1 Tesalonika 4:5 - UWONBƆR A GBƆNPƆŊ LIKƆƆNL

⁵ ki laa jɔɔ nmɔsanyunsɔɔm ke ban kaa ye Juu yaab wee kaa nyi Uwonbɔr n kaah be man n ni;

Uwumbɔr aagbaŋ

⁵ Ubaa taa cha bipiib aakpeek li bi u ni, ke binib bi kaa nyi Uwumbɔr na aah bi pu na.

1 Tesalonika 4:5 ပူးပေါင်းရင်းမြစ်များ

Matiu 6:32

Ban kaa ye Juu yaab n ti mugir bi potiɛl ni niɛ nan biɛn bu le; amaa ni Baa Uwonbɔr wan be paab nan pii nyi ke ni ban ni niɛ biɛn.

Tibɔnyaan ti Luk ŋmee ti na 12:30

nan bu-n, ban kaa jɔɔ Ween gu nɔɔ tiwann nan le, amaa nim ma, ni Baa Uwonbɔr pii nyi ke ni ban tiwann nan le.

Lituln 17:23

Nan bu-n maah gɔnn ni tiŋ nan, n dibir tiwann tan wee ni jiɛn nin le nbamɔm, hali ki nan kan libinbinl liba le ni sɔb libu ke, libinbinl nan si “NWEEN MAN WEE TAA NYI” nan a taalin le. Daandaan nan n ban n wɔɔn ni nween man wee ni jiɛn wee kaa sin nyi Win yaa bɔr le.

Rom Yaab 1:24

Mambu che Uwonbɔr nyan U num le ki jiɛn bi le bi tun bi sufu a bam a toon, yan ye lipiibanl bee lijabanl lan kaa be kasi ki ye ifa a wan ki tenn tab bi tɔɔl a gbanann nin.

Rom Yaab 1:26

Ni niɛ nan bu, Uwonbɔr nyan U num ki jiɛn bi per bi fai a kɔlisa nmɔn. Hali gbaa bi yaa piib kpenn le ki dɔɔ nin bi piitab ki jiɛn bijab.

Rom Yaab 1:28

Nan kpiɛ, baah yii kaa ban bi li nyi Uwonbɔr a bamɔn yin bu le U nyan U num ki jiɛn bi per bi potiɛkpiinn nin, le bi tun nan kaa kpaan nin bin tun ni.

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

1 Korenti 15:34

Ni che ni lam njirin, wee ni li be ke naah bi ye ni li be man ni, wee ki laa ji tun tibiri; nim bibam kaa nyi Uwonbɔr i. N len man le ke n jin ni ifa.

Galantiya 4:8

N-yonn man nan jon wee naa la nan nyi Uwonbɔr nan, ni nan ye biyom le ki sei Uwonbɔr kaah naan tiwann tan kaa ye iween nin.

Efesusi 2:12

Ni li tiɛr ke iyaayoo nmɔn ni nan bɔgir nin Yisa u, baa nan kaan ni kpiɛg Uwonbɔr a ninfogannkaabin ni, ni nan ye bicham le, kaa ji kpiɛ limɔsiinl a poorin yaan ni, kaa jɔɔ tama, kaa jɔɔ Uwonbɔr dulinya nan yaan ni.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

2 Tesalonika 1:8

U li dar ban kaa nyi Uwonbɔr a tuli nin ban kaa ŋa ti Yudaau Yisa a bɔŋann nin yada-n.

1 Piita 4:3

Nan bu-n ni nan jin isaŋ takpem le iyoo yan nan jon nin ki tun nan wee ban kaa ye biwonjiɛmin gann ki tun. Bi nan tun nan ye nwanchɔgin toon, nin kɔlisabirug, nin lidanyugbeel, nin lidanyugbeel a toonbir, ki lagin tab ki nyu ndaam gbeeg, ki mann ibawol.