ke “Sɔb ki sei Pagamum a wonjiɛm a malaka ke: Wan jɔɔ takoobi kaaŋ imɔɔŋ ilee-n a mɔleen sɔ.

Tibɔkpiirkaan 2:18

Ki ji ke “Sɔb sei Tayatira yaab a wonjiɛm a malaka ke: Uwonbɔr a bija wan a numbili nann nŋmipeen wee u taafar nyagin ke kukurug kan nyagin nin a mɔleen sɔ.

Tibɔkpiirkaan 2:3

Ni jɔɔ limɔril le ki jin fala n yinl bu, amaa le naa bagi.

Tibɔkpiirkaan 2:8

Le u ji ke “Sɔb sei Simarina a wonjiɛm a malaka ke: Wan ye Npiinim nin Njoorim, wan nan kpo wee ki ji fii nkumin nin a mɔleen sɔ.

Tibɔkpiirkaan 3:1

Ki ji ke, “Sɔb sei Sadisi yaab a wonjiɛm a lagim a malaka ke: Wan ŋmag Uwonbɔr a naam milile nin iŋmabil ilile-n a mɔleen sɔ. N nyi ni ŋaar kaah ye man; bininfob nyi ke ni fo le amaa ni kpou.

Tibɔkpiirkaan 3:14

Le ki ji ke, “Sɔb ki sei Laodisiya a wonjiɛm a malaka ke: Wan a yinl ye Ibamɔn nin, nin ibamɔn a yada a siɛradaan wee ki ŋmag nan biɛn wee Uwonbɔr naan nin a mɔleen sɔ.

Tibɔkpiirkaan 3:7

Ki ji ke, “Sɔb sei Filadelifiya a wonjiɛm a laguŋ a malaka: Wan be kasi ki ye ubamɔndaan ki ŋmag Defid a naanganl a piimin a mɔleen sɔ. U loor nan ke uba kaa li fir loon ni, le nan mu wee u loon ke uba kaa be ki li fir loor ni.