1 Piita 5:2 - UWONBƆR A GBƆNPƆŊ LIKƆƆNL

² Ni li kpaa Uwonbɔr a peei yan wee u taa ŋa ni nɔɔn nin na, ki li tun ke uwonjiɛn sanliira wee ni laa ye bi mug ni le amaa ni tɔɔl a bam bu, ke Uwonbɔr kaah ban ni li be man nin; kaa ye ilig a bam bu, amaa ki li ye ban ŋa sili nin ni tun;

Uwumbɔr aagbaŋ

² ni li ter Uwumbɔr aanib bi bi nido na, ke upihkpaal aah lik waapiih pu na. Ni taa ter bi limukl aaterm. Ni li ter bi nimi aageehn, Uwumbɔr aah ban pu na. Ni taa ter bi ŋimombil pu, ni li ter bi ni mpopiin.

1 Piita 5:2 ပူးပေါင်းရင်းမြစ်များ

Tibɔnyaan ti Luk ŋmee ti na 12:32

“N ninfob ban kaa yab nan, ni laa san bijawaami, ni Baa Uwonbɔr jɔɔ npopeen nin waah yin jin ni nnaam n bu.

Lituln 20:29

N nyi ke maa nan be a bɔɔn ke, tibɔkardam ban nann igbingbelin na li dan ni sisiigin, ki bii Uwonbɔr a ninfob.

Lituln 21:13

Amaa le Pɔɔl jiin ke, “Ba ŋa wee ni mɔr ki ku n gbanann naa? Naa ye ba tan yin lolimin a binba bu le n chaa, amaa n ŋa sili nin n tan kpo Jerusalam Uyudaan Yisa a yinl buu.”

Rom Yaab 1:15

Ni ma bu le n numan ke n mɔɔn tibɔŋann nmɔn ki sei nim ban be Rom nan mu.

1 Korenti 9:7

Utɔtogir ula ba tog bitɔb wee ki ji jinn ubaa? Bee ŋma li ŋu isiig yan lo iloon wee kaa li ji isiig nmɔn a loon yaa? Bee ŋma kpaa inaa wee kaa li nyu nnaabiim maa?

1 Timoti 3:3

ki laa ye udanyugbeer, ki laa ye ukɔnban ni, amaa ki li ye wan be soon, ki laa ye umɔkpefari bee ulig ban ni.

1 Timoti 3:8

Ni li ye man ki sei bititerib mu, ni kpaa talar le nin bi li jɔɔ nbinben ŋan wee bininfob li tenn bi jilima, ki li ye bibamɔndam, ki laa nyuu ndaam takpemi, ki laa ban bin kan tiyɔr tibɔkar bu.

Taitus 1:11

Ni kpaa talar le nin bin ŋmin, nan bu-n bi choon kɔɔ bininfob biɛn a niin yin le ki wɔɔn nwɔɔm man kaa kpaan nin bi li wɔɔn ni, bi wɔɔn man ki ban tinyɔɔr tan kaa jɔɔ jilima le.

Taitus 1:7

Nibu, uwonjiɛn sanliir kaah ŋmag Uwonbɔr a toon yin ni, naa ŋan nin u li jɔɔ igalin bee ki mugir u tabi, ki laa ye wan a ŋuul fii yɔli yɔli, ki laa ye udanyugbeeri, ki laa ye ukɔnban bee ki laa ban tinyɔɔr tan kaa jɔɔ jilima.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Taitus 3:1

Tiɛr bininfob nmɔn ke bi li nɔɔ biyudam nin bibɔrtiib a siim kaah wɔɔn man nin, ki li cheel bi mɔɔŋi, ki ŋa sili nin bin tun niwann nan ŋan biɛn,

Filemonn 1:14

Amaa maa ban n ŋa niba wee ŋaa nyi man bu, wee a yin ter nan ke ni laa ye limugili, amaa wee ni li ye a tɔɔl a bam.

Hiibru Yaab 12:15

Ni laa che uba n nan lann Uwonbɔr a nyunyunbasanli, wee nin laa che nton a sibonl npa ki yabig ni sufu-n ni wee nin ta kuŋmaruŋ ki dan ki bii bininfob takpemi.

2 Piita 2:3

Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.