1 Piita 4:4 - UWONBƆR A GBƆNPƆŊ LIKƆƆNL

⁴ Bi tiɛr ni ye tichann le naah kaa ji kɔɔn nin titoonbir a toon takpemin ni, mambu le bi lagin tisugir ki tunn ni.

Uwumbɔr aagbaŋ

⁴ Naah kaa ki kpaani titunwanbirdam ngbaan chee ki ŋani kina na, ni gar bi la, le bi seei nimi.

1 Piita 4:4 ပူးပေါင်းရင်းမြစ်များ

Matiu 23:25

“Woo, nim ban wɔɔnn nsiim nin Farasii yaab nan, nim bilinlarib nan! Ni nir tiyiinyɔr nin nsam a bɔɔn le, amaa le ni poolin gbeen nin nnaayigim nin kujaŋuuŋ.

Tibɔnyaan ti Luk ŋmee ti na 15:13

“Naa nan yuuri, le kibigin ta u faalin ki yaar jon kitiŋ kan fɔgin. Le ki jin u ligin nmɔn yɔli yɔli le i biɛn diɛ.

Lituln 13:45

Juu yaab kaah nan kan kuninfogbaluŋin le ni ŋa bi lipiiponl, le bi pag bii Pɔɔl a wɔɔmin.

Lituln 18:6

Amaa le Juu yaabin kaa chee Pɔɔl a bɔr nmɔn ni, le ki sugir u. Le Pɔɔl gbagbag u wan yeewaŋ, le ki ke, “Ni cham li be ni tɔɔl a yuli bu! N tun maah ye n tun man le. Naah nyan dinan ki chaa, n yin jo ban kaa ye Juu yaabin ban le.”

Rom Yaab 13:13

Ni che ti binbem li ween na, a li ke ti be nweehn le-n, ki laa ye ban nyu ndaam a booli biɛn bee bidanyugbeebi, ki laa tun iwanchɔgin toon ti piibanlin bee ti jabanlin nin iwanjaab toon a boolin yi, ki laa jɔɔ imɔkpel nin lipiiponli.

Efesusi 5:18

Ni laa nyu ndaam ki gbee, ke lidanyulin le nwanchɔgin binben nya, amaa wee ki che Uwonbɔr a Kasi a Naaŋin gbeen ni.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 3:16

ki che ni potiɛl li ŋan na, wee ban pag bii ni nin kininaŋ ni binbenŋam Masiya ni-n nji ifa bi tingbiig nmɔn bu.

2 Piita 2:12

Amaa bilinlarib nan, bi wɔɔn biba le ki sugir tibɔr tan biɛn wee baa nyi ti taai. Bi nann kulɔŋ a wankor le, tiwann naan wann tan kaa nyi niba, tan be wee bi nan chor tan kɔr, bi na li kpo ke tiwankorin.

2 Piita 2:22

Le bi ŋaar nmɔn wɔɔn ke ibɔŋal yan bi gaa-n ye ibamɔn le: Yan len ke, “Kibɔg wul ke ki jir tan ji ki wulin nin le,” le “Udool mu fun nnyum ke, u ji jir le ki tan fu nnyunbunyiɛm.”

Juud 1:10

Amaa bininfob nan ma sugir niwann nan biɛn wee baa biɛ le nin tiwann tan wee bi nyi wee kaa jɔɔ nlamgɔrikaami, ke tiwankor tan kaa jɔɔ potiɛlin, tiwann nmɔn le bii bi.