1 Piita 5:9 - UWONBƆR A GBƆNPƆŊ LIKƆƆNL

⁹ Ni laa chee, ki li ŋmag ni yada kenken na, nan bu-n ni nyi ni nabum ban be dulinya munl nan biɛn be man a fala ni le.

Uwumbɔr aagbaŋ

⁹ Ni yii u man. Ni gaa Uwumbɔr ki kii mbamɔm man, ki taa di cha. Ni nyi ke ninaabitiib bi bi dulnyaa wee ni na mu bi ji falaa ke naah ji pu na la.

1 Piita 5:9 ပူးပေါင်းရင်းမြစ်များ

Tibɔnyaan ti Luk ŋmee ti na 22:32

Amaa n miɛ Uwonbɔr, fin Simɔnn bu, ke a wonjiɛnl laa jiir tumi. Le a jirin n ban ke, a pɔɔg a nabum a gbanann na.”

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

1 Korenti 10:13

Nbigim le kaa be ki nyaŋ ni see nbigim man be nin uninfosaal biɛn n yaa binba. Uwonbɔr ye u bamɔndaan le, waa li che nbigim n foon ni ban ki jo ni pɔɔm a tarigi. Amaa ni ye nbigim foon ni ban ke, u ji li fir naan nsan ki sei ni wee ni nɔɔ nya ki mann sir mi bu.

Efesusi 4:27

ki laa sei Sintani nsan ni.

Efesusi 6:16

Nan kpiɛ ni niɛ nan biɛn bu ye, ni ta yada ki kpann nan li guu ni wee ni fir ki ŋmar ulinlaril a piin yan nyɔɔr nŋmi-n.

Kolosiya 2:5

Nan bu-n, hali maah kaa be ni ban nin tigbanann ni, n be ni ban kinaaŋin le ni mɔm, le ban n kan naah si nbamɔm man nin naah ŋmag ni yada-n man kenken Masiya ni.

1 Tesalonika 3:3

wee u ba n laa lu u yada-n limugil nan bu. Ni tɔɔl nyi ke ni ye Uwonbɔr a wiib le ke ti kan limugil nmɔn a booli.

1 Timoti 6:12

Kɔm likɔnŋanl nin yada. Li ŋmag limiɛfol lan kaa jɔɔ diɛmin, lan bu wee Uwonbɔr nan yiŋin, wee a ŋa siɛra ŋaŋ ki kpiir ki wɔɔn siɛradam takpemin.

2 Timoti 3:12

Ibamɔn, uninfo wan biɛn ban un be Uwonbɔr a bam Masiya a yinl bu li kan limugil,

2 Timoti 4:7

N kɔn likɔnŋanla, n diɛ n taguunla, ki sin ŋmag n yada.

Hiibru Yaab 11:33

ban a yada bu wee bi nan kɔn ki nyaŋ ntim a bɔrtiib, ki tun ibamɔn a itoon, ki kan nan nan ye Uwonbɔr a mɔsiinlin; ki ye ban nan loon igbegin a mɔɔŋi,

Hiibru Yaab 12:8

Ni ye baa kpaan ni (wee ni biɛn kan ikpaan ke), man ke naa ye u baantɔɔl a bimarimi.

Jemisi 4:7

Mambu ni taam niba ki sei Uwonbɔr a. Ni tom Sintani, wee un guun ki jiɛn ni.

1 Piita 1:6

Ni niɛ nan bu ni mɔ ni le takpem, hali naah le jin fala kan daandaan nan wee kaa li yuurin a booli biɛn nin yɔli.

1 Piita 2:21

Ni nan bu le Uwonbɔr nan yin ni, nan bu-n Masiya nan jin fala ni bu-u, ki wɔɔn ni limagil, ke ni li nɔɔ u tabogi ya.

1 Piita 3:14

Amaa hali ni le ye ni ji fala itoon ŋan bu ke, tikaar be ni bu. “Ni laa san bininfob kaah san nan bijawaamin nni; ni laa che ni lam yugiri.”

1 Piita 4:13

Amaa ni che ni li mɔ na nin naah por ki ji Masiya a fala-n bu, wee ni nan kan nmɔn takpen u pagin a kpiirimin.

Tibɔkpiirkaan 1:9

Min, Jɔnn wan ye ni nabig, wee ki ye ni kpiɛg ti fala-n nin ti naamin nin ti mɔril a nyiginimin nan ye ti yaan Yisa bu-n, wee ki nan be ligungonl lan be nnyum a sisiigin Patmosi-n Uwonbɔr a mɔleen bu nin maah ye Yisa a siɛra bu-n.

Tibɔkpiirkaan 6:11

Le bi nan sei bi biɛn daalapeen fufɔbir, ki bei bi ke bin guur wamau hali nin bitoontum tab nin bi nabum ban wee bi na yin ku ke baah nan ku bi miɛnin man nin a kanlin nan foo.

Tibɔkpiirkaan 7:14

Le n jiin ke, “N yudaau, fin le nyi.” Le u len ke, “Bi ma ye ban nyann limug takpenl a poolin; ki ye ban wee bi ta Kipeebigin a cham ki ŋunn biwan yɔɔr le ti nin peen.