1 Tesalonika 1:5 - UWONBƆR A GBƆNPƆŊ LIKƆƆNL

⁵ nan bu-n tibɔŋann tan foon ni ban nin, kaa nan ye imɔleen a binba, amaa ti nan jɔɔ npɔɔn le nin Kasi a Naaŋ. Le ban nan mɔɔn ti-n chee ti nin yada. Taah nan be ni ban nin, ni nan nyi ti binbem kaah ye man nim bu.

Uwumbɔr aagbaŋ

⁵ ba pu? taah tuk nimi waabɔnyaan na, tibɔnyaan ngbaan aa nan ye iliin baanja, Uwumbɔr Aafuur Nyaan aapɔɔn nan bi ti ni la, ki cha ni bee ke ti sil gbii. Taah nan bi nikaasisik ni buyoonn na, ni nan bee timi aabimbin aah nan bi pu na. Ti nan bi kina ke ti ter nimi la.

1 Tesalonika 1:5 ပူးပေါင်းရင်းမြစ်များ

Tibɔnyaan ti Mak ŋmee ti na 16:20

Man le u bɔɔnɔɔbin nan jon ki tan be ki mɔɔn u bɔŋann nmɔn ilog biɛn, le ti yudaau nmɔn be nin bi, ki che bi tun ligaril a toon, le bi toon nmɔn wɔɔn siɛra ke bi mɔɔn ni nmɔn ye ibamɔn le.

Tibɔnyaan ti Luk ŋmee ti na 1:1

Binib takpem nan pɔɔn bi ba ki sɔb kugbɔŋ nan a poolin tibɔr tan nan ŋa ti sisiigin.

Lituln 11:21

Le Uyudaan a pɔɔm be nin bi, le bininfob takpem ŋa yada ki kpenn bi binbem ki sei Uyudaan.

Lituln 16:14

Bipiib ban nan ka pelig tibɔr nmɔn, bi ni u ba a yinl le nan ye Lidiya, u nan nyan Tayatira le, ki choon kɔɔr ikinken man yan a daag pɔɔ, ki jiɛn Uwonbɔr. Le Uyudaan loor u sufu le u chee tibɔr tan wee Pɔɔl pagin.

Lituln 2:33

Le Uwonbɔr ji ta u kaan U nɔɔjiim paam. Waah kal n-yonn man nin, le u gaa Kasi a Naaŋ kan wee Uwonbɔr nan siin limɔsiinl ke U na li sei win, Kasi a Naaŋ nmɔn le u ta sei ti, le ti gbir ki kan.

Rom Yaab 1:16

Ifa kaa jɔɔm tibɔŋann nin a mɔɔnim bu, nan bu-n ti ye Uwonbɔr a pɔɔm le ki sei ban biɛn ŋa yada ke bin kan feegab: Juu yaab li yin chinn kan feegab le ban kaa ye Juu yaabin mu nin paan.

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

Rom Yaab 2:16

Ni niɛ nan na yin tun lidaal lan wee Uwonbɔr na yin ji bininfob a bɔwoonkaar Yisa Masiya bu, ke n bɔŋann nin kaah wɔɔn man nin.

1 Korenti 1:24

Amaa ban wee Uwonbɔr yin bin, Juu yaab nin Girig yaabin, bi ma nyi Masiya kaah ye Uwonbɔr a pɔɔm nin u lam.

1 Korenti 10:33

Hali nin maah ban uninfo biɛn a num n gbeem nin niwann biɛn nin ni. Maa gbaar ban n yaa binba a ŋam bu amaa n gbaar ban bininfob biɛn a ŋam bu le, naah li ŋa man wee bin kan nŋmarim.

1 Korenti 3:16

Naa nyi ke nim le ye Uwonbɔr a wonjiɛndiig nnaa, le Uwonbɔr a Naaŋ be ni nii?

1 Korenti 3:6

Min le nan bun iwanbool, le Apolosi mu wur nnyum amaa Uwonbɔr le che ni pan ki yabig.

1 Korenti 4:20

Uwonbɔr a naamin kaa ye tipipagir a binba amaa mi ye npɔɔn le.

1 Korenti 9:14

Mambu le Uyudaan sei bimɔb ke ban mɔɔn u bɔŋann nin a jiir nya tibɔŋann nmɔn yaan le.

2 Korenti 3:6

U che ti ye bitoontunŋam ban fir mɔɔn tipoopɔnn ni le, naa ye nan sɔb dɔ, amaa ti nyan Kinaaŋin le; nan sɔb dɔ-n ma ku le amaa le Kinaaŋ ma tenn limiɛfol.

Galantiya 2:2

Uwonbɔr le nan kpiir wɔɔnim ke n jo, ki tan bei bi tibɔŋann tan wee n ti mɔɔn ban kaa ye Juu yaab ban nin. Amaa n nan yin biwonjiɛn sanliibin a binba le ki wɔɔn bi, nan bu-n, n nan san le kaa ban maah tun nan nin bee nan wee n la yin tun nin n gab yɔli.

Galantiya 5:5

Amaa yada bu, le kinaaŋ sei ti npɔɔn le ti jɔɔ tama ki guu nbuchin binben a yonn.

Efesusi 2:10

Uwonbɔr le naan tim, Yisa Masiya bu le u sei ti itoon ŋan a binbem, ke ti li tun man wee u pii nan lol ke ti li tun nin na.

Efesusi 3:20

Uwonbɔr a pɔɔm kaah tun nin ti nbu, u li fir ki tun niwann biɛn ki sei ti ke nin jo taah tiɛr nan bu ki miɛ win,

Filipi 2:13

Uwonbɔr le tun nin ni le ki che ni tun ni U bamin ke waah ban ni tun man.

Filipi 4:9

Niwann nan wee ni tinn n ban bee ki gaa n ban bee ki gbir n ban nin ni li jɔɔ tun itoon na man. Wee nposɔɔn a Wonbɔr win li be nin ni.

Kolosiya 2:2

N lol ye n che bi sufu le npɔɔg, wee bi lagin tab nin njiɛm, wee bi li jɔɔ nbiɛm man yab, wee ki li fir biɛ Uwonbɔr a bɔwoonkaar ti ma ye Masiya,

1 Tesalonika 2:13

Ti mu le poor Uwonbɔr le iyoo biɛn, nan bu-n, naah gaa Uwonbɔr a bɔr tan wee ni gbir ti ban nin, ni chee sei tibɔr nmɔn le ke taa ye bininfosaalib a bɔri, amaa ke ti sin ye Uwonbɔr a bɔr ibamɔn le, tan tun nin nim ban ŋa yada-n.

2 Tesalonika 2:14

Tibɔŋann tan wee ti pag tenn nin le Uwonbɔr ta yin ni, ke nim nin ti Yudaau Yisa Masiya n nan lagin kan u jilima-n.

2 Timoti 2:10

Mambu le n pɔɔn nba niwann biɛn nin Uwonbɔr a ninfob gannkaab nbu, ke bi mu n kan nŋmarim man be Masiya nin, nin jilima kan kaa jɔɔ ndiɛmin.

2 Timoti 2:8

Li tiɛr Yisa Masiya wan nan fii nkumin ki ye Defid a yaabilin bu. N bɔŋann nin sɔ,

Hiibru Yaab 10:22

ni che ti fɔɔr mal Uwonbɔr nin sufu ŋaŋ nin yada kan gbee nin ibamɔn na, waah jɔgin ki ŋunn ti sufu nyan kasi, wee ti nyan igalin ti potiɛlin ni, wee ki fun tigbanann mu nnyum ŋami.

Hiibru Yaab 6:11

Ti ban ni biɛn li jɔɔ inunman le hali nin ndiɛm, wee nin che naah jɔɔ tama nan bu-n nin sin ŋa ibamɔn.

1 Piita 1:12

Ni nan kpiir ki wɔɔn bi ke baa nan tun tenn biba le, amaa nim. Bilinlemin kaah nan pag tiwann tan wee ni gbirin wee ban mɔɔn tibɔŋann nin mɔɔn ti sei ni Kasi a Naaŋ kan nyan paabin a pɔɔm bu-n. Hali malakam ban bin biɛ tiwann nmɔn le.

1 Piita 1:3

Ipoor ye Uwonbɔr wan ye ti Yudaau Yisa Masiya a Baa-n yaal le! U nyunyunbasanl takpenlin bu ti kan nmaal pɔɔn man be tama kan fo-n, waah nan fiin Yisa Masiya nkumin,

1 Piita 5:3

ki laa ta ni mug ban wee Uwonbɔr ta bi ŋa a nɔɔn nin ni, amaa che fin le li ye limagil ki sei ipee nmɔn.

2 Piita 1:10

Mambu, n nabum, ni biɛn pɔɔn niba nin linunmanl ki che ni yim nin ni gannimin li ye ibamɔn na. Nan bu-n ni ye ni ŋa man ke, naa li lu,

2 Piita 1:19

Le ti ta bilinlem a mɔboi yin ki ŋa ibamɔn, ni pɔɔn niba ki mann pel ya, a li ke nwonween kaah wonn libunbɔnlin man nin, ki nan kpaa kutaag kaah na li wonn wee njakpanyiɛn a ŋmabili nwonn ni sufu ni.