1 Tesalonika 2:10 - UWONBƆR A GBƆNPƆŊ LIKƆƆNL

¹⁰ Nim nin Uwonbɔr le ye ti siɛradam, taah nan be nin nim ban ŋa yada-n, ti nan be kasi le ki jɔɔ nbuchin binben, kaa jɔɔ igbarigi.

Uwumbɔr aagbaŋ

¹⁰ Nimi bi gaa Yesu ki kii na, ti ŋa nimi mbamɔm la, ki nan bi chain, kaa nan kpa taani ubaa joo cha ni wɔb. Ni ni Uwumbɔr nyi ke ni ye mbamɔn la.

1 Tesalonika 2:10 ပူးပေါင်းရင်းမြစ်များ

Tibɔnyaan ti Luk ŋmee ti na 23:41

Tim kan litudaril nin ibamɔn le, nan bu-n bi jiin ti toon kaah kpaan ti gaa man le. Amaa uja nan ma kaa tun tibir ti ba.”

Lituln 20:18

Baah tan foo n-yonn man nin, le u bei bi ke: “Ni nyi n binbem kaah nan ye man, maah nan be ni ban nin, maah foon Asiya a tingbɔŋ nan yaan lidaal lan ki nan kpaa dinan.

Lituln 20:26

Mambu le n bei ni dinan ke, nnɔɔ kaa be uninfosaal biɛn a chamin ni.

Lituln 24:16

Mambu, n pɔɔn n baa le iyoo biɛn ke n tun nan kpaan, wee n sufu li be nbamɔm nin Uwonbɔr nin uninfosaal ban.

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 11:11

Ke babuu? Ni niɛ wɔɔn ke maa ban ni lee? Uwonbɔr ma nyi maah ban ni.

2 Korenti 11:31

Ti Yudaau Yisa a Baa Uwonbɔr wan ŋan nin npagim iyoo biɛn ni, U ma nyi maah kaa por tibɔkari.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

2 Korenti 5:11

Mambu, ti nyi naah ye ti li san Uwonbɔr man, nibu le ti pɔɔgir bininfob a gbanann baah li ta biba ki jirin u ban man. Uwonbɔr nyi ti binbem kaah be man, le n jɔɔ tama ke ni mu nyi n sufu ni naah ye man.

2 Korenti 7:2

Ni loor ni sufu ki sei ta man. Taa tun ki bii uba, taa ta kuŋmaruŋ dan uba a binbemin ni, kaa jin uba dulimi.

1 Tesalonika 1:5

nan bu-n tibɔŋann tan foon ni ban nin, kaa nan ye imɔleen a binba, amaa ti nan jɔɔ npɔɔn le nin Kasi a Naaŋ. Le ban nan mɔɔn ti-n chee ti nin yada. Taah nan be ni ban nin, ni nan nyi ti binbem kaah ye man nim bu.

1 Tesalonika 2:5

Ni nyi ke taa la nyi ki dan nan pag ni nmɔmɔmi, bee tibɔr tan degin kujaŋuuŋ a bɔri, Uwonbɔr le ye ti siɛra daau.

2 Tesalonika 3:7

Ni baan tɔɔl nyi nbamɔm ke ni ni ye ni li tun le ke taah tun man ni. Taah nan be ni ban nin, taa nan san ligbanyagil,

1 Timoti 4:12

Laa che bin lig ki ziɛŋ ŋaah ye kibipɔliŋ nbu, amaa ŋa limagil ki wɔɔn yadadam a pipagirin, a miɛfolin, a bamin, a yada-n nin a kasi a toon yin.

2 Timoti 3:10

Amaa fin Timoti, a nyi n wɔɔnimin kaah ye man, nin n binbem, nin n lol, nin n yada, nin n mɔril, nin n bam nin maah pɔɔn nba man,

1 Piita 5:3

ki laa ta ni mug ban wee Uwonbɔr ta bi ŋa a nɔɔn nin ni, amaa che fin le li ye limagil ki sei ipee nmɔn.