1 Tesalonika 2:16 - UWONBƆR A GBƆNPƆŊ LIKƆƆNL

¹⁶ ki gbaar ban baah li ŋa man wee ti laa pag sei ban kaa ye Juu yaabin wee bin kan nŋmarimi. Man nmɔn le che bi bir lagin ki nan kpaa man. Le Uwonbɔr a ŋuul fii bi bu le u dar bi tul ni joorimin.

Uwumbɔr aagbaŋ

¹⁶ ki kiir timi, kaa ban ke ti tuk binib bi kaa ye Juu yaab na tibɔnyaan tee, aan bi ŋmar. Juu yaab ngbaan aah ŋani kina na, bi too kpae baatunwanbir pu n‑yoonn mɔmɔk la. Uwumbɔr aaŋuul pii bi kookoo.

1 Tesalonika 2:16 ပူးပေါင်းရင်းမြစ်များ

Matiu 12:45

ki yin jir nya le ki jo ki tan yin u nnaanbiim tab milile, ban bir ki jon u, ki ta bi dan, le bin kɔɔ ki lagin be, uninfo nmɔn a binbem li bir takpem ki jo waah nan chinn be man ni. Ni ma na yin dan daandaan nan a ninfobir nan bu.”

Matiu 23:32

Mambu, ni gbaar ni yaajam kaah nan piin ki tun titoonbir tan nin na!

Matiu 24:14

Le bi na li mɔɔn paab a naam nan a bɔŋann ilog biɛn nin ki ŋa siɛra ki sei ibol biɛn wee dulinya a diɛmin nin foon.

Matiu 24:6

Ni na li gbir bitɔb a fur nin bitɔb a bɔr, amaa ni laa jeeli, ni kpaa le ke ni niɛ nan biɛn n tun, amaa naa wɔɔn ke dulinya a diɛm le yen ni.

Matiu 3:12

U ŋmag u dilenn yikpeŋin le ki yin lenn idi nmɔn biɛn nbamɔm, ki nyan ndibimin ki ŋuun u binbolin, le ki nyɔɔ kufoŋin nŋmi man kaa jɔɔ njunimi.”

Tibɔnyaan ti Mak ŋmee ti na 16:16

Wan biɛn ŋa yada wee bi fun u Uwonbɔr a nyunfulin ke u li kan nŋmarim; amaa wan kaa ŋa yada ke Uwonbɔr na li bii u.

Lituln 13:45

Juu yaab kaah nan kan kuninfogbaluŋin le ni ŋa bi lipiiponl, le bi pag bii Pɔɔl a wɔɔmin.

Lituln 13:50

Amaa le Juu yaab fiin bipiib ban ye biwonsam ki ye biyudam nin kitiŋ nmɔn a yudam. Le bi mugir Pɔɔl nin Banabasi ki ŋɔɔr bi ki nyan bi tiŋin.

Lituln 14:19

Le Juu yaab biba nyan Antiɛg kan be Pisidiya a tiŋin, nin Ikoniɛm a tiŋin, ki dan ki nan pag ki sei kuninfogbaluŋin ki bii Pɔɔl nin Banabasi. Le bi gabir Pɔɔl itangbag ki fuul u nyan kitiŋ nmɔn a gbaam, ki tan gab ki nyi ke u kpo le.

Lituln 14:2

Amaa Juu yaab ban kaa nan chee ŋa yada-n nan bii ban kaa nan ye Juu yaabin a sufu le. Le bi ŋuui fii biwonjiɛmin bu.

Lituln 14:5

Le Juu yaab nin ban kaa ye Juu yaabin, nin bi tiŋ nmɔn a yudam lagin tab, ki lol ke bin jin itoon nin fala ki gabir bi itangbag.

Lituln 17:13

Juu yaab ban be Tesalonika nan kaah gbir ke Pɔɔl be mɔɔn Uwonbɔr a bɔr le Beriya a tiŋin nin, le bi tɔɔl jon niin ki tan pag ki bii Pɔɔl, ki fiin kuninfogbaluŋin a ŋuui, ke bin ŋɔɔr wa.

Lituln 19:9

Amaa bi ni biba nan ye tukangbirdam le; kaa chee Yisa a sam, ki pag tibɔbir kuninfogbaluŋin yaan ki jiin Uyudaan nmɔn paam. Le Pɔɔl fɔɔr jiɛn bi. Le ki ta biwonjiɛmin jon Tiranusi a wɔɔnim a diigin, le idaa biɛn ke u wɔɔn bi niin.

Lituln 21:21

Biba nan bei bi ke, a wɔɔn Juu yaab ban be ban kaa ye Juu yaab a timin nin, ke bin yii Moziz a siimin na, ki ji bei bi ke, bi laa jiil bi buwaab a pun yi, ki laa nɔɔ Juu yaab a kaali.

Lituln 23:12

Naah nan won kutaag, le Juu yaab biba lagin tab ki kal ki lol, ki poo ke baa yin ji bee ki nyu niba, see ke bi nan ku Pɔɔl.

Lituln 24:9

Le Juu yaab nmɔn kpiɛ u bu ki ke waah pag man nmɔn sin ye ibamɔn le.

Lituln 25:2

niin le biminmanib a yudam nin Juu yaab a yudam dan Fetusi ban ki nan pag ki galin Pɔɔl.

Lituln 25:7

Pɔɔl kaah foon n-yonn man nin, le Juu yaab ban nan nyan Jerusalam nan fii sir ki gɔɔn u, ki pag galin Pɔɔl tibɔr tan wee baa li fir ji ti siɛra.

Lituln 4:12

Nŋmarim kaa be u ba ban ni, le liyinl liba le kaa be dulinya nan yaan wee Uwonbɔr ta sei bininfob ke bin yin ki kan nŋmarimi, see Yisa a binba.”

Lituln 9:23

Ni bɔɔn bu, le Juu yaab nan lagin tab ki lol ke bin ku Sɔɔl,

1 Korenti 10:33

Hali nin maah ban uninfo biɛn a num n gbeem nin niwann biɛn nin ni. Maa gbaar ban n yaa binba a ŋam bu amaa n gbaar ban bininfob biɛn a ŋam bu le, naah li ŋa man wee bin kan nŋmarim.

Galantiya 5:11

N nabum, ni ye n la bi mɔɔn lipunjiil a bɔr le ke, ba ŋa wee bi ji mugirim maa? Ni ye man ke igalin yan nan ŋa lidapunpunl bu n gab yɔliu.

Efesusi 3:13

Ni ma bu, n balin ni le, ni laa che ni gbanann ngbɔɔ maah ji fala wan ni bu nni, ni ye kupag le sei ni.

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

1 Tesalonika 1:10

ki li guu U bija wan yin nyann papaab ki dan nin, wan wee U fiin nkumin nin, Uma ye Yisa wan nyan ti Uwonbɔr a ŋuufiiŋ kan chaan nin yaan.

2 Tesalonika 2:10

u li ta u binben biim nmɔn ki lar bininfob ki bii bi, baah yii ibamɔn yan li sei bi nŋmarimin bu.

1 Timoti 2:4

wan ban bininfob biɛn n kan feegab wee ki biɛ nbamɔmin.

Hiibru Yaab 6:8

Amaa nkpatam man wee ikunkon nin ijakpiɛgar pa-n mi dɔ le yɔli, limɔpool a daŋ li be nkpatam nmɔn bu. Le njoorimin nŋmi n nan gaa npaan nin nmɔn.

Tibɔkpiirkaan 22:11

Che wan tun tibir li gbaa tun tibira; che wan tun tijaginn li gbaa tun u jaginn na; che wan tun ibuchin toon li gbaa tun ibuchin toon na; le wan be kasi u li gbaa be kasiu.”