1 Tesalonika 3:3 - UWONBƆR A GBƆNPƆŊ LIKƆƆNL

³ wee u ba n laa lu u yada-n limugil nan bu. Ni tɔɔl nyi ke ni ye Uwonbɔr a wiib le ke ti kan limugil nmɔn a booli.

Uwumbɔr aagbaŋ

³ ubaa taa gir puwɔb falaa ngbaan pu. Nimi nibaa nyi ke falaa ngbaan ye Uwumbɔr aah siin timi pu na la.

1 Tesalonika 3:3 ပူးပေါင်းရင်းမြစ်များ

Tibɔnyaan ti Luk ŋmee ti na 21:12

“Amaa ni nan biɛn nan yin ŋa ke, bi li choo ni ki mugir ni. Bi na li ta ni ki jo tiwonjiɛndirin nin tiloondirin, le ki ji li ta ni jo bibɔryudam nin kitiŋ a yudam ban, ki ji ni tibɔr n yinl bu.

Jɔnn 16:2

Bi li nyann ni kuwonjiɛndiigin; ibamɔn buu, n-yonn chaan le wan biɛn yin kuŋ le tiɛr ke u tun itoon le ki tenn Uwonbɔr.

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Lituln 2:25

Defid nan pag Yisa a bɔr ke, ‘N kan Uyudaan kaah be nim iyoo biɛn. Nan bu-n U be n nɔɔjiim paam, Le maa ji yin be limugilin ni.

Lituln 21:11

Le ki nan ta Pɔɔl a changbam, ki lol u tɔɔl a taai nin u nɔɔi, le ki len ke, “Kasi a Naaŋ len ke, Juu yaab ban be Jerusalam yin lol nchangban nan daan man le ki ta u ŋubin ban kaa ye Juu yaab a nɔɔn.”

Lituln 21:13

Amaa le Pɔɔl jiin ke, “Ba ŋa wee ni mɔr ki ku n gbanann naa? Naa ye ba tan yin lolimin a binba bu le n chaa, amaa n ŋa sili nin n tan kpo Jerusalam Uyudaan Yisa a yinl buu.”

Lituln 9:16

N li wɔɔn u naah kpaa talar nin un ji fala N yinlin bu man.”

Rom Yaab 5:3

Naa ye man a binba, amaa ti fala a jimin gbaa ni mɔ ti le, nan bu-n fala a jim le jɔɔ nnyiginim chaan;

1 Korenti 15:58

Mambu n nabum, ni mann sir nbamɔma. Ni laa che niba n boon ni, ki li tun u yudaan a toon yin iyoo biɛn na, nan bu-n ni nyi ke ni toon yan wee ni tun ki tenn u yudaan ni kaa yin gab yɔli.

1 Korenti 4:9

Min ban ke, n tiɛr ke Uwonbɔr gann tim ban ye itoon nan le ki jiin ti bɔɔn ke taa kpaa talar le liwonjiɛnlin ni. Ki nann bininfob ban wee bi li ku ti npaan ni ki ŋa ti ligaril a ninfob ban wee bi pag ki galin ti wee dulinya nan a ninfob nin Malakam ligin.

Efesusi 3:13

Ni ma bu, n balin ni le, ni laa che ni gbanann ngbɔɔ maah ji fala wan ni bu nni, ni ye kupag le sei ni.

Filipi 1:28

naah kaa san bininfob ban fann ni nan. Ni ma ye siɛra ki wɔɔn bi ke baa li kan nnyaŋim mi, amaa nim li kan n nŋmarim man nyan Uwonbɔr ban.

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

1 Tesalonika 5:9

Uwonbɔr kaa gann ti ke ti nan ji fala le U ŋuufiiŋin ni, amaa ke ti nan kan nŋmarim ti Yudaau Yisa Masiya bu.

2 Tesalonika 1:4

Ni ma bu Uwonbɔr a ninfob a laginn nan a sisiigin, ti far ligbingbanl le ni bu nin naah jɔɔ limɔril nin yada limugil nin libiginl biɛn a poolin wee ni la biɛ nin jɔɔ yada n bu.

2 Timoti 1:8

Mambu laa san ifa nin a ji ti Yudaau a siɛra bee min wan ye u loondikɔɔru win a siɛra, amaa Uwonbɔr a pɔɔm bu che min nin fin nlagin ki ji fala tibɔŋann nan bu,

1 Piita 2:21

Ni nan bu le Uwonbɔr nan yin ni, nan bu-n Masiya nan jin fala ni bu-u, ki wɔɔn ni limagil, ke ni li nɔɔ u tabogi ya.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Tibɔkpiirkaan 2:13

N nyi naah be nan yaan, nan yaan wee Sintani a naam a gbɔŋ be-n. Amaa le ni sin ŋmag n yinl nbamɔm. Naa ta naah ŋaam yada-n ki jaa, hali nin Antipasi a yonn nin wan nan ye n yada a siɛradaau ibamɔn nin, wee bi nan ku u ni tiŋin ni, Sintani a binbebolin.