1 Piita 5:3 - UWONBƆR A GBƆNPƆŊ LIKƆƆNL

³ ki laa ta ni mug ban wee Uwonbɔr ta bi ŋa a nɔɔn nin ni, amaa che fin le li ye limagil ki sei ipee nmɔn.

Uwumbɔr aagbaŋ

³ Uwumbɔr di bi ŋa niŋaal ni la. Ni taa ŋani ke naah ye bidindatiib le na. Cha nimi aabimbinyaan mɔk bi baah ga dii pu na.

1 Piita 5:3 ပူးပေါင်းရင်းမြစ်များ

Jɔnn 13:15

N wɔɔn ni limagil le wee ni li ŋaan ke maah ŋa nan sei ni-n.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

1 Korenti 11:11

Amaa Uyudaan ma ban ke, uja kaa li fir be u ba bu ki jiɛn upii, upii mu kaa li fir be u ba bu ki jiɛn uja.

1 Korenti 3:5

Nin ni ma biɛn nan a bɔɔn, ŋma ye Apolosi? Ke ŋma ye Pɔɔl aa? Ti le ye bitoontum le, ban wee Uyudaan nan ta itoon ki ŋa uninfo uba biɛn a nɔɔn wee ni ŋa yada-n.

1 Korenti 3:9

Tim le ye Uwonbɔr a toon tun tab; nim le ye Uwonbɔr a kpaab ki ji ye Uwonbɔr a diig.

2 Korenti 1:24

Taa li fir mugir ni ki wɔɔn ni naah li ŋa yada man ni, amaa ti tun nin ni le ni yaa mɔm bu, nan bu-n naah jɔɔ yada nbu le ni si kenken.

2 Korenti 4:5

Naa ye ti mɔɔn ti baantɔɔl a bɔr le, amaa ti mɔɔn Yisa Masiya a bɔr le, ke u ma ye ti Yudaau, le tim ye ni toontum, Yisa bu.

Filipi 3:17

N nabum, nim nin ni tabin biɛn li nɔɔ maah mag man ki wɔɔn ni nna, wee ki biɛ ban a binbem nɔɔ nsan man wee ti nan sei ni-n.

Filipi 4:9

Niwann nan wee ni tinn n ban bee ki gaa n ban bee ki gbir n ban nin ni li jɔɔ tun itoon na man. Wee nposɔɔn a Wonbɔr win li be nin ni.

1 Tesalonika 1:7

Ni ma bu le che nim kpann limagil ki sei biwonjiɛm ban biɛn be Masedoniya nin Akaya a timin.

2 Tesalonika 3:9

Nan bu che ti tun nin kaa ye ke taa bi li fir ji ni wan yɔli amaa ti ŋa limagil le ki wɔɔn ni ke ni li nɔɔ.

1 Timoti 4:12

Laa che bin lig ki ziɛŋ ŋaah ye kibipɔliŋ nbu, amaa ŋa limagil ki wɔɔn yadadam a pipagirin, a miɛfolin, a bamin, a yada-n nin a kasi a toon yin.

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.