1 Tesalonika 2:4 - UWONBƆR A GBƆNPƆŊ LIKƆƆNL

⁴ Amaa ti pag le ke ban wee Uwonbɔr ke bi ŋan nin, Uma ta tibɔŋann nmɔn ki ŋa ti nɔɔn, ni ma bu taa ban ti pag ki penn bininfob a sufu amaa ti ban ti penn Uwonbɔr wan magir ti potiɛlin a sufu le.

Uwumbɔr aagbaŋ

⁴ N‑yoonn mɔmɔk ti nan len Uwumbɔr aah ban ke ti len pu na; ba pu? u nan lik taah bi pu na, le ki di waabɔnyaan ngbaan ŋa tiŋaal ni, ke ti tuk binib. Nima pu le ti ban ke ti piir Uwumbɔr aasui, naa ye binib aasui. Uma Uwumbɔr le lik timi aasui ni aah bi pu na.

1 Tesalonika 2:4 ပူးပေါင်းရင်းမြစ်များ

Tibɔnyaan ti Luk ŋmee ti na 12:42

Le Uyudaan jiin ke, “Utoontunn u la baa jɔɔ nlam ki tun ke u baa kaah ke u tum man naa? U ma ye wan wee u baa yin che u ŋa bitoontum nmɔn a ninkpelu, wee ki li lig u toontum ban biɛn be u niin nmɔn, ki li tenn bi tijiir n-yonn man kpaan nin bin ji.

Tibɔnyaan ti Luk ŋmee ti na 16:11

Mambu ni ye baa ŋaaŋ yada nin ŋaah ŋmag dulinya nan a faal ke, ŋma li ŋaaŋ yada nin ibamɔn a faalin yaan naa?

Jɔnn 21:17

Nan nan kpiɛ nfimitaa-n le u bei u ke, “Simɔnn Jɔnn a bija, a jiɛm maa?” Piita a sufu nan bii le nan bu-n Yisa kaah nan baan u ki tan kpaa nfimitaa ke, “A jiɛ maa?” Le u ke, “Uyudaan, a nyi niwann biɛn; a nyi ke n jiɛŋ.” Le Yisa ke, “Li jinn n peei nan na.

Rom Yaab 8:27

Le Uwonbɔr wan feen ki lig ti sufu-n nin nyi Kasi a Naaŋin a potiɛl, nan bu-n Kasi a Naaŋin le gaan ki miɛ tenn Uwonbɔr a ninfob gannkaabin Uwonbɔr a bam kaah wɔɔn man.

1 Korenti 7:25

Daandaan nan, nim ban kaa la nyi bipiib nin ban kaa la nyi bijab nan man, Uyudaan kaa seim nsan ke n bei ni niba, amaa Uyudaan a nyunyunbasanl bu le n ji ni bɔr ke uninfobamɔn nin.

1 Korenti 9:17

Ni ye n bi tun nin n tɔɔl a wiib ke, n bi kpaan nin n ga tiyɔra, amaa naa ye min tɔɔl a wiib bu ke, man ke Uwonbɔr kaah siinim ke n tun man le yen.

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

2 Korenti 5:11

Mambu, ti nyi naah ye ti li san Uwonbɔr man, nibu le ti pɔɔgir bininfob a gbanann baah li ta biba ki jirin u ban man. Uwonbɔr nyi ti binbem kaah be man, le n jɔɔ tama ke ni mu nyi n sufu ni naah ye man.

2 Korenti 5:16

Daandaan nan ki jɔɔ chaa, taa ji lig uba ke dulinya nan a ninfob kaah lig u man nni. Hali taah nan lig Yisa man ni, taa ji lig u man ni.

Galantiya 1:10

N gbaar ki ban bininfob le n ke n toon ŋan bee Uwonbɔr aa? Bee n ban bininfob a num le n gbee maa? Ni ye n le la bi gbaar ban bininfob a num le n gbeem ke, maa bi yin ye Masiya a yomu wi.

Galantiya 2:7

Amaa, baah kan nan n ban ye Uwonbɔr kaah gannim ke n mɔɔn u bɔŋann nin ki sei ban kaa ye Juu yaab ke waah nan gann Piita ke un mɔɔn tibɔŋann nmɔn ki sei Juu yaab man nin.

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Efesusi 6:6

Ni laa jɔɔ limɔcheel ki tenn bi ke bi num ngbee ni n-yonn man wee bi be ni ban ni, amaa ni li jɔɔ limɔcheel nan li gbee Uwonbɔr a num nin ni sufu biɛn naah ye Masiya a yomin bu.

Kolosiya 3:22

Biyom, ni li cheel ni dulinya nan a yudam a mɔɔŋi niwann biɛn na, ni li tun man wee ni laa ye iyoo yan a binba wee bi lig ni, ke bi num ngbee ni, amaa wee ki li tun man nin ni sufu biɛn nin jilima ki tenn Uyudaan na.

1 Timoti 6:20

Timoti, li mann ŋmag nan wee Uwonbɔr ta ŋa a nɔɔn ke a li ŋmagin nbamɔma. Jiɛn tijɔrbɔr tan ye limɔkpel wee kaa jɔɔ nyɔɔr kaa biɛ ji ye Uwonbɔr yaar wee bibam yin ni nlamin na,

2 Timoti 1:14

Li ŋmag tinyɔɔŋann tan wee bi nan ta wɔɔniŋ nna, Kasi a Naaŋ kan be ti ni-n li teriŋ wee a fir ŋmag ti nbamɔm.

2 Timoti 2:2

Ta tibɔr tan wee a gbir n pag kuninfogbaluŋ a numin nin, ki wɔɔn bininfob ban si nbamɔm wee ki mu ye ban li fir wɔɔn bi kpiɛtiibin.

Taitus 1:3

le iyoo kaah nan nan foo-n le u nyan tibɔr nmɔn nween ni ke Uma Uwonbɔr wan ye ti feeru win kaah wɔɔnim ke n mɔɔn ti man nin,

Hiibru Yaab 4:13

Uwonbɔr kaah naan nan biɛn niba kaa be wee ki woo wee waa ga ni. Niba kaa degi, niwann biɛn dɔ npaan ni le Uwonbɔr a numin, wan wee ti biɛn na yin kpiir ta tun nan ki wɔɔni.

1 Piita 4:11

Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.

Tibɔkpiirkaan 2:23

N li ku u buwaab. Le biwonjiɛm a laginn biɛn n biɛ ke min le ye wan dibir bininfob a sufu nin bi potiɛl, le n li yɔ ni biɛn ni ŋaar bu.