1 Piita 4:11 - UWONBƆR A GBƆNPƆŊ LIKƆƆNL

¹¹ Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.

Uwumbɔr aagbaŋ

¹¹ Uwumbɔr yaa tii unii ipiin ke u len Uwumbɔr aabɔr kan, u teer ke ni ye Uwumbɔr aabɔr le u len. Uwumbɔr yaa tii unii ipiin ke u ter biken kan, u li ter bi Uwumbɔr aah tii u mpɔɔn pu na. Ni li nyuŋni Uwumbɔr tiwan mɔmɔk ni, Yesu Kristo pu. Uma le yeh mpakm ni mpɔɔn n‑yoonn mu kaa kpa ndoon na. Amii.

1 Piita 4:11 ပူးပေါင်းရင်းမြစ်များ

Matiu 6:13

Ki laa liin ti ki kɔɔn libiginlin ni, amaa wee ki nyan ti titoonbirdaan a nɔɔn.’

Jɔnn 13:31

Waah nan jon nin, le Yisa ke, “Daandaan nan le Usaal a Bija-n yin kan kupag le Uwonbɔr yin kan kupag u ni.

Lituln 7:38

Moziz nmɔn ji nan be nin Iziral yaab kaah lagin kukunkɔɔg a paab, nin malaka wan nan pag sei u Sinai a jɔɔl bu-n, nin ti yaajam; le u nan gaa limiɛfol a mɔboi ki ta sei ti.

Rom Yaab 11:36

Nan bu-n niwann biɛn nyan U ma ban le; le niwann biɛn be U bu le U ye niwann biɛn. U ma kpaan npagim hali n-yonn man kaa jɔɔ ndiɛmi! Ibamɔn.

Rom Yaab 12:3

Uwonbɔr kaah sam kunyunyunbaag kan nin bu le n bei ni biɛn nan ke: Uba laa tiɛr ke u ye lininfo gbingbemil ki jon waah be man nni, amaa che uninfo biɛn li tiɛr ibamɔn a bɔjil ki tenn u bau, ke yada kan wee Uwonbɔr ta sei win kaah kpaa man nin.

Rom Yaab 16:27

ni pagim Uwonbɔr wan a binba ye ulandaan nan, hali nin n-yonn man kaa jɔɔ diɛm! Ibamɔn.

Rom Yaab 3:2

Juu yaab jɔɔ isan a booli takpem ni wan biɛn ni; chinchinn, Uwonbɔr nan ta U bɔrin ŋubin Juu yaab a nɔɔn le.

1 Korenti 10:31

Ni ye ni jin, bee ni nyun bee ni ŋa nan biɛn ke, ni che nin don Uwonbɔr a yinl.

1 Korenti 12:4

Kasi a Naaŋ a piini be le balbal, amaa Kasi a Naaŋ ye kiba le.

1 Korenti 3:10

Uwonbɔr kaah sam kunyunyunbaag nbu, n bil lifiɛl le ke litanma kpegilin, le uba maa tɔɔg li bu, amaa uninfo biɛn li nyi waah maa ki tɔɔg li bu man.

1 Korenti 6:20

Uwonbɔr le daa ni kudaapɔɔrug, ni ma bu ni che ni gbanann le jɔɔ jilima ki tenn Uwonbɔr a.

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.

2 Korenti 9:13

Naah ter bi nbu, ni ma wɔɔn naah ye ban, bininfob li pag Uwonbɔr nin limɔcheel lan wee ni jɔɔ ki kpenn ni binbem ki sei Masiya u bɔŋann nbu-n, nin naah por ipiin ni ki sei bi nin bininfob biɛn man.

Efesusi 1:19

nin U pɔɔn takpem man yab kaa jɔɔ magim wee U ta sei tim ban ŋa U yada-n. Npɔɔn nmɔn tun ki nann lipɔɔn gbingbemil le,

Efesusi 4:29

Ni laa che tibɔbir nyann ni mɔn ni, amaa ni li pag nan li fir ter ni kpiɛtiib, wee nin ŋa tinyɔɔr ki sei ban peligin.

Efesusi 5:20

ni li pagir ti Baa Uwonbɔr iyoo biɛn nin niwann biɛn nin na ti Yudaau Yisa Masiya a yinl bu.

Efesusi 6:10

Nan joor ye nan le, ni li jɔɔ ngbananpɔɔn nin Uyudaan nin u pɔɔn takpemin bu.

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Filipi 2:11

le lilanbil biɛn na li pag npaan ni ke Yisa Masiya le ye Uyudaan, wee Uwonbɔr wan ye ti Baa n kan kupag.

Kolosiya 4:6

Ni che ni bɔr a pagim li gbee nin linyunyunbasanl ki mɔ ke n-yaamin, wee ni li nyi naah li jiin bininfob biɛn a binbaan yin man.

1 Tesalonika 2:4

Amaa ti pag le ke ban wee Uwonbɔr ke bi ŋan nin, Uma ta tibɔŋann nmɔn ki ŋa ti nɔɔn, ni ma bu taa ban ti pag ki penn bininfob a sufu amaa ti ban ti penn Uwonbɔr wan magir ti potiɛlin a sufu le.

1 Timoti 1:17

Daandaan nan, Ubɔr wan kaa jɔɔ ndiɛm, wan kaa kpegi, wan wee baa ga, Uwonbɔr uba, Uma ŋan nin jilima nin kupag hali nin iyoo yan kaa jɔɔ ndiɛmi. Ibamɔn.

1 Timoti 6:16

U yaa binba ni le limiɛfol lan kaa jɔɔ ndiɛmin be, ki be nween man yaan wee uba kaa li fir foon niin ni, uba kaa la nyi kan wi, bee ki li fir kan wi. Uma kpaan nin jilima ki ye npɔɔn takpendaan hali nin iyoo yan kaa jɔɔ diɛmi. Ibamɔn.

Taitus 2:1

Ni kpaa le nin fin Tatusi n wɔɔn bi ibamɔn a wɔɔm.

Taitus 2:15

Ni niɛ nan le ye nan wee a li wɔɔn bi. Ki li jɔɔ npɔɔn man wee bi ta seiŋin biɛn ki pɔɔg bi gbanann ki li kpaan bi. Ki laa che uba nlig ziɛŋi.

Hiibru Yaab 13:7

Ni li tiɛr ni sanliib ban nan pag Uwonbɔr a bɔr ki sei nin. Ni li tiɛr bi binbem kaah nan nan joor man na, wee ki li toog bi yada kaah nan ye man nin.

Hiibru Yaab 5:12

Ibamɔn buu n-yonn nan, ni kpaan ni li ye ban wɔɔnn le, amaa le ni ji ban uba n wɔɔn ni Uwonbɔr a bɔr a piinimin a bamɔn. Ni ban nbiim le, naa kpaan nin tijiir tan kpiɛgi!

Jemisi 1:19

N nabum ni li nyi ni niɛ nan bu: Ni ŋan nin uninfo li gbir weenweem, ki li pag soonsoon, wee u ŋuul mu n laa fii weenweemi.

Jemisi 1:26

Ni ye uba tiɛr ke u ye uwonjiɛn wee kaa chor u lanbil ke, u lar uba le, u wonjiɛnl nmɔn ye yɔli le.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 2:5

ni mu tɔɔl be le ke itangbag yan fo-n, le U ta ni ki ma iniin wee ni li ye kasi a minmanib, wee ni li mann kinaaŋ a manug kan wee Uwonbɔr a num gbee Yisa Masiya bu-n.

1 Piita 4:10

Uninfo biɛn n taam ipiin yan wee Uwonbɔr sei win, ki ter u kpiɛtiib nbamɔm nin nŋmagŋam Uwonbɔr a nyunyunbasanl kaah ye man balbal.

1 Piita 4:16

Amaa uninfo jin fala waah ye uwonjiɛn nbu ke, u laa san ifa, amaa udaan npag Uwonbɔr nin waah jɔɔ uwonjiɛn a yinl nmɔn na.

1 Piita 5:11

Uma kpaan nin npɔɔn n-yonn yan kaa jɔɔ diɛmi. Ibamɔn.

Juud 1:25

Ti sei Uwonbɔr wan be U binba wan ye ti feeru ki jɔɔ kupag, nin jilima, nin npɔɔn, nin tininkper a pɔɔm, ti Yudaau Yisa Masiya a yinlin, iyoo yan nan jon nin, nin daandaan nan nin iyoo yan kaa jɔɔ diɛm! Ibamɔn.