1 Tesalonika 2:17 - UWONBƆR A GBƆNPƆŊ LIKƆƆNL

¹⁷ N nabum, baah nan fee ki nyan ti wee ti nan fɔɔr sin jiɛn ni-n, ni nan ye tigbanann nin le amaa naa nan ye lipotiɛlin ni, ti gbaar le ke ni ye man biɛn ke ti le ji li kan ni.

Uwumbɔr aagbaŋ

¹⁷ Nnaabitiib, taah kaa kan nimi ni yunn siib na, naa mɔ timi. Taa nan bi ni chee, timi aalandak ma nan bi ni ni; tinimbil nan man ni pu, le ti nan pɔɔni tibaa ke ti ki kan nimi.

1 Tesalonika 2:17 ပူးပေါင်းရင်းမြစ်များ

Tibɔnyaan ti Luk ŋmee ti na 12:58

Fin nin uba jɔɔ tibɔr, wee u ban un ta ti ki jo ibɔrniin ke, naah la be nsan bu ki chaa nan, choo u dunl weema, wee un laa ta ti ki jo, naa ye man ke u yin dar ti foo bibɔjib ban le, le bibɔjib mu li taaŋ ki sei wan guu kuloondiigin, le wan guu kuloondiigin taaŋ ki loon.

Tibɔnyaan ti Luk ŋmee ti na 22:15

Le u bei ke, “N ban ni le nin linunmanl min nin nim nlagin ki ji Yuglagir a jiir wee n nin ji fala.

Lituln 17:10

Naah nan bɔŋ n-yonn man nin, le biwonjiɛmin nan chabir Pɔɔl nin Silasi le bi jon Beriya. Baah nan foo-n le bi kɔɔ Juu yaab a wonjiɛndiigin.

Rom Yaab 1:13

N nabum, maa ban ni laa nyi ke iyoo takpem n lolig le ke n dan ni ban (amaa le tibɔr kɔɔ le maa li fir ŋa man ni ki nan kpaa daandaan nan) naah li ŋa man wee n fir ki kan bininfob takpem ni sisiigin, ke maah pii kan man ban kaa ye Juu yaabin a sisiigin biba-n.

Rom Yaab 15:23

Amaa daandaan nan niba yaan kaah kaa ji be n tun tiyerin nan yaan nan, wee n mu a potiɛl le be ni ban ibin takpem ke n kan ni nan,

1 Korenti 5:3

Hali nin maah kaa be ni ban nin tigbanann nan biɛn ni, amaa n be ni ban kinaaŋin. Le ki paa chinn jin wan tun iwanjaab toon nan tibɔr a li ke n be niin len.

Kolosiya 2:5

Nan bu-n, hali maah kaa be ni ban nin tigbanann ni, n be ni ban kinaaŋin le ni mɔm, le ban n kan naah si nbamɔm man nin naah ŋmag ni yada-n man kenken Masiya ni.

1 Tesalonika 3:6

Amaa Timoti le la nyan ni ban le ki foon ti ban ki ŋmagin tibɔŋann ki ta jiin ni yada nin ni jiɛm paam. U bei ti ke ni le la tiɛr ti bu le ki bi ban ni kan ti, ke ti mu kaah le ban ti kan ni man nin.