1 Tesalonika 4:4 - UWONBƆR A GBƆNPƆŊ LIKƆƆNL

⁴ ke ni biɛn n tinn ki biɛ naah li ŋa man ki fir ŋmag ni baan tɔɔl a gbanann kasi nin jilima a binbemin,

Uwumbɔr aagbaŋ

⁴ Ni ŋan ke ni mɔmɔk bee naah ga ŋa pu ki li joo tiwon mbamɔm aan ti li bi chain, ki tun lituln li ŋan na.

1 Tesalonika 4:4 ပူးပေါင်းရင်းမြစ်များ

Lituln 9:15

Amaa le Uyudaan bei u ke, “Fin li chaau, uma ye wan wee N gann u ke un mɔɔn N yinl ki bei ban kaa ye Juu yaab nin bi bɔrtiib nin Juu yaab.

Rom Yaab 1:24

Mambu che Uwonbɔr nyan U num le ki jiɛn bi le bi tun bi sufu a bam a toon, yan ye lipiibanl bee lijabanl lan kaa be kasi ki ye ifa a wan ki tenn tab bi tɔɔl a gbanann nin.

Rom Yaab 12:1

Mambu, n balin ni le n nabum, Uwonbɔr a nyunyunbasanl bu, ni ta ni gbanann ki ŋa liwanfol a manug, kan be kasi ki gbee Uwonbɔr a num, ni ma ye liwonjiɛnl a toonl kinaaŋin.

Rom Yaab 6:19

N ta bininfosaalib a binbem le ki pag nan bu-n ni tɔɔl a won naaŋin ni jɔɔ idaburig le. A li ke naah nan jɔɔ ni gbanann a bɔgi ki ŋaan tijaginn a toon a yomirin, nin npooton man mann kpiɛgin, daandaan nan ni ta ni gbanann ki ŋa nbuchin binben a yomirin na wee ki li be kasi.

1 Korenti 6:15

Naa nyi ke ni gbanann tug nin Masiya a gbanann lee? Ke n ta Masiya a gbanann nmɔn ki lagin nin wan tun iwanjaab toon naa? Naa li firi.

1 Korenti 7:2

Amaa iwanjaab toon kaah yab nbu, ni ŋan nin uja biɛn li jɔɔ u poo, le upii biɛn mu li jɔɔ u chal.

1 Korenti 7:9

Amaa ni ye baa li fir choo biba ke, ni ŋan nin bin kɔɔn bipiib bee bin kun bijab, nin bi li jɔɔ nmɔsanyunsɔɔm wee bi sufu gaan nŋmi.

2 Korenti 4:7

Amaa ti jɔɔ njɔɔm man be tiyɔgir a binboli yin, le ni wɔɔn ke npɔɔn man jon niwann biɛn nyan Uwonbɔr ban le, amaa naa ye tim ban ni.

Filipi 4:8

Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.

Hiibru Yaab 13:4

Lipiikɔɔnl nin lijakunl ye ti biɛn li tenn li jilima le, lipiikɔɔnl nin lijakunl a didɔɔbol ye ni li be kasi le, nan bu-n Uwonbɔr na li ji ban tun iwanchɔgin toon nin tibɔr bipiib banlin nin bija banlin.

1 Piita 3:7

Nim bipiidam, man mu le ye ni, ni mu li cheel tenn ni piiba, ki li nyi ke bi ye bilanjiim le ni ban, ki li tenn bi jilima ke nim nin bi ma biɛn na li gaa Uwonbɔr a piinŋan yan ye limiɛfolin, wee niba laa li fir legin ni wonmiɛli.