1 Tesalonika 4:3 - UWONBƆR A GBƆNPƆŊ LIKƆƆNL

³ Ni ye Uwonbɔr a bam le ke ni li be kasi wee ki nyan ni ba iwanchɔgin toon nin ni jabanlin bee ni piibanlin;

Uwumbɔr aagbaŋ

³ Uwumbɔr aageehn le ye ke ni li bi chain, ki taa gɔr kidagook.

1 Tesalonika 4:3 ပူးပေါင်းရင်းမြစ်များ

Matiu 12:50

Nan bu-n wan tun n Baa wan be paab nan a bam ke, u ma ye n waal nin n ninsa nin n na.”

Matiu 15:19

Uninfo a sufu ni le tipotiɛbir, nin lininfokul, nin iwanchɔgin toon, nin lipiibanl nin lijabanl, nin nnaayigim, nin tibɔkar a siɛra, nin kutingbiig nya.

Matiu 5:32

Amaa N bei ni le ke wan biɛn yii u poo wee naa ye u tun iwanchɔgin toon le ke, u ma che u tun iwanchɔgin toon, ni ye wan kɔɔn upii nmɔn ke u tɔɔl tun iwanchɔgin toon na.

Matiu 7:21

“Naa ye ban biɛn beim ke, ‘Uyudaan, Uyudaan,’ li na li kɔɔ paab a naamin ni, amaa wan chee ki tun n Baa wan be paab a bamin.

Tibɔnyaan ti Mak ŋmee ti na 3:35

Wan biɛn tun Uwonbɔr a bamin, u ma ye n kpel nin n waal nin n ninsa nin n na.”

Jɔnn 4:34

Le Yisa len ke, “N yaa jiir ye n tun wan nan tunim kaah ban man le ki sin diɛ itoon yan wee u seim ke n tun nin.

Jɔnn 7:17

Ni ye wan gann ke un tun Uwonbɔr a bam ke, u li biɛ ke n wɔɔnimin nya Uwonbɔr ban le bee ni ye n tɔɔl a biɛm lee.

Lituln 15:20

Amaa ti li sɔb kugbɔŋ le ki sei bi, ki bei bi wee bi laa ji ibawol a jiiri, ki laa tun iwanchɔgin toon lipiibanlin bee lijabanlin ni, ki laa ŋma kuwankobug kan wee bi ŋmaan ŋmaan ki ku a nann ni, ki laa ji nchami.

Lituln 15:29

Ni laa ji tijiir tan wee bi ta mann ibawoli, ni laa ji nchami, ni laa ŋma kuwankobug kan wee bi ŋmaan ŋmaan ku a nann ni, wee ki laa tun iwanjaab toon lipiibanlin bee lijabanlin ni. Ni pɔɔn niba wee ki nya ni niɛ nan yaan na. Ni laan paara.

Lituln 20:32

“Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Rom Yaab 1:29

Bi sufu gbee nin npooton a booli le, nin titoonbir nin kujaŋuuŋ nin nan kaa jɔɔ bu. Bi gbee nin linunchɔril le, nin lininfo kul, ki kɔnn nin tab, ki lar tab, ki nan tab. Bi ye bi bɔɔn sub le,

Rom Yaab 12:2

Ni laa chee sei dulinya nan yaab a binbem jigin ni, amaa ni mann pɔŋ ni potiɛla wee ni binbemin kpenn. Ni ma le ni li fir mag ki chee Uwonbɔr a bam kaah ye man. U bam man ŋan ki jɔɔ linungbeel ki be chasi-n.

Rom Yaab 6:22

Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

1 Korenti 1:30

U ma Uwonbɔr bu le nim be nin Masiya, le u tenn ti U tɔɔl a lam. U ma ŋa ti bibuchim, ki ŋa ti kasi, le ki sei ti nkpenim a manug.

1 Korenti 7:2

Amaa iwanjaab toon kaah yab nbu, ni ŋan nin uja biɛn li jɔɔ u poo, le upii biɛn mu li jɔɔ u chal.

2 Korenti 12:21

N san bijawaam le ni ye n ji jirin ni ban ke Uwonbɔr li seim jiininba ni nintogil, n na li jɔɔ lisufubiil nin ban tun tibir wee kaa la kpenn bi binbemin ki nyan tijaginn nin iwanjaab toon nin nwanchɔgin binben, ni ma nin ye bi tooi.

Galantiya 5:19

Tigbanann a binbem be npaan ni le, ni ma ye: Iwanchɔgin toon lipiibanlin bee lijabanlin, tijaginn a toon, nwanchɔgin binben,

Efesusi 5:17

Mambu ni laa be ijɔrig a binbemi, amaa ni biɛm Uyudaan a bam kaah ye man.

Efesusi 6:6

Ni laa jɔɔ limɔcheel ki tenn bi ke bi num ngbee ni n-yonn man wee bi be ni ban ni, amaa ni li jɔɔ limɔcheel nan li gbee Uwonbɔr a num nin ni sufu biɛn naah ye Masiya a yomin bu.

Kolosiya 1:9

Ni niɛ nan bu, lidaal lan wee ti gbir ni bu-n, taa ta Uwonbɔr a miɛm ni bu ki jiɛn ni, le ki le miɛ Uwonbɔr ke Un gbeen ni nnyinyin man ye u bam ki sei ni kinaaŋ a lam nin nbiɛm.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

1 Tesalonika 4:2

Ni nyi nwɔɔnim man wee ti ta sei ni Uyudaan Yisa a pɔɔmin.

1 Tesalonika 4:4

ke ni biɛn n tinn ki biɛ naah li ŋa man ki fir ŋmag ni baan tɔɔl a gbanann kasi nin jilima a binbemin,

1 Tesalonika 5:18

niwann biɛn a poolin ke ni li poor Uwonbɔr a, Uwonbɔr a bam le yen ki sei ni Masiya bu.

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

2 Tesalonika 2:13

Ni ye ti le li poor Uwonbɔr le iyoo biɛn ni bu, n nabum, nim ban wee Uyudaan jiɛ, nan bu-n npiinimin Uwonbɔr nan gann ni le ke ni kan nŋmarim Kinaaŋin a pɔɔmin ki ŋa ni u kasi a ninfob nin naah ŋa ibamɔn nin yada-n.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 10:36

Ni ŋan nin ni li jɔɔ limɔril wee ni nan fir tun Uwonbɔr a bam ke, ni li kan nan wee U nan siin limɔsiinl ke U li sei nin.

Hiibru Yaab 12:16

Ni laa che ni ni uba n tun iwanchɔgin toon upiibanlin bee ujabanlin ni, bee kaa jɔɔ nwonjiɛn binben ke Esɔɔ, wan nan kɔɔr u ninkper a faal kisaayiig kiba bu nni.

Hiibru Yaab 13:21

un sei ni nan ŋan biɛn wee ni ta tun u bam, ki che ni tinn nan li gbee u num, Yisa Masiya, wan ŋan nin npagim iyoo yan kaa jɔɔ ndiɛm bu. Ibamɔn.

Hiibru Yaab 13:4

Lipiikɔɔnl nin lijakunl ye ti biɛn li tenn li jilima le, lipiikɔɔnl nin lijakunl a didɔɔbol ye ni li be kasi le, nan bu-n Uwonbɔr na li ji ban tun iwanchɔgin toon nin tibɔr bipiib banlin nin bija banlin.

1 Piita 1:2

ban wee bi nan gann, wee ti Baa Uwonbɔr pii nan nyi ke bi li gann bin, ŋa bi kasi, Kasi a Naaŋ a toon bu-n, ki che bi chee Yisa a mɔb le u cham n ŋunn bi: Linyunyunbasanl nin nposɔɔn li be ni bu takpem.

1 Piita 4:2

Naah ŋa man nin, waa che u binbem a joorim dulinya nan yaan ye tigbanann a kɔlisa, amaa Uwonbɔr kaah ban man.

1 Jɔnn 2:17

Dulinya nin ki kɔlisa li jo, amaa wan tun Uwonbɔr kaah ban man ke, udaan yin gbaa be le ki chaa.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”

Tibɔkpiirkaan 22:15

Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.