1 Tesalonika 4:6 - UWONBƆR A GBƆNPƆŊ LIKƆƆNL

⁶ ni ma bu tibɔr nan yaan uba laa tun ki bii u kpiɛg bee ki ji u kpiɛg dulimi. Uyudaan li dar bininfosaalib ban biɛn tun tibir nan a booli a tul, ke taah pii chinn bei ni ki kpaan ni man nin.

Uwumbɔr aagbaŋ

⁶ Uja ubaa taa li ban una aabo aapuu ki tun titunwanbir timina. Ti nan tuk nimi ki sur nimi mbamɔm ke Tidindaan dar binib aatafal titunwanbir ngbaan mɔmɔk pu.

1 Tesalonika 4:6 ပူးပေါင်းရင်းမြစ်များ

Tibɔnyaan ti Mak ŋmee ti na 10:19

A pii nyi Uwonbɔr a siim kaah wɔɔn man, ‘Laa ku uninfo; laa tun iwanchɔgin toon ni, laa su, laa ji tibɔkar a siɛra ki bii a kpiɛgi; laa ŋal bininfobi, ki li tenn a baa nin a na jilimau.’”

Tibɔnyaan ti Luk ŋmee ti na 12:5

Amaa n li wɔɔn ni naah li san wan. Ni li san Uwonbɔr man, wan li fir ku tigbanann, ki ji jɔɔ npɔɔn man li fir ta ŋa nŋmi man kaa jɔɔ njunim nan yaan. Ibamɔn le n bei ni nan, ni li san waah man.

Tibɔnyaan ti Luk ŋmee ti na 16:28

nan bu-n n jɔɔ watiib biŋmu le. Che un tan kpaan ba wee bi mu laa nan dan nan yaan wee n be ki ji fala nan ni.’

Rom Yaab 1:18

Uwonbɔr a ŋuufiiŋ nyan papaab ki kpiir ban kaa jɔɔ Uwonbɔr nin bipootondam buu, ban jɔɔ bipootom ki deginn ibamɔn nin bu-n,

Rom Yaab 12:19

Ni laa ta tibir ki yɔ tibiri, n jɔtiib, amaa ŋa npaan sei Uwonbɔr a ŋuufiiŋin, ni sɔb Uwonbɔr a gbɔŋin ke: “Ni ye min le n jiin; min le yin yɔ bi,” Uyudaan le len man.

Rom Yaab 13:4

Ni ma bu u ye Uwonbɔr a toontunnu wan li tun nan ŋan le ki sei ni. Amaa ni ye a tun nan kaa ŋan ke, a li san bijawaama, nan bu-n waa ŋmag takoobi yɔli. U ye Uwonbɔr a toontunnu le, wan wee U ta u siin U ŋuufiiŋin yaan ke un dar wan tun titoonbir a tul.

2 Korenti 7:11

Ni lig biwonjiɛm a poobiim nan kaah tun nan ni ni: Ni che ni jɔɔ inunman, ki kɔn ni bamɔn bu, le ni ŋuui fii, ki san bijawaam, ki ban ni kam le ki ta ni ba sei, nin naah ŋa sili ki ban ibamɔn ngann man, naah tun man nmɔn, ni sin wɔɔn ke naa jɔɔ niba a galin tibɔr nmɔn yaan ni.

Galantiya 5:21

nin linunchɔril, lidanyugbeel, nin lidanyugbeel a toonbir, nin ban tun man a booli. N bei ni le ke maah pii nan bei ni man nin, ban tun man nmɔn kaa na li kɔɔ Uwonbɔr a naamin ni.

Efesusi 4:17

Ni niɛ nan le n bei ni, Uyudaan bu le n si maah pag n bɔr tan nan bu, ki ke ni laa ji be ke ban kaa ye Juu yaabin kaah be man nin ni, wee bi potiɛl kaa jɔɔ nyɔɔrin ni.

Efesusi 4:28

Wan nan ti su ke, ni kpaa talar le un jiɛn nnaayigim, amaa wee ki li tun na, ki ta u tɔɔl a nɔɔi ki li ŋaan nan ŋan na, wee ki li fir kan niba ki por sei bilanjiim.

Efesusi 5:6

Ni laa che uba n ta tibɔyɔɔr nan ki lar ni, ni ma che Uwonbɔr a ŋuul fii ban kaa jɔɔ limɔcheelin bu.

1 Tesalonika 2:11

Ni nyi ke ti le ŋmag nim le ke baa kaah ŋmag u baan tɔɔl a buwaab man nin,

2 Tesalonika 1:8

U li dar ban kaa nyi Uwonbɔr a tuli nin ban kaa ŋa ti Yudaau Yisa a bɔŋann nin yada-n.

Hiibru Yaab 13:4

Lipiikɔɔnl nin lijakunl ye ti biɛn li tenn li jilima le, lipiikɔɔnl nin lijakunl a didɔɔbol ye ni li be kasi le, nan bu-n Uwonbɔr na li ji ban tun iwanchɔgin toon nin tibɔr bipiib banlin nin bija banlin.

Hiibru Yaab 2:6

Amaa uba mu nan jin siɛra Uwonbɔr a gbɔŋin ke: “Uninfo ye baa wee a potiɛl be u ni, Uninfosaal a bija wan wee a baga be u ni-n naa?

Jemisi 2:6

Amaa le nim sug faladam. Naa ye biwandamin le jɔɔ ni ki mugir ki chor ni chaa tibɔr a jim a dirin ni naa?

Jemisi 5:4

Lig! Ni jin bitoontum ban tun ni kpaan nin dulima, kaa yɔn bi. Le bi mɔr, bidichiɛb nmɔn a mɔr kɔɔ Liwonbɔr Gbingbemil a tuli yin na.