1 Tesalonika 3:12 - UWONBƆR A GBƆNPƆŊ LIKƆƆNL

¹² Uyudaan n che njiɛm man wee ni jɔɔ ban ni tabin n mann tann ki pii uninfo biɛn, ke ti yaa bamin kaah be nin ni man nin.

Uwumbɔr aagbaŋ

¹² Tidindaan cha ni li moo gee tɔb ni binib mɔmɔk, ke taah gee nimi pu na.

1 Tesalonika 3:12 ပူးပေါင်းရင်းမြစ်များ

Matiu 22:39

Nan kpiɛ milee nann chinchinn a siim nmɔn le: ‘Li jiɛ a kunkɔɔn tab ke ŋaah jiɛ a ba man ni.’

Matiu 7:12

Nan wee a ban a kpiɛg li tun ki tenn niŋin, a mu li tun man ki tenn a kpiɛtiiba, nan bu-n Moziz a siim nin Bilinlem a wɔɔnimin wɔɔn man le.

Tibɔnyaan ti Luk ŋmee ti na 17:5

Le itoon ni nin bei Uyudaan ke, “Kpiɛ ti yada ni.”

Rom Yaab 13:8

Ni laa che lipɔnl liba ngur dɔ kaa yɔn ni, man ke lipɔnl lan le gbaa be ki ye ti li jiɛ tabin a binba, ni ma bu wan jiɛ uninfosaal kpiɛg ke u gbeen nsiimin na.

2 Korenti 9:10

Uwonbɔr wan tenn bininfob idibool wee bi bu-n, ki ji tenn bi tijiir wee bi ji-n, U ma le li sei ni idibool ki che yin nɔb, man le U li che ni chiɛ ibuchin di takpem.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Filipi 1:9

N miɛ Uwonbɔr le ke: Ni jiɛm nmɔn n mann ki kpiɛ ki ji kpiɛ ni nlamin nin nbiɛmin,

1 Tesalonika 2:8

Taah jiɛ nim takpemin bu le che ti nan mɔɔn Uwonbɔr a bɔŋann nin ki sei ni, naa ye tibɔŋann nin a binba amaa ki ban ti junn ti miɛfol ni bu taah ban nim takpem n bu.

1 Tesalonika 4:1

N nabum, ni joorimin, ti wɔɔn ni na li ŋa man wee ni binbem li gbeeg Uwonbɔr a num, ke naah pii be man nin. Daandaan nan ti balin ni le ki bei ni ke ni le li gbaa be man na Uyudaan Yisa a yinlin.

1 Tesalonika 5:15

Ni laa che uba nta tibir ki yɔ tibiri, amaa ni pɔɔn niba ki li jɔɔ nbinben ŋan nin tab nin uninfo biɛn.

2 Tesalonika 1:3

N nabum, ni ye ti poor Uwonbɔr le ni bu, ni ŋan nin ti ŋa man, nan bu-n ni yada-n le mann yabirig le takpem, le njiɛm man wee ni jiɛ tabin mann kpiɛg le.

Jemisi 1:17

Nan ŋan nin nan be kasi biɛn ye ipiin yan nyan paab le, ki nyan ti Baa wan jɔɔ papaab a weemin, wan kaa kpenn ke nbɔɔm kaah kpenn man nin.

2 Piita 1:7

ki ta kunabitiig a ŋann ki kpiɛ nwonjiɛn binben nin, ki ta njiɛm ki kpiɛ kunabitiig a ŋann nin.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.