1 Tesalonika 3:6 - UWONBƆR A GBƆNPƆŊ LIKƆƆNL

⁶ Amaa Timoti le la nyan ni ban le ki foon ti ban ki ŋmagin tibɔŋann ki ta jiin ni yada nin ni jiɛm paam. U bei ti ke ni le la tiɛr ti bu le ki bi ban ni kan ti, ke ti mu kaah le ban ti kan ni man nin.

Uwumbɔr aagbaŋ

⁶ Le Timoti ki nyan ni ni chee; dandana u ki fuu ni ti chee, ki tuk timi tibɔnyaan ke ni beenin tii Yesu naadii mbamɔm, ki gee tɔb. U tuk timi ke ti bi nisui ni n‑yoonn mɔmɔk, le ni ban ke ni ki kan timi, ke ti mu aah ban ke ti kan nimi pu na.

1 Tesalonika 3:6 ပူးပေါင်းရင်းမြစ်များ

Lituln 16:1

Le Pɔɔl foon Deba, le ki jon foo Lisitira, nan yaan wee u kan ubɔɔnɔɔr wan wee bi yi u ke Timoti. Wan a na nan ye Juu a ninfou ki ye yada daan ni, amaa le u baa ye Girig a ninfou.

Lituln 18:1

Ni bɔɔn bu, le Pɔɔl nyan Atensi ki jon Korenti a tiŋin.

Lituln 18:5

Le Silasi nin Timoti nan nyan Masedoniya ki dan. Le Pɔɔl nin ta u toon yin ki jiɛn ki nin ta u saŋi biɛn ki sei Yisa a bɔr n-yaa mɔɔnim, ki wɔɔn Juu yaab ke Yisa le ye Masiya.

1 Korenti 11:2

N pagir ni nin naah tiɛr nbu ki la biɛn nin nɔɔ maah nan wɔɔn ni nan biɛn ni.

1 Korenti 13:13

Daandaan nan tiwann titaa nan le be, ti ma ye Yada, Tama nin Njiɛm, amaa njiɛm mu le jon ni biɛn.

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Filipi 1:8

Uwonbɔr le ye n siɛradaau, ki nyi maah ban n kan ni bu man nin Masiya a jiɛmin.

Kolosiya 1:4

nan bu-n ti gbir naah ŋa Yisa yada man, nin naah jiɛ Uwonbɔr a ninfo gannkaabin man na,

Kolosiya 4:18

Min, Pɔɔl, n tɔɔl a nɔɔ le n ta ki sɔb ipoor nan. Ni laa tam n baalin bu. Uwonbɔr a nyunyunbasanl li be ni bu.

1 Tesalonika 1:3

Ti tiɛr ni bu ti Baa Uwonbɔr ban, ni yada a ŋaam nin ni jiɛm a toon nin ni tama kan wee ni jɔɔ nin ti Yudaau Yisa Masiya nbu le che ni si nbamɔm.

1 Tesalonika 2:17

N nabum, baah nan fee ki nyan ti wee ti nan fɔɔr sin jiɛn ni-n, ni nan ye tigbanann nin le amaa naa nan ye lipotiɛlin ni, ti gbaar le ke ni ye man biɛn ke ti le ji li kan ni.

1 Tesalonika 2:9

Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

1 Tesalonika 3:7

Mambu n nabum, nin ti mugil nin ti fala a jimin biɛn nin, ti jɔɔ ngbanann pɔɔn ki jiin ni yada kan wee ni jɔɔ n paam.

2 Tesalonika 1:3

N nabum, ni ye ti poor Uwonbɔr le ni bu, ni ŋan nin ti ŋa man, nan bu-n ni yada-n le mann yabirig le takpem, le njiɛm man wee ni jiɛ tabin mann kpiɛg le.

1 Timoti 1:5

Nwɔɔnim nan a num kaah paa nan bu ye njiɛm le, man nyan kasi a sufu-n nin ipotiɛ ŋan nin ibamɔn a yada-n.

2 Timoti 1:3

N poor Uwonbɔr wan wee n jiɛn u nan, ke n yaajam kaah nan ŋaan man nin, nin lipotiɛŋanl, n wonmiɛlin n tiɛr nibu n sufu ni, nween nin kunyiɛg.

Filemonn 1:5

nan bu-n n gbir ŋaah ŋa Uyudaan Yisa yada wee ki jiɛ Uwonbɔr a ninfogannkaab biɛn man na.

Hiibru Yaab 13:3

Ni li tiɛr ban be tiloondirin nin bu, a li ke ni gbaa tɔɔl be tiloondirin le-n, nin ban wee bi mugir bin a li ke ni mu ji bi fala nmɔn le-n.

Hiibru Yaab 13:7

Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.

1 Jɔnn 3:23

U siim sɔ: Ke ti ŋaam U bija Yisa Masiya a yinl yada, wee ki li jiɛ tab ke waah siin ti man nin.