1 Piita 4:18 - UWONBƆR A GBƆNPƆŊ LIKƆƆNL

¹⁸ Le, “Ni ye ni pɔɔ ki sei nin bibuchim nkan nŋmarim ke, ke ban kaa jɔɔ nween nin tibirdam yaal na li be nii?”

Uwumbɔr aagbaŋ

¹⁸ Ni ŋmee Uwumbɔr Aagbaŋ ni ke, “Ni yaa pɔɔ bininyaam ŋmar kan, titunwanbirdam bi kaa pak Uwumbɔr na ga tee ŋa kinye ki ŋmar?”

1 Piita 4:18 ပူးပေါင်းရင်းမြစ်များ

Tibɔnyaan ti Luk ŋmee ti na 15:1

Bilanpogaab nin “titoonbirdam” takpem nan lagin Yisa ban ke bi nan pel u bɔr.

Tibɔnyaan ti Luk ŋmee ti na 23:31

Nan bu-n ni ye bininfob ŋaan nan busub nan kaah la sɔɔn nan ke, bi ni nan koor ke ba ni yin ŋaa?”

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Lituln 27:24

le ki beim ke, ‘Laa san bijawaami, Pɔɔl. A li foo ubɔr Siiza a nintogil, Uwonbɔr li fee fin nin bininfob ban biɛn be kuŋaluŋ nan yaan nan a miɛfol ki jaa fin bu.’

Lituln 27:31

Le Pɔɔl bei bitɔtogib a sanliiru win nin bitɔtogibin ke, “Ni ye biŋalindom nan kaa be kuŋaluŋ nan yaan ke ni ni uba kaa yin ŋmari.”

Rom Yaab 1:18

Uwonbɔr a ŋuufiiŋ nyan papaab ki kpiir ban kaa jɔɔ Uwonbɔr nin bipootondam buu, ban jɔɔ bipootom ki deginn ibamɔn nin bu-n,

Rom Yaab 5:6

Ni kan na, Uwonbɔr kaah gann isaŋ yan, taah kaa la nan jɔɔ npɔɔn nin bu, le Masiya dan ki nan kpo sei ban kaa jɔɔ nween ni.

Rom Yaab 5:8

Amaa Uwonbɔr kaah mag ki wɔɔn ti U tɔɔl a jiɛm man wee U jiɛ ti-n ye nan le: Taah le la nan ye tibirdamin, le Masiya kpo ki sei ti.

1 Korenti 10:12

Ni bu wan nyi ke u si nbamɔm ke, un choo u bau wee ki laa lu.

1 Timoti 1:9

Ti ji nyi nsiimin kaah kaa siin sei ban ye bibuchimi, amaa ban ye tukangbirdam, nin ban kaa san Uwonbɔr, nin tibirdam, nin tijagindam nin ban galin Uwonbɔr, nin ban ku bi baam, nin ban ku bi nam nin bininfokub,

Hiibru Yaab 4:1

Mambu, Uwonbɔr kaah siin limɔsiinl ke U li sei ti lifooril lan nin kaah la si nbu, ni che ti choo tiba wee uba laa nan lann lifooril nmɔn ni.

Jemisi 5:6

Ni nan pag ki bii bipopendam ma, ki ku ban kaa nan kɔnn nin ni-n.

1 Piita 5:8

Ni choom niba ki li nyi niba bu. Ni dataag ulinlaril le choon le jin ke ugbegin wan ŋuun ki ban uninfo un choo niɛ-n.

2 Piita 3:7

Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.

Juud 1:15

ke un ji uninfo biɛn tibɔr, ki choo ban kaa ye biwonjiɛm biɛn baah nɔɔ nan kaa ye liwonjiɛnl a sam ki ŋaan tiŋaar tan kaa ye Liwonjiɛnl a ŋaarin bu, nin titintann a mɔleen yan wee tibirdam ban kaa ye biwonjiɛm pag ki galin Uwonbɔr nan.”