1 Tesalonika 4:11 - UWONBƆR A GBƆNPƆŊ LIKƆƆNL

¹¹ Ni che ni li ye ni toonl ke ni li be nbinben ŋan, ki che ni baga li be ni tɔɔl a toon yin ki li jɔɔ ni nɔɔi tun ki jiu, ke taah bei ni man nin,

Uwumbɔr aagbaŋ

¹¹ Cha ninimbil li man ke ni li bi suuna, ki li tun nimi aatuln, ki di nimi aaŋaal tun lituln, ke taah nan tuk nimi pu na.

1 Tesalonika 4:11 ပူးပေါင်းရင်းမြစ်များ

Tibɔnyaan ti Mak ŋmee ti na 13:34

Ni na yin be le ke uja uba kaah yin nya u niin ki jo nsan man fɔg a dann le, ki bei u buwaab ke bi li ŋmag iniin ni nbamɔm le ki por bi biɛn nan nin bi toon, ki sin bei u niin guurin ke u li guu wee ki sin yaar jon u samin le.

Lituln 18:3

u mu kaah nan ye ugbanjab ke baah pii ti tun man nin, mambu le che u nan paar bi ban ki tun nin bi.

Lituln 20:35

Maah tun man nmɔn n wɔɔn ni le ke see ke ti tun takpem wee ki ter bilanjiim, ni li tiɛr Uyudaan Yisa kaah nan len ke: ‘Tikaar be wan pu bu ki jon wan gaan na.’ ”

Rom Yaab 12:11

Ni laa san ligbanyagili, amaa wee ki li ŋmag kinaaŋin ni sufu ni, ki li tun tenn Uyudaan na.

Rom Yaab 15:20

N le gbaa boŋ le ke n mɔɔn tibɔŋann nin nan yaan wee bininfob kaa la nyi gbir Masiya a bɔrin ni, wee ni laa ye ke n maa tɔɔn uba a fiɛl bu le.

1 Korenti 4:12

Ti nɔɔi le ti jɔɔ tun itoon nin inunman. Bi poo imɔɔŋ ŋa ti ke, ti mu kaab ikaab ŋan le ki tenn bi, bi mugir ti le amaa le ti mu chee sei bi.

2 Korenti 5:9

Nibu, ti num man le nin ti penn u sufu, taah be tigbanann a niin nan yaan, bee taah kaa be ti yaan ni.

Efesusi 4:28

Wan nan ti su ke, ni kpaa talar le un jiɛn nnaayigim, amaa wee ki li tun na, ki ta u tɔɔl a nɔɔi ki li ŋaan nan ŋan na, wee ki li fir kan niba ki por sei bilanjiim.

1 Timoti 2:2

ki li miɛ ki tenn bibɔrtiib nin biyudam biɛn wee ti fir be soon nin nposɔɔn ki li jɔɔ nwonjiɛn binben ki li be kasi.

1 Timoti 5:13

Nan kpiɛ, ni che bi bii bi saŋi le, ki jin kɔɔ bininfob a niin yin ki chaa, naa ye bi bii bi saŋ a binba le, amaa bi su libɔɔnsul le ki jɔɔ linunmanl lan kaa jɔɔ nyɔɔri, ki kɔɔ tibɔr tan kaa nyan bi-n

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

1 Piita 3:4

Amaa ni che niba a manim li be ni sufu ni, nŋinŋan man kaa wiiri ki be soon nin kinaaŋin, ni ma ye nŋan man wee Uwonbɔr a num gbee takpem.

1 Piita 4:15

Ni ye ni jin fala ke, nin laa ye ke uninfokur a fala a jimi bee unaayig bee wan tun titoonbir biɛn ni, bee wan tugin bininfobi.